شعور
السلام على من اتبع الهدى
اه ... الهدى كلمه أبدى فيها
مش قصدي أهدي حد
لا إني أقصد طريق .. أهتدي أله لسبب ما أو لمنطق متكامل نوعا ما
وتسلكه
وتعيش حياتك في ضوءه
ترتشد فيه
وتمشي لحالك فيه؟؟؟
وهيك بصير
في خلال حياتي إهتديت لطريق معين
وعلى فكره الكل إلو طريق
ممممم
ما بنكر كان فيه عقبات
حكيت عن حالي كبرت لما صرت ألاقي بدائل
أو حلول
وهون مع وحدتي في طريقي
بحلولي زادت الوحده تقولو صارت بالسالب
مش جابره حد يتقبل طريقي ولا حلولي في هالطريق
بس مش ضروري ترفضني وتأكد على رفضك لفكري ولحياتي
ليه الناس بتحب تجبر الناس على إنهم بتغيروا على مزاجهم
شو يعني أسهل من إن يواجهو الحقيقه ويعرفوا إنهم غلط أو مش كل الصح
؟؟؟
في علم النفس في إشي ما بعرف شو مسماه العلمي
بس إشي بما معناه إنو أنضم للمجموعه يلي محيطتني
إزا أنا في مجتمع متخلف ,,, بيتكيف تفكيري لأصير متلهم
وخدلك على هالموال
عشان هيك بحكي المثل الصاحب ساحب
ولا ينطق عن الهوى إن هو إلا وحي يوحى
سبحانك يارب
النبي الأمي فاهم علم النفس ونطق بمفهوم من كلام ربنا ألا وهو الحديث بالقول
المرء على دين خليله ، فلينظر أحدكم من يخالل
الفكره يلي بدي أوصلها عن الإتباع
والإنتماء إلى المجموعه
أنا مابدي أنتمي لحد أنا مش مقتنعه بجوانب فيه
أه ممكن أنتمي بجانب من الجوانب إلو
بس ما أنتمي إنتماء كامل
وبين حانا ومانا
بلاقي حالي
لحالي
مبعده
الناس بتحكيلك ياعمي يابتتبعني زي الخاروف
يا بتقب عن وجهي
لا مابدي ولأجل هالشي أرفضك
ويتتالى الرفض
وبتتابع الإنسحابات
لفتره من حياتي كان هيك الوضع
لفتره جديده قريبه
بلاقي حالي إنو لأ
مجبوره على بعض ناس
إنا مابدياهم
لا لا لا مابدي
مابدي
لا مهو في مثل بحكي
لأجل الورد بينسقى العليق
واسقى العليق من نفسي
وإنكسر يا خاطري
واسقيه ... اسقيه ... اسقيه
صراحه
إجتني فكره هسا
أولها زي أول حياتي
يمكن أتنكد هسا عشان مش عارفه أواجه الوضع
بس لا إن غدا لناظره قريب
اخر شغله خارجه عن سياق الموضوع
يمكن أنا بتنازل عن وعد وعدنياه شخص واخلف بوعده
وبتنازل من دون ما أفتح تمي أو حتى أذكر
بس مابعمري بنسى هاد الوعد
بتمنى أتعلم أصير أسامح بأقرب وقت بينكسر فيه الوعد
بس حاليا ... مش قادره
بتمنى ربي يعيني على هاي المسامحه
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
ربنا يقويكي ويحفظك
وتصيري تسامحي الناس
عن طيب خاطر
يمكن صعب الإنسان أحياناً يكون عنده مبدأ معين
والناس إللي حواليه - كل الناس
شايفيته مسخرة وحكي فاظي
أو عيب
أو ما بصير
أو من هالحكي هاظ
بس أهم شي قناعة الإنسان نفسه
وما يكون بغضب ربه
والباقي بهون
أحكيلك شغلة بسيطة
في كثير شغلات ما بغيرها بتصرفاتي
حتى لو ما عجبت حد من كل إللي حوالي
وحدة منهن
إني من فترة طويلة
ما بروح على عزايم برمضان
طبعاً هالحكي مضايق كل إللي حوالي
بس خلص
أنا هيك مرتاح
وهيك مقتنع
وقيسي على هيك كثير
فيا أختي العزيزة
بدامك عالصراط المستقيم
ولا يهمك حد
وربنا يحفظك
مممم
شكرا على التعليق
جد كتير حلو تلاقي حالك في حد مشابهك بشي
بعطيك دفعه إنو أه يلي بتعمله مش غلط
في كتير أشياء بتدايقني في الناس
زي يلي عم بقلدوا الناس من دون أي تفكير
مابكذبوا لما يحكوا جيل تافه
لما الكل على كل بعمل نفس الشي
ويلي مش متلهم هاد بكون براني
:k:
الله يهدينا جميعا
Post a Comment
:وكيل المكومنت قال