بستي الكبيره
الشغله يلي بحكي عنها اليوم شغله كتيييير بسيطه بس بنفس الوقت إلها عظيم الأثر في نفسي وفي حياتي على مر الوقت .. الشغلة إنو أنا بجد مغرمة بهاي الفكرة
فكرة شو؟؟
فكرة إنو في حد يكونلك بالدنيا هوه الوحيد القادر إنو يغيرلك مزاجك ويحسسك بإنسانيتك ويشبعك نضوج بالتعامل ولما تتحرك بشكل معين يكون فاهم عليك حتى لو بحركة عينيك بس الفكرة الأهم يلي بدي أحكي عنها يلي هيه الشخص المميز بحياة الإنسان
زي المراية يلي بتشوفها بس تصحى الصبح .. بتكون زي يلي لساتك زي الصفحة الفاضية ومتقبل حالك بكل جعلكة هاي الصفحة وهوه هيك بيتقبلك بحالتك ومجرد وجوده بتحس بسخافة أي موضوع أو مشكلة إنت فيها بتسلم عليه بتحكي معو بمواضيع صغيره يمكن تكبر وبتنسى أي شي تاني
خلص بس عم تستمتع بالحياة وطعمها معو
البرد بيقلب دفى الجوع بتنساه والعطش هوه بالأغلب بيجي وبيعزمك على شغله
طبعا رح تحكو شو هالحد السوبر يلي بتحكي عنه
بس بجد ما عم بزيد ولما عم بضخم الموضوع وشفت كتير ناس بحياتهم هيك أشخاص
بس المشكله هدول الناس إلا ما يكون بحياتهم أوجاع وقلق مستمر من ناس كتير وبستغرب ليه
ناس بهيك صفات ومريحين هالقد وبجد بحاول أشوفهم بتجرد وما بلاقيهم هالناس يلي بيستاهلو يصير معهم هالقد مشاكل ومصايب مرات بعرف الكل على هالحال .. بس بتحكي لحالك إنو لااااء صعبه تهضمها لهيك ناس
عكل حال الناس يلي بحكي عنهم عارفين حالهم .. وإنتو عارفين مين ناسكم
وفاهمين قصدي ومشاعري
ومشاعرنا بعرف ما بنخجل منها ولا بنخبيها قدامهم
وبالنسبة إلي بحس حالي فضيحة .. وأول مايخطر أو أحس بشغلة على طول بوصللهم شو بحس وشو بعيش وهمه بحسهم إنصدمو مرات إنو مالها هاي
بستييييييييي الكبيرة
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
12 comment:
ع الوجع إنتي كل دايمن....
الحلو مش إنك تلاقي هيك شخص يفهمك ويستوعبك بكل حالاتك
إلا ما تلاقي,,الحياه قدامنا طويله
الحلو تعرف تتمسك فيه وما تنفره بتصرفاتك
صباح الخير يا بطه...
إم عمر
مش قصة على الوجع بس القلوب عند بعضها
عجبتني الصورة وعجبني وصفك انه بستك الكبيرة
حبيت
:e:
نورية العزيزة..الله يخليلك هالناس الي بحلّو بوجودهم حياتك وما يحرمك منهم ولا هم ينحرمو منك
ودام الافراح دياركم العامرة خخخخخخخخ
يخليلي إياه قلبك يارب
:hug:
أون سايد نووت
بلشت أقرء بالموضوع إياه,, وصابتني صدمه نفسيه ,,وتحت
بس أرجع ل الأرض,, بكمل بحث
ليه حاسه حالي بقرأ بجريدة الرأي؟؟
A mirror like this makes you happy, it reflects the best of you only the best.
but unfortunately during this process the mirror has to suffer, because 1st it has to hide the bad things that it sees inside it and that hurts, and 2nd it can't see itself even in another mirror, it only sees reflections of others, that is what makes such people sad and maybe unfortunate as u say it!
مسا الخيــــر
شعورك طبيعي جداً , وكلنا بنحس هالإحساس
لكن يا غالية .. المشكلةالكبيــــرة لما الحياة تكون قاسية علينا ,,, ونفتقدهم ونعيش مراحل تايهين بدونهم
!!!!
كم نحتاج فعلا لذاك الشخص القادر على اختراقنا
انسان يدرك باحساسه حالاتنا النفسية ولو على بعد اميال
موضوع رائع
I Like Noor Comment ,,
stay_coool
أشكرك على التعليق وتوضيح الفكرة
وبجد مابتتخيل إنو بتتجلى فيهم صورة كم إنو الحياة مش منصفه
نور
تايهين كلمة بمليون صورة وضحت براسي
وبتوجع .. بجد بتوجع
حلم
أشكرك على التعليق وبجد مجرد التواجد وحتى ذكرهم بتبعث دفى في الروح بشكل غريب
anonymous
شكراً
زيارتي الأولى :)
كلام جميل و الله
وصف "بستي الكبيرة" فعلا ً حلو و معبّر
sheshany
أشكرك على زيارتك
شرفتنا
وبستي الكبيره
يؤبروني البسس والبساات أنا
:smile b6l3 mn raso glebat:
Post a Comment
:وكيل المكومنت قال