left alone
يا الله هالشعور شو مقرف
لحظة خليني أحكي شغلة إلي لحالي
إنو أوكي أنا ماعمري كنت هالبني آدم يالي الناس متلتله حوليه
ومش عارف وين يروح فيهم
حياتي كتير زغيره تفاصيلها زغيره
ناسها قلال
ما عندي قصص صارت معي
ماعندي مواقف تضحك أو تبكي
كل يلي معي قليل ,, شوي ,, مش متوسط حتى
كان عندي صاحبه وحده في الروضه ,, هديل --- اشتقتلها
مابعرف عنها شي
راحت تعرفت على هيا --- وينك يا هيا
راحت حاليا بس كنت أشوفها بشكل متقطع
بعديها أريج يييييييييييييي ياطولان وين دنيتك وراحت
وهيك ماعمرو كان عندي شلة
متزكره بالتوجيهي أول مره هيك بكون وضعي تمام
عملت شله أو بلأحرى لمة بنات زهقانات
وبما كنت النوريه الوحيده كانو ييجو ونتسلى
سميناها شلة مزبلة لبنان -- مش عارفه ليه سميناها هيك
كنت طبعا طبعا أنا الرئيس ,, رئيس مش رئيسة
وكانت في سكرتيره وأعضائها مش زي أي أعضاء
هيئة أو دائرة أو أي شي
بدليل كانت هنادي المطرم شعبان عبد الرحيم
ييييييي على هديك الأيام بس روان خربتها وكرهتني فيها
إجت الجامعة ياااااااااااااااااا دوب بعرف حد عرفت فيدو
أغلب الوقت كنت معها ,, كانت تعرف كتير بنات في كل الكليات
وصارت تعرفني ,, ولهسا ولبعدين كتير كمان الله يديم هالصحبة
بس مشكلة المسافات صعبتها كتير وكذلك سلفستر هالبنت مابنساها
إجت بعديها أماني --- الله يجبر بخاطرها وتعقل
المهم وبديت أتعرف ,, آخر صحبة عرفتها شكوكو (هدى) يا الله على هيك إنسانه
كتييييييييييييير أكتر من أختي بعتبرها ولهسا بشتاقلها وبعرف قادره أحكي معها
أكتر من أي صاحبة - إن وجدت - وأكتر من أي أخت
مممم أمي ماعمري حسيت إنها صاحبتي
وكل مره كنت أفضفضلها كانت توقع الدنيا على راسي من شغلت الفهم الغلط
مافي عندي قرايب هون حتى يلي في الضفة منغلقين ومعتبريني شايفه حالي
هاي بنت عمان ييييي -
في محجوب ماقدرت أعمل أي علاقه (صحبة) مع حد لأني إنفلمت
مش إنفلمت بي خلص في إشي غلط كان يصير
صرت أفكر معقول أنا الصح والكل غلط؟؟؟ بتصير ليه لأ
مستغربه ليه كنت أحكي أكتر مع شباب ,,, بحس البنات مابتطيقني
لوووووووووووول
أكتر شي برتاح لما أحكي مع حد كبير , متجوز , ما إلو في التفاههة
في حد كتيير بعزه في محجوب هوه عارف إني بحكي عنه هسا
الحيله والسيله زي ما بحكو من الصحبة
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
15 comment:
http://www.youtube.com/watch?v=Fcv0ka1stwY
حيل أحبنك
m3 inny ma b3rfek mnee7 bs i'm so happy for you ya bent!!
u found your forever-best friend
allah y5aleekom la ba3ad ya rb
وأخيرا نزلتي بوست هون
:eeek:
الحمد لله عالسلامة , وربنا يهنيكي مع مأمون , الشب مبيّن عليه محترم وابن ناس
That's can't be described as "left alone"! I wish you all the best.
الله يخليلك ياه
ويخليلك كل أصحابك
ويهنيكم ببعض
ما بطلعلي الا افرح من شانك
العدد مش مهم
المهم النوعية
ربنا يوفقك
(؛
هلا بعمي شفيق
ماحكيت عن العدد
يمكن قصة عدد
لأن لما يروح هالأكم بني آدم
بتصفي لحالك
وتسلم الله يخليك
وتسلم والله يديم الصحبة
طانكس
:D
استاز صالح
سمايل مصعوووق
سمايل وجعه حنكه من الصعقة
سمايل مبسوط
ممممم بالنسبه للعنوان في كتير أشياء ما إنحكت
والبنات يلي كتبت عنهم بطلت أعرف عنهم شي
so i am alone ...
مابعرف
المهم إنتا أخبارك ايه يا حسين؟؟
rain yslamo ya 7lo
w thx kteer :hug:
شكرا لموروريكي عازيزاتي
تعالي كل يوم
w yai 2rrab alba6ee5
hala lunar,
keefk waink mn zmmmaaaaaaan ba6alt tbain
hala beek w tslam allah y5aleek
:shy b3adas:
ولك حييييييييييييييييييل أحبنك لحالك
الدنيا صغيرة
وجبل على جبل ما بلتقوا
بس البشر بلتقوا
الذكريات شي جميل
بحلوها ومُرّها
إن شاء الله الأيام الجاية تكون أحسن وأحسن
وربنا يسعدك ويهنيكي
:give:
thank you for making me sad
الله يوفقك ..
Post a Comment
:وكيل المكومنت قال