مرات بشوف ناس بتحكي وبتقاتل وبتصرخ وسنعمل ولازم يعملو وهدول غدرونا وفلان عملي هيك وحكى عني هيك ومن هالحكي يلي بطعم ويلي بلا طعم .. طب إنو خلص ياماما طيب فهمنا روق يا برقوق كل شي بيتصلح وكل شي إلو حل ويلي ما إلو حلو مابكون مشكلة بالأساس زي معادلة الرياضيات 1+1 المشكلة والحل = 2 لو مافي حل مابكون في مشكلة بس في ناس إنو جد ياحرام لو إنجرح إصبعو بقلبها فلم دراما تركي أو مكسيكي وأنا خلااااااااااااااااااااص ونهدي فيهم ويا عمي بتنحل مش مشكله لأ كأنو حالف يمين ما يسكت وإنو هاد يعد خرق صريح لحقوق الإنسان وبتلاقيه دايما طالع بالعالي وبيحشر حالو وين ما كان وهيك لازم وهيك مش لازم وهيك صح وهيك يلي إنتو بتعملوه غلط يا سيدي على راسنا إن الله مع الصابرين ... إذا صبروا .. هه في فرق لأنها جمله شرطية مشروطه بصبركم ويا عمي مافي حق بضيع يلي بيتاخد منك اليوم بوكرا بيرجعلك وبحكي هالحكي من موقف صار هداك اليوم إنو جد في شخص استنى على واحد وخلاه يغلي على نار هاااااااادية وفي اللحظة المناسبة سفقوا هالإسفين وجاب بجد أجله وبجد الله لا يردوا

فا بجد سياسة الصبر على فكرة سياسة في مواقف معينه بتكون بجد هيه الخيار الأسلم ومعها التروي وتفتش على الخيار الأحسن من بين كل الخيارات ... دايما بتلاقي خيارات كتيرة العنف والسب والحرب السرية وال وال وال وغيرها مش من أولها تطلعلي والله غير أعمل وبقوم يخابط ويلاخم وفي الآخر بتطلع على راسو .. لأ وقف شوي وأخبط الخبطه يلي هيه وكون صاحب موقف وبجد يلي بيصبر بينول وربنا كبير ومابيجي منو إلا كل شي كبير ولما تختار الإشي الصح والخيار المناسب في المكان المناسب بتوصل لهدفك سواء هدف شرير أو غير ذلك وسلامتكم والنعنع

وبالنهاية بهدي مرثية الشاعر الكبير نمر بن عدوان البارحة يوم الخلايق نياما

لكل الساقطين بالإنتخابات النيابية ... حرااااااااااااااااااااااااااااام بس تحشيش