هو: ألو
هي: يا هلا .. كيفك؟
هو: الحمدلله بخير .. إنتي؟
هي:مممممم
هو: مالك .. في شي؟؟؟؟
هي:لا بس هيك مش عارفه
حاسه باحساس ... مش عارفه كيف أوصفو
هو:عم بوجعك شي؟
هي:لا مش هيك القصة بس فيك تقول هيك
من الوقت يلي تركتك وأنا زي يلي ضايعه
هو:آه ...
هي:بس لما شفت اسمك على الموبايل .. هيك
يمكن رجعتلي الراحة شوي
هو:عاد أنا من الوقت يلي أعطتيني الرقم وتودعنا
كان هيك في نفس الوقت كنت بدي أحكي معك ومن وقتها
وإيدي بتحكني على ما أحكي .. ولما حسيت إنو صار الوقت
رنيت وأنا مغمض عيوني .. مابدي أتراجع
هي:مممممم
هو:ممكن أطلب طلب؟؟
هي:أكيد .. ولو
هو:هيك كنت عم بقرأ الكتاب يلي أعطيتيني إياه
وهيك شفت أصابعك مطبعين على الجلده
هي:ووو شروع في جريمة القراءة المفرطة
هو:صفنت شوي وانا بتطلعت في الكتاب .. وتزكرت كلامك
عن الكتب
فااااا .. طلبي هوه إني هيك إجا في بالي
إني جاي على بالي ألتقي فيكي صدفه في محل كتب
هي:أوففففففف
هو:شو؟
هي:هسا هيك الصدف بتصير؟
هو:بدي أشوفك كيف بتختاري الكتب
كيف بتشوفيهم .. بتتصفحيهم ..
بدي أدخل قبلك على المحل وأشوف كللللللل الكتب
اشوف شو ممكن إنتي تحبي وتختاري
ولما إنتي تيجي .. أشوف هيك لما تختاري
وتكوني هيك بين كتابين
أو تمسكي كتاب أنا فكرت إنك ممكن تختاريه
وتحتاري
وأنا أستنى هيك ردة فعلك في يلي فكرت فيه
أوقف أنفاسي
أشوف
هي:آش تشوف
هو:أشوف إزا بجد بعرفك .. إنتي نفسك
يلي في خيالي؟؟
هي:طب ليه ما نلتقي في مكتبه
هو:لا ..
لأني ما بدي اشوفك عم تختاري كتب
وتزيد الكتب ويضل بنفسك كتاب وما تقدري تحمليه
وتتركيه .. هيك لحالو .. زي لما تركتيني ورحتي
يضل يستنى حد يفتش عليه .. حد يشوفو بالعمق
يلي إنتي شفتي فيه
هي: .....
.....
هو: ليه ساكته
هي:محتاره .. محتاره في كلامك
هو:شو ما كانت حيرتك
مارح تكون بقدر حيرتي
هي:هسا يعني إنتا حابب تعيد صدفتنا ؟؟
بدك ترجع تعيش اللحظة؟
هو:آه ه على هديك الصدفه
لو شو صار ما بتنعاد
بتعرفي؟
هي:شو
هو: وآه من الشو هاي تاعتك
هي:(عم تضحك ضحكة زغيره)
هو:تصدقي لما تضحكي بحس حالي واقف على قمة
جبل والناس بتسفقلي
هي:لهلدرجة
هو:نفسي كان أخلي أول لقاء
هيك كامل perfect
هي:كيف؟
هو:كان نفسي بدل الcafe يلي قعدنا فيه
إنو هيك كنا في cafe فاخر وكبير
في بلد تاني .. وهيك بطل على شي نهر
ييجي الجرسون .. بكل إحترام يسألني وأطلب قهوة
ولما يسألك تحكيلو بكل أريحية .. مش زي يلي حكالك بجحره
"2 قهوة؟؟"
لا إنتي بكل بساطه تحكيلو "باخد شوكلاته ساخنه"
وتزيدي هيك بكل نعومه "hot chocolate"
هيك أحس بكم إنتي مممم (غير) ..
أشوف فيكي جرأة بنت زغيره .. مش هاممها شو الناس تحكي
امد ايدي تطلب إيدك
تمديلياها بخجل على الطاوله
تمسك أيدي أصابعك تفركهم بهداوة .. وأنزل عيوني جواتي
وأنا في نص سرحاني
تفتشي على عيوني لتحاكي عيونك ..
ولما تلاقي عيوني دايبة جواتي
عقلي بين قلبي وروحي وعيوني عم تحكيلهم شو عم تشوف
عم بتشوف عيون برائتها بلون القمر
دفاها ما بينوصف .. بكل نظرة بتحسسني إني زغير
بس ما عمري كان قدري كبير هالقد
ولما تتلون عيوني بلمعة الحب تتلاقى عيوننا
تطلعي عليي ..
تحني راسك بنعومه .. وتسأليني
"شو .. وين سارح"
أسكت .. ما أسمع شي غير أنفاسك .. أدوب
ترجعيني لوعيي كلماتك
ويرجعني للحياة وجودك قدامي ...
يتبع .. ليعشق
‏السبت, ‏أيلول ‏13, ‏2008
04:15:08 ص
nawarea