handicap cat
ليه نوريا حاطه هاي الصوره؟؟؟
غريب
شو معناها؟؟
القصه مش قصة بحب بسس
أو بتمسخر على هايي البسه
أو شي تاني
القصه ومافيها
كانت الدنيا مسكره في وجهي من كل الجهات
مزفته زي ما تحكو ,, مافي شي ماشي
ما برووح على مكان إلا بينخبط في وجهي
مش بس بيتسكر
قرفت جد فكرت وقتيها أترك التدريب ,, أقعد في البيت
لا حب لا عيله ,, مابدي صحبه
خلص بكفي
دراما العاده زي يلي عن جد
بضربها شمال بتفقعني يميين
لوول
المهم
وإحنا راجعيين من مشوار بخفي حنين في الطريق وبابا بسوق
إي
بسه جايه بتمشي في الشارع في نص عجقة الشارع
رفعت راسي أشوف منيح بدي أحكي لبابا بلاش يدعسها
تطلعت عليها ,,, صفنت شو هاااد ماصدقت عيوني
بسه كأنها مدعوسه ورجليها التنتين مشلولات وماشيه على إيديها
وربي لو تشوفوها
مش رافعه راسها إنو بتشحط حالها لا
جد رافعه راسها ومش فارقه معها لا سياره ولا سخماط
ماشيه ما في سياره جد مسترجيه تطب فيها ,, وتبطئ السيارات لتمشي
أنا بجد قشعر بدني
ولهسا الصوره مش مفارقه راسي
إنو البسه يلي هي حيوان
صار معها مصيبه
ومع هيك مكمله حياتها
ماشيه بنص الشارع ,, ولا خايفه ولا سخام
مممم
يمكن هاي هيك بعتها ربنا ليعلمني شي
سبحانك يا رب
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
الحياة لازم تستمر، سودا مسكرة ماكلة هوا، مش مهم، المهم لازم نخلي الأمل، و نحافظ عليه، الخسارة الحقيقية في الحياة هي خسارة الأمل، كل شي ثاني مهما عظم بيتعوظ بشكل أو بآخر.
الحياة صعبة، و اللي بيحكي غير هيك واهم، لكن الواحد لما يشوف مصايب غيره بتهون عليه مصيبته.
الأهم من كل هالحكي هو الرضي بما قسم الله لنا، نعمل كل ما نستطيع و نتوكل على الله، و إن كان إلنا نصيب في حاجة راح ناخذها غصب عن كل الدنيا، و إن ما كان إلنا نصيب فما راح نشمها حتى لو كل الدنيا حبت تعطينا إياها.
عيشي حياتك كأنك ستعيشين أبدا و اعملي لآخرتك كأنك ستموتين غدا (بعيد الشر عنك).
شو هاظ!؟ كأنه فقدان الأمل مرض معدي بين شبابنا!؟
الشغله مش شغلة فقدان أمل
الحمدلله إيماني في ربي كبير
الشغله إنو لما يضيع من إيدك شي
أكيد بتحزن على ضياعو
بس لما يضيع إشي بعد إشي
زي كأنو كف ورا كف
بهدله ورا بهدله
الواحد بدو وقت
لأنو لو ما عمل هيك
هاد رح يتكوم جواته ,, بيبين بعدين
زي كأنها عقد
إزا ما حليت العقد رح تتراكم عليك
ماتنكر هالشي
هاد معروف بين الناس قبل علم النفس
الله يصبرنا ونقدر نتحمل
شكرا
كلامك مسك والله
و النعم بالله.
ما دام الإيمان و الأمل موجودين ما في مشكلة.
-----------------
أهم شي الواحد ما ياكل عشر كفوف عَغَفلة
:-))
عشر كفوف
شايفني هبله
Post a Comment
:وكيل المكومنت قال