طول عمري في إشي في حياتي
عم يحكيلي قصص
بشوفو بستغرب؟؟؟
شو هوه؟
الهوه هوه








ليه إشي غريب
ما بعرف
بس برضو لو الواحد ينتبه
بلاقي الإيدين لغة بحد ذاتها
هوه أول شي بنشوفو في جسمنا
إيدينا دايما معنا
إحنا
يمكن هيه أحيانا الإشي الوحيد اللي بعبر عننا
لما نتعب .. نسكت
للحظات إيدينا بتحكي
إيدينا بتضرب
إيدينا بتحضن
بتلمس
بتكسر
توصل لحد ممكن توصلنا لأعلى حد سعادة
أو بلحظة تلاقي إيديك عم تخنق فيك .. حقيقتا
طبعا أنا بحكي بعيدا عن العقل يلي هوه المسيير
بحكي عن تعاملنا مع الإيد نفسها
خروجا من نفسنا يلي فيها كل واحد بتعامل مع إيديه حسب تركيبتو هوه
البيئة والتربية وما شابه
بحكي عن تعاملنا مع الناس
أو


التواصل مع الغير
أول ما تشوف حد بترفع إيدك تحيي
تسلم
تحضن
أو حسب المصطلح يلي بحبو ويلي بحكوه اللبنانية
تغمر
الولاد الزغار بتحملهم
تلعب معهم
تزغزغهم
تمسك بإيد يلي بتحبو

ممممم
يمكن لمسه تفرق
التربيت على اليتيم صدقة
الضم من دون الغمر دليل صحبة
أو قرب
المساعدة
او زي ما بحكوا
give me a hand
بمعنى مساعدة

لا ننسى الرياضة والحكام


الحركات السرية يلي بيننا في اللعب زي الشدة
أو أي شي

وممكن العكس
الضرب الدفع وحتى الإهانة أو أي شي

ممكن إشي أبعد عن موضوع التعبير
مش تعبير أو حتى كنوع آخر من التعبير
أو حتى نوع التعبير الثالث يلي تعلمناه في التعبير عن التراضي
بعد الصريح والضمني
بييجي

الإنسان أول ما فكر بعد فقد النطق
أكيد بكتير أشياء للتعبير
ويلي نجح وكما هو ظاهر
لغة الإشارة
شو ما كانت اللغة
إنسان أصم أبكم
بيتواصل مع العالم بلغة الإشارة
بشو
بحركات إيدو
بكل الكلمات يلي بنتصورها
ومن بينها إشاره إحنا السلييمين ما بنعرفها
ومعناها
i love you

في شي أكبر
إحنا كمان ما بنعرف عنو كتير
بأثر فيننا
من دون ما نحس
ممكن واحد يقرأ إحساسك من دون ما إنتا تحكي كلمة
ألا وهي لغة الجسد
ويلي العقل الباطن هوه يلي بحكيها


وطبعا الإيدين عنصر أول وأساسي في تعبير العقل الباطن أو اللاوعي عن شو إحنا
بجد بنفكر من دون ما نظهر للناس
مثلا الفرح بنرفع وبنحرك الإيدين في الهوا
لما نزعل

بنسكر الإيدين
كنوع من الإنغلاق والرفض
والأمثلة كتيير والحديث بطول
هيه زي كل النعم
لا يمكن إنو نحصي فوائدها أو حتى نوحد معناها
بسبب إختلافنا
إحنا زي أصابع الإيد
مختلفيين
ما حد فينا بشبه التاني
في الشكل
الفكر
الروح الشخصية
بس أكيد لكل شي مقابل وومقابل أختلافنا وحدة أصلنا أو نوعنا
الصراحة مش عارفه كيف أختم الموضوع
بس يلي بعرفوا إنو الحمد لله على هالنعمة الكبيره
ويدمها إلنا

NaWaReA