شو جابرك؟؟
مابعرف بس هوه هيك التشبيه إجاني على حين طبله
قصدي على حين غفله
جمعت الموضوعين مع بعض ليطلعلي الموضوع بشكل واضح
كنت مروحه من الدوام غيرت اواعيي ولبست اواعي البيت ورتبت الأواعي بس حطيتهم على التخت
تعبت نمت
بس طول الوقت نايمه على جنب من التخت
لأنو خايفه أدعس على الأواعي وأجعلكهم أو ماشابه
وهيك
ونكدت نومتي على هالإشي
صحيت من النوم
ضهري مخلوع
إيدي في جهه وإيد على الجهه التانيه
صفنت في حالي وحكيت شو جابرني
عشان قطعتين أواعي
أطعوج نومتي وأهلك حالي
رحت دفشت الأواعي برجلي ونمت
وحسيت براحه هيك لما تخلصت من العدو الجاثم على راحتي
هسا بتقولو مال هاي الطرمه وشو دخلنا في الموضوع
الموضوع كالتالي
كل واحد يحط حاله مكاني
ويحسب الأواعي عاده زنخه في حياته
دخان , أكل , نوم وسهر , أي شي ملزّق فيه وعم يخسر كتير بسببه
وحياتك بدونها هيه الراحه
طب جد شو جابرك؟؟
ناخد الصلاة
مثلا شخص مابصلي أو يقطع في الصلاة
مثلا شخص مابصلي أو يقطع في الصلاة
ومتدايق ليه يعمل أو بالأحرى مايعمل هيك
طيب قوم صلي شو جابرك تضل موجع راسك بالإحساس إنو
يي نفسي أصير أصلي
ونفسي ماأقطع
حطوا أولويات
حطوا الأشياء الصح أولا
ليش بنخنق حالنا في أشياء بطلعلنا أحسن منها
؟؟؟؟
لازم الواحد يوخد وقته
إدراك ,, إنفعال ,, سلوك
أنا أدركت الخطأ ,,, إنفعلت وحسيت بالذنب ,,, أنا بسلك أو بتبع طريق تاني
ببساطه هيك الإنسان الطبيعي بعمل
وزي ما دكتور إبراهيم الفقي حكى مره
تعلم أن تريد ,,, لا أن تتمنى
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
عزيزتي نوريه
مساء الخير .. صباح الخير
بطلت أميّز
المهم
لو كانت العادات السيئه اللي انتي بتحكي عنها
بتندفش من حياة الواحد بسهولة دفش اواعيك عن التخت
ما كان حدا اتغلب
الاواعي اللي دفشتيها
كان من السهل جداً عليكي ترجعي ترتبيها
بعد ما تصحي
وانتي مرتاحه .. وجسمك مرتاح
بس في اشياء كثير في حياتنا
مش من السهل علينا نتخلص منها
رح تسأليني ليش؟
رح أقلك لأنه النفس البشريه في طبعها
و جبلتها الألهيه .. الضعف
التردد
الخوف
زي ما فيه في كل نفس الخير والشر
فيها الثقه والتردد
والعداد بختلف من شخص للثاني
حتى بختلف من موقف للثاني عند نفس الشخص
شو جابرني ما أترك الدخان مثلاً؟
ضعفي ..
خوفي من اللي رح يجي بعده
وقيسي عليها .. أشياء أكثر
وبأحجام أكبر بكثير
يعني
كل ما كبر حجم الموضوع أو المشكله بالنسبه للشخص
كل ما زاد كمية الضعف والخوف تجاهه
وهون مش ضروري يكون كبير لهظا الشخص وللاخرين في نفس الوقت
اعذريني
الرد طويل
واتفلسفت كثير
بس كان عندي فكره براسي بدي اطرحه للنقاش
على الهامش
موفقه بموضوع 8-8
:give:
صباح الخير أول شي
عنجد كلامك لامس مكان الألم
ومرة كنت بحضر دكتور فيل
حكى جملة بسيطة بس قوية بمعناها
أنه لا تأجل قرار في حياتك
اللي بتعجز عنه هلأ بكرة مع التراكمات والايام بتحس حالك ضيعت كتير
خد قرارك هلأ وأنطلق فيه وما تأجل شي
ألفريدو
شيد أيكو صديق البيئه
والله فاهمه عليك
بس صدقني مش صعب
إزا غيرك قدر إنتا بتقدر
وبالعكس
إنتا بتثبت لنفسك كم إنتا قوي وقادر
إزا مش قادر على نفسك كيف بدك تقدر على مواجهة غيرك
أنا ما استسهلت موضوع الأواعي
بالعكس أنا استصعبته
لأنو هدول أواعي بعد اكم ساعه بدي أرجع البسهم
ومحسوبتك بتموت على الكسل
بس خلص
عملتها تشبيه لكتير أشياء في حياتي
ليه أقبل بأنصاف الحلول
لا
في كتير شغلات بتربط الدخان فيك
وهاي بسموها روابط
زي لما تشم ريحه بتتزكر شي تاني
أو موقف
أو فلم
أو أي شي
مثلا مكان تلاقيت فيه مع حد وضربك أوو صار خلاف
أول ما ترجع لهاد المكان بعد فتره
رح تتزكر وجسمك يتزكر كل شي صار
وهيك الكل
ماعندك غير شغله اسمها
تحطيم الروابط
فتش شو في أشياء بتربطك بالدخان
شو شو بحببك فيه
غير معتقداتك
الدخان مش راحه
حدد أولوياتك
وتزكر أشياء عزيزه عليك
إنتا مثلا بتحب الولاد
ماتحرم بكرا سعادة ولادك فيك
....
استاز ألفريدو والله على راسي
وجد الحوار والنقاش معك مابينشبع منه
تسلم وشكرا على الإضافه
جد أغنت الموضوع
Post a Comment
:وكيل المكومنت قال