غفران للذات
بنلتمس عذر لغيرنا
بنلتمس عذر للي سبقونوا
وللي أصغر منا وأكبر منا
طبعاً أكيد في حالات معينة ما بنعمل هالشغلة أبداً
بس ليه بحس ما بنعطي حالنا عذر أو مجال أو أسامح حالي أو آجي بصف حالي إزا بقدر أحكي
مش فاهمه ليه بلحظات برجع بتزكر شغلات وما بقدر أتحمل حالي فيها وبحاسب حالي ليه عملت هيك وليه ما كان لازم عملت شي تاني؟؟
أنانية ؟؟ جلد الذات ؟؟ محاسبة النفس؟؟
طب ولوين؟
ووين بدي أوصل في هالتحقيق الطويل مع ذاتي وفي ذاتي وبهالموضوع
مرت عليي فترة لقيت حل يمكن مقتبس من البرمجة الذاتية بس ببساطه حل شغلات بسيطة عم تصير فيي
أوك
بصير معي موقف يمكن ما بتخذ القرار السليم بلحظتها .. برجع بفكر بيني وبين حالي إنو هبل يهبلني ليه ما عملت هيك
أو شغلات قديمه صارت برجع بتزكرها وبتدايقني .. وشغلات تافهه بتكون
صرت أفكر من ناحية تانية .. إنو أوك أنا بهديك اللحظة ما كان عندي خبرة أو معلومات أقدر من خلالها أتخذ القرار السليم وعشان هيك رح أحكي لحالي أوك أنا غلطت أو ما عملت الشي الصح وقتيها .. بس حالياً الوضع إنتهى وما رح يرجع وكل يلي بإيدي حالياً إنو ما أكرر هاد الغلط .. وفي حال حد حاسبني عن هاد الغلط رح أحكيله ببساطه أنا وقتيها تصرفت حسب ما كنت بعرف ومع مجموعة الظروف يلي كانت مع هداك الموقف يلي أنا حالياً ما بقدر أعيد الزمن وأتزكرها كل بلحظتها أو أرجع أصحح حالي ورح أعتبر يلي صار وقتيها صار وإنتهى .. وحالياً أنا عندي فكر جديد وخبره جديده بقدر إزا واجهني موقف متله أكون حاسبه حسابي
وحالياً أي شغله ما بعرفها ماِ تعلمتها ما عندي خبره فيها أو ما مر عليي متلها سواء سمعتها أو تعلمتها رح أحكي ببساطه ما بعرف ورح أتصرف حسب الظرف يلي بواجهمي وحسب ما بلاقيه مناسب وإزا طلعت النتيجة صحيحة بكون تعلمت شي جديد وما خسرت وإزا عملت الشي المش صحيح رح أحاول أصححه وبكون تعلمت شغلتين جداد كيف أبني وأهد وأرجع أبني بشكل صحيح
بس إياه أي حد يحكيلي بوكرا بتندمي وبكرا بتجربي وبتتعلمي
أنا إذا ما تعلمت اليوم بضلني جاهله لبكرى وفي ظل جهلي مابقدر أحاسب حالي
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
مثل ما بحكوا : كل مباراة الها ظروفها :)
لما نوخذ قرار معيّن , بنحاول قدر الامكان نفكّر بالشغلة من كل نواحيها , مرات لما تكون الصورة مش كاملة عندك بطلع قرار بعدين ببيّن معك انه منقوص
اجمالا , احنا هيك , كيف مرات بنحكي لو انه الواحد فينا يرجع على صف سادس او سابع راح يسكّر العلامات كلها, لأنه هسه نظرتنا لهاي الصفوف انها اشي ابسط مما كنا نتصور , نفس الاشي عالقرارات
هسه انك تعاقبي حالك او "تجلديها" بتصفّي اذا انتي فعلا غلطتي وكنتي وقتها عارفة انك غلطانة او لأ - وقت القرار طبعا
توجعيش راسك كثير , بتتغلبي اذا بدك تسمعي حكي الناس , خليكي انتي الحكم :)
معناتو ان بدك توقفي جلد الذات
لازم تعدي للعشرة
وان كنتي تعدي للعشرة لما تتخذي قرار زمان
هلا صار لازم تعدي للادعشري
الي فات مات
وما تضلي تحسبي حساب انه ليه عملت هيك وليه ما عملت
بتوجعي راسك اكتر
ان خديها عبرة للي جاي ودرس للمستقبل
ويا دار ما دخلك شر
نمرودة
:e:
Post a Comment
:وكيل المكومنت قال