ممممم
بدي أحكي
ممم بدي أحكي عن جانب أسود فينا
جانب معتم كما تقال في الفصحى
جانب قرأتو في روايه بحكي فيه البطل
إنو صحيح الكاتب يعيش الخيال وبوصل لخيالات وعوالم ما في حد بوصلها
ومع هاد كلو في جوانب في نفسو هوه ما بوصلها
مممم
آه يا قلبي شو بدي أحكي
من منطلق الجانب المظلم
بس إسمحولي أعتذر من قلبي ومن جسمي ومن روحي
يلي ظلمتهم معي لسبب هو الآخر معتم
يمكن حبيت وتعبت قلبي وجسمي
وأرهقت روحي ترفا في حب ضائع ولا زالت
ممم يمكن بيوم درست أكتر من اللازم لانو في شي بلحّ عليي
سبب ما إلو معنى
شو ما كان
مع الإعتذار
بس أنا يلي بدي أحكيه بدي أحكي عن إحنا مع عالمنا
يلي ثار في بالي الموضوع هوه كنت أتصفح مجموعة من المدونات
منهم بعرفها ومنهم ما بعرفها ويلي لفتلي أكتر شي يلي ما بعرفها
بس بعرف أشياء بسيطة عنها
الموضوع إنو ليه
أو شو يلي في داخلنا بخلينا نغير من حالنا
نحيد عن الطريق يلي إحنا فيه
عفوا من الكل ومن كل أنصار اللغة الإنجليزيه أو أي لغة أخرى
ليه عم ننسى لغتنا .. أنا درست لسنه فرنسي
من جهة ثقافه ولغة الدكتور كان يحكيلنا عن الفرنسيين ومدى إرتباطهم باللغة
جاك شيراك مره ترك إجتماع أروبي من منطلق إنو الرئيس السويسري ترك لغتو " الفرنسية" وحكى بلغة تانيه
مممم ترك أجتماع رؤساء دول
معقول
ووين إحنا من لغتنا لغة القرآن؟
يلي ربنا اصطفاها عن كل لغات العالم
يلي الكل أجمع إنو الناطق بالعربيه بإمكانو تعلم أي لغة ونطقها بطلاقة
مممم هون بروح لموضوع تاني
يمكن من اللغة أثرت حفيظة ناس بإنو شو
وين صار العربي من بين العالم؟
وبسألو : شو المانع إنو نتمسك بحالنا.؟
ليه يا عمي ما تقلد جاك شيراك وسركوزي من بعدو
مممم ليه عم نغير من حالنا وإحنا بذاتنا إلنا هويتنا الخاصة
طيب لما بدك تشتري أواعي ما في جندي فوق راسك أو رئيس يحكيلك إختار هوية غير بلدك
ليه ما تكون صاحب سلطه وخيار بنفسك
ليه ما تكون/تكوني من أسياد وسيدات التغيير
ما رح تقتنعو رح أعطيكو مثال يمكن يكون المرايه إلنا
حد حضر فلم هندي جديد؟ وعندي في ذاكرتو فلم هندي قديم
شفتو شو الفرق بينهم
ماشي بوضح أكتر ... اللبس المظهر الأفكار " اللغة " وكلو
صراحة صارت أفلامهم سخيفة خصوصا لما يحكيلها أي لوف يو
لا زودوها
ماشي
كلنا بنعرف الصينيين واليايانيين لبسهم ثقافااتهم أكلهم أشكالهم
متذكرينها؟ وينها هسا؟ حتى رسومهم صارت بعيون واسعة
لا تحكو عنيي تقليدية لانو زي ما حسيتو بعالم وحضاره فيهم إنفقدت
حضارتكم وهويتكم إنتو كمان نفس الشي
صرنا أجانب وإزا خالتطو الأجانب بحكو عنكم عرب وإنو إنتو مش منهم .. بجد ما بتخزوا من حالكم؟
متى رح نستقل بحالنا إحنا بأنفسنا يعني بيننا وبين حالنا
متى رح تصير في موضه عربيه تيشيرتات أو قمصان مكتوب عليها بالعربي ونلبسها من نفسنا
متى بدنا رح تصير في أكله عربيه إلها مطعم خاص وتنعرف
متى مغنييننا رح ينشهرو في العالم وتنسمع أغانيهم من دون ما تنفهم؟
متى متى متى
متى رح نتخلص من كل الشكليات يلي حكيتها قبل شوي كلها


نتخلص من الفكره السودا عن كل شي وعن الخمار واللحية يلي حتى إحنا عم نستحي منها


مممم متى رح نرتاح مع حالنا ونسلم لحكم ربنا؟
ونفكر في إشي أكبر
ما بدنا العالم .. بدنا حالنا
بدي نفسي بدي هويتي هويتي الخاصه من دون جزئيات محرفه من أصل إلنا نحن العرب
ممممم
وتزكروا هالكلمتين

إنما بعثت لأتمم مكارم الأخلاق .. محمد بن عبد الله
حديث نبوي شريف

بتمنى أكون وصّلت يلي براسي بشكل ينفهم
فتشوا على الجانب المعتم وخلو فيه نور ولو نور زغير
إعرفوا حالكم واعرفوا شو أحسن إلكم ووازنوا مصالحكم
في الميزان الصحيح
nawarea