عزيزي لونار
تعقيبا على آخر كتابه لك
ومع رفضك أي تعليق لأي حد
اسمحلي أحكي شغله بسيطه أنا سلمت فيها من زمان
أول شي الحمد لله على كل شي
لأنو غيرنا عايش في غابة وحوش من البشر
تاني شي
فلسفة الوجود بتحتم علينا إنو يكون في شي مضاد إلنا
خير شر
كذب صدق
جنة نار
جد ومزح
وكل منا إزا ما أخد وجه رح ياخد وجه تاني
صدقني إحنا عباره عن كتاب فيه مجموعة ملفات أو أقسام
كل قسم بنختلف فيه عن القسم التاني
ممكن نكون أوفياء بشغله بس بشغله تانيه لأ
ممكن نكون صادقين بشغله وبالتانيه لأ
هاد برجع لتكويننا
لجروحنا
لأهلينا ولعالمنا
مافي واحد فينا صافي
ما في حد فينا كلو صدق ووفى وإخلاص
بس برضو كلنا بنسعى للكمال
مرات أنا عشت بحياتي مواقف
ما كننت أعرف إني يلي بعملو غلط إلا لما أشوف حد تاني بعملو
وزياده على هيك
يمكن ربنا بخلينا نتعامل مع هيك ناس
عشان نتعلم ونتأمل في الحياة وحتى يمكن عشان نحمد ربنا إنو ما خلقنا متلهم
وبعدين إشي كتير مهم
عشان لما نشوف إنسان صادق ومحترم نعرف نقدرو
ونحس بقيمتو
مش عارفه شو أحكي كمان
بس صدقني الموضوع معقد كتير
أقبل كلامي ..
NaWaReA