بتعرف لما تعيش لحظة بتتزكر فيها كلمة وحده أو مجموعة كلمات حكالكياها حد وتغوص في حالك تحس كأنو عمرك صار طويل .. ونفس الوقت نفسك تعلق بهدا العمر وبهاي اللحظة وتتكرر من دون ملل
نفسك تحضن كل شي نفسك تنسى كل شي
نفسك تعيش كل شي ومابتهتم لحظتها حتى بأنفاسك
بدك تسمع وتشوف وتحس هاي الكلمة .. هدول الحروف .. هاد الشخص
وتحس إنو الحياة عم بترجعلك حقك وتنسى كل شي تاني بتتمناه
تحس "بإنسانيتك" و "ببشريتك" وتعيش من لحظتها
تغرق في هاي اللحظات والحالات وتضل جوعان بدك كمان وكمان
.....
وتسرح فيها ترجع تتزكرها .. لو شميت عطر تتزكر هالشخص
لو سمعت أغنية ترجع تعيشه .. ماتتحمل وتحاول تحكي معو لو شو مايكلفك
تعمل أشياء ويطلع منك أشياء ماتتخيل إنها موجودة فيك
وتضعف .. وتصغر .. وتدوب حرمان وحاجة .. بس لأ .. الضعف معهم قوة ولو فيي قوة الدنيا
بفضل أضل ضعيف .. لأني مش عايش الدنيا يلي الكل بعيشها . ومابيفرق معي باقي الناس

ومابزعل على باقي الناس لو خسرتهم .. مابتهمني كلماتهم .. تطليعاتهم .. مابهمني
بعرف بشو أهتم وكيف أعيش .. برجع أعيش طفل صغير بكل شقاوتي وضحكي وأحلامي وحركاتي

وبتوه وبتعب وبحس الدنيا بتطعني لو بعد عني
وبحس صرت ختيار .. وجسمي تقيل من جوا .. ولساني تقيل لدرجة مابقدر أحكي
ودموعي بتنشف قبل ماتنزل .. كأنو في مشكله في جسمي كلو .. مش عم يقدر أتنفس .. مش عم بتنفس صح

دماغي عم يثور جواتي .. نفسي أمزعه عني .. مابدي أفكر مش قادره أفكر .. بدي أرجع كل شي كان
ومابقدر
أرجع أجزاء أرباع أنصاف
ومابقدر
طب لحظة واحدة فقط
أنا ضعيف .. أنا عاجز
ويعم السكون ويطبق على حنجرتي صارخاً في وجه الحياة في أنفاسي ... لا تعودي

بس الألذ من كل شي رجوع هاد الشخص من اللاشيء
ولو بمسج
وكأني خسرت معاركي كلها .. وهسا بنادوني يا فلان ,, انت كسبت الحرب

....