اليوم وأنا داخلة الجامعة
طبعا الكل بعرف شغلة الخميس وأخر دوام
والطلاب الوافدين بسافروا في هالأيام
شو عطلة محرزة وعيد
فااا وأنا طالعة وقفت هيك شوي لأني إشتريت إشي أكلو من نفق الجامعة
وتكركبت شنتتي فا عم برتب فيها
سمعت شب مبسوط مخلص دوامو وطالع دغري على الرئيسي
ومبين إنو طالب وافد من شكلو ومن كلامو
كان بحكي مع خطيبتو
بحكيلها إنو أه هي دوامي خلص وطالع على البيت يجيب أغراضو
وينزل على الجسر
حكالها أكم ساعة وبكون عندك ... بدي أتغدى عندكو اليوم
هوه هيك ضخم شوي تقريبا
كان بجد فرحتو إنو إجى العيد فرحة ولد زغير
في عيونو لمعة شوق الحب
ماسدقت يلي عم بشوفو
ما فهمت شو عم يصير
سكتت ... تبسمت بحرقه أكيد
حسيت حالي زي عمو عيوط

شوق الحب؟؟؟
لا لا يا ريت
هاد إسمو شغف
لا
لهفة عشاق

بعد ما بعد وهوه بحكيلها وبحكي معها
حسيت هيك ممثل هاي الشغله
يعني هوه أبو اللهفه كلها
وإن لهفة الحب بكل ما تعنية عم تبعد عني
أكتر وأكتر
لأنها بعيدة أصلا
أنا ما بحكي عنو هوه أصلا
عم بحكي عن الأشياء بمعانيها

الله يخلي الحب بين الناس كبير وعميق
ويفرحهم ربي في بعض ويبارك لكل الناس هالعيد ..
وبتمنى لحالي .. عيد ييجي وأفرح فيه ببإبتسامة جد
مش أرسمها على وجهي
بعرف في كتير متلي هيك
وبدعيلهم همه كمان

كل عام والناس والحب بخير