نورنياتي: عصبيتي

عصبيتي

مش عارفه ليه
بس ممممم
العصبية
إنها جزء من شخصيتي
بكللللللللل بساطه
نفسي أحكي
بس هيك طبعي
بس من جديد
وعلى كبر ... يلي بسمع
على كبر صرت أجمع قد ما أقدر من سكوت
حتى يلي بشوفني بعرف لما أسكت
بكون عم بربط في إيديي أو ماسكه تمي ما بدي أحكي
أو وجهي صار أحمر
تطليعة حقد
....
هروب مع كبت
هيك كل الناس بحس
لا مش كلهم لأني ما بأمن في التعميم
ممممم آه في ناس تعلمو كيف يتصرفوا في مواقف معينه
أنا لأ
كل يلي بعرفو إني أهرب ... وأضلني أفكر وووو أكبت
كنت أكتم وأفقع في وجه الواحد
هسا .. كل يلي في راسي بحلل وبحكيلي " عبث " شو بدي أحكي؟؟؟
شو بدي أحكي غيرها قدام ناس بناقضوا حالهم
أولهم الدكاتره .. هديك اليوم براجع دكتور نقصلي 5 علمات أول ما ناقشتو حكالي شي
ولما غلط في الحكي سألتو
ناقض حاالو .. مش بس هوه لا ومش عشان هاد الموقف لأني وبوجهو حكيتلو إنو مابتهمني العلامات
القصة إنو بلحظه بجد بحس بضعف
ما إلي سلطه ما إلي سند في حياتي يلي كل يوم
كل لازم أعملو بحالي
أبدا أبدا
على عيني وراسي بآمن بمبدأ الإعتماد على النفس
بس أنا من زمان بعمل هيك
حتى من زغري ... كرهت الأشياء .. كرهت أشياء كتير بحبها لأني مش قادره أوصللها
بس ما كرهت حالي
لأني بيني وبين حالي بحكي إنو بيجي يوم ورح ألاقي كل شي
بيجي يوم وبتنتهي عصبيتي يلي هيه لنفس سبب ضعفي
مع إنها حاليا القوه يلي عم بتمشيني وبتعطيني دفع أكمل الطريق
بس للأسف من دون تفكير من دون إحساس من دون أيا شي
وأكيد بدون أي حد .. وعشان هيك عصبيتي بتكمل وبتستمر وبتطول
النار بتولع .. بتاكل كل يلي حوليها .. حد في حياتي طفاها؟؟
أبدا كانو يتركوها ..
يمكن حد يحكي ليه ما تطفيها لحالك ؟؟؟ بحكي للحد يلي رح يفكر هيك ...
راجع أعلاه ...
الأسوأ ويلي دايما بصير معي أنو بس أعصب الناس بتعصب
طب ليه ؟؟
يعني مجازا بطفي النار بنار
ما بكره حالي .. وما بكره حد
ما بدي أبعد عن كل الناس
وبدي ألاقي حل .. أتواصل مع الناس بشكل صح
أفهمهم بشكل صح .. وأفهمهم حالي كمان بشكل صح وهاد أهم شي
بس الأهم وهاد بحبو في حالي
إنو الناس يلي مع كلللللللللللللللل هاد ما إقتنعت فيي وفي تغييري
بكل بساطه بس أوصل لهاي المرحلة - مرحلة القوة والسيطره - بكون وصلوا هدول الناس لدرجة الإهمال التام إلها
ورح تعيش الحقد حالها بحالها .. وزياده على هيك أنا مش رح أكون فاضيه لأحقد عليها :)
وأنا بكتب في بنت في بالي .. ما بتعرف حالها لأ
بس مممممم التخاطر بوحيلها
لا تستهينو بهاي الشغلات ...
الصراحه بعد يلي كتبتو أنا كتير مرتاحه
D:

0 comment:

حقوق المؤلف

جميع الحقوق في الصور أو النصوص المقتبسة أو الفيديوهات أو الأفكار وحتى نموذج البلوج كلها تعود لأصحابها لا أنا لا أنسب ما أضيفه (من غير ابتكاراتي الخنفشارية) لنفسي وإنما الإضافة لغايات التوضيح والتأمل وباقي النصوص المكتوبة فا من كتابتي وسواليفي الخاصة

شو كمان شو كمان شو كمان؟
آه وما عندي فيسبوك لا حد يدور عليي ويحكيلي متنكرة
i hate it