زي طفراتي كلها
إجت طفرة مابعرف أنام غير لما أشعبر عن يلي في راسي
هيه فكره زغيره بس بتخوف
مممم
ومن إحنا زغار كنت أشوف أختي يلي دمها خفيف الكل كان يحبها ومن هالحكي
من لما بديت أكبر كتقليد طبعا صرت متلها
كنت كمان أشوف خال إلي وعم نفس الشي
كان الكل بحبهم
بحب قعداتهم
بسلم عليهم
بشوف "شو آخر نكتهم"
وشو آخر نهفاتهم يلي بتنحكى في كل مجلس
ونفس الشي مثلا في التلفزيون الأغلب .. يمكن بحب الكوميدي
حتى الكوميديا إلها أنواع
سوداء رومانس .. وغيرها من يلي مابعرفو
المهم
القصة مش هون القصة يلي بدي أحكيها
عن الكوميديان نفسو
أو زي ما في ناس بتحكي عنو الجوكر كشخص بمزح ومن يلي حكيت عنو
متى بينتهي؟
إنو هيه حاله زي العصبي بضلو هيك على طول الكشره مابتفارق وجهو
أو زي الحزين يلي بجتر الحزن من أي شي حوليه
أو زي أي حاله بيتطبع فيها الناس وبتصير جزء منهم
بس .. مش عارفه ليه بحس إنو أضعف حماية بتكون للكوميديان
على أساس إنو الناس في كتير حالات بتهرب إلو
بس يتهرب هروب مؤقت
ماما دايما بتحكي إفتحي التلفزيون على شي بضحك بكفينا الهم يلي إحنا فيه
يمكن هالجملة بتلخص كل شي في بالي
يعني مثلا لو كان حد بمزح في كل شي
وبقلب كل شي مزح
حياتو كلها هيك
طيب .. لما يتعب وفضفض عن حالو الناس رح تضحك ولا تواسيه
ولو كابر على جرحو وغطاه بمزح الناس رح ترد بضحكه ولا جبرة خاطر عشان شفقانه عليه
ممممم
طب لو بدو في لحظة يحكي كلمة جد مين رح يسدقو .. هون بتزكر فلم ل جيم كيري نفس الحالة
حتى ممثلين الكوميديا بس يمثلو دور جد أول ما بحكو عن الفلم النقاد عن الإنقلاب الكبييييييييييييير يلي عملوه
ويا بنجحو ويا لأ زي الأغلب
الكوميديان وظيفه؟
هدف؟
مرض الإرضاء؟ disease to please
بنقدر نحكي إنها سلاح ذو حدين؟
إختيار؟
حاله مجرده؟
قدر؟ طريق؟ وسيله؟
حاجة أو مكملات؟؟
أعتقد إنها كلهم .. ما في شي بيحصرها بإطار واحد
مممم هاد يلي عندي والباقي للباقي
nawarea