غرفة مكتب الأستاذ
مش عارفه ليه خطر على بالي أكتب عن هاد الموضوع وبهيك وقت تحديداً
يمكن ما يكون بهالأهميه أو العمق أو زيادة على المعلومات و/أو أشياء أخرى
بس مرات حلو الواحد يعطي مساحة لأشياء بتحرك بداخله شغلات إلها معنى تاني
تنبيه نقطتين رأسيتين الصور يلي رح تشوفوهم مصورين من قبل مصور فوتوغرافي مش أنا يلي صورتهم يعني
تنبيه نقطتين رأسيتين الصور يلي رح تشوفوهم مصورين من قبل مصور فوتوغرافي مش أنا يلي صورتهم يعني
طبعاً العنوان مش بيلخم إلا شوي
بس بيحكي عن شي إلو معنى غريب
دافي بس مكان تحطيم العظام العاده مع مد الألف في كلمة العاده
 |
| الكرسيين هدول خط الضغط العالي بحسهم |
مرتب بطريقه مريحه والجو فيها على مستوى القعده على رأي أستاز هايل
المهم
المكتب نفسه مقسم لأكتر من غرفه وغرفة الأستاز فوزي بين قوسين أستازي وبين شحطتين البني آدم يلي بدربني
وغرفته يلي شايفين صورها هون وهناك
أكبر غرفه فيها الإجتماعات ومركز الحركة والخرائط والآليات الكبيرة وغرفة التدقيق والشكاوي والبهادل والرواتب وإلخ إلخ
أييييوه غرفة المدير مع عدم تفضيله لأي نوع من الإدارة وأشكالها
كونه بحب يمارس وظيفته الأصلية بين قوسين كمحامي
وبخط أحمر زغير لو شاف حكيي رح يخبص ببطني
المهم هاد المكتب كما هو واضح بالصور فيه جد تناقض زي ما حكيت
فيه دفى وهدوء وبنفس الوقت بتحسه القطب المتجمد العاصف
رح أحكي عن الجانب الأول فيه
أستاز فوزي تنطبق عليه أحذر الحليم إذا غضب يعني زلمه رااااااااايق بس مرات شغله ممكن تنكش كل معنى الهدوء والحلم فيه
نرجع للجانب الأول بلا لخبطه لو سمحتي
المهم الزلمه رايق وهادي وبتحس هالشغله معكوسه بغرفته شحطتين ومكتبه بشكل عام
يمكن الصور ما بتوضح لأنو مكتبه كتير نضيف ومرتب في الصور بس عالعموم رح أحاول أنقللكم الصورة الحيوية
 |
| مستغربه ليه مافي ولا ملف على المكتب .. وين الاقلام؟؟ |
الغرفه فيها اللون البني المحروق الدافي والبيج الهادي وبنفس الوقت فيه لوحات بين شحطتين فنيه مرسومه رسم من النوع يلي بتصفن فيها وبين قوسين بتصفي مش فاهم إشي
الأثاث فيه مريح بشكل غريب وإسألوني أنا كيف بعرف إنو مريح غمزه غمزه بس لا تسألوني
في كوفي شوب جنب المكتب وبكون مشغل أغاني وبلحظة بتحس إنو الأستاذ مشغلهم بس مع مرور الوقت بتفهم الموضوع بس هيك هيك شارع الوكالات الصبح بكون رهيب مع أغاني فيروز
وفي الزيت يلي بينحط في إشي كأنو إسمها مبخره وبيتولع شمعه فيها وبتشم ريحه هاديه بترخي الأعصاب وغير الزراريع الأخضره وراور ملاحظة على الهامش لا تتبعوا عليي أنا فاهمه على حالي
وأشياء وشويات مرتب المكان ودافي بألوانه زي ماحكيت وبالكوندشن يلي فيه بين قوسين شو دخل الكونديشن بالموضوع؟
غير أنو كل ملفات يلي بدها شغل بتكون متلله قدامه والأفكار بتنبع بقعداته
 |
| مركز التجمهر والإجتماعات وبلاوي والموكلين |
وجد فيه جو محفز لإستخراج منابع الدراسه لمعلومات كلية الحقوق يلي درسناها وماكنا نعرف ليه
وفيه بتحس الحكي عم يطلع منك منو حكي المحاكم ومنو حكي الحياة بمنطق قريب لحوار العائلات مع فرق المسافات والروابط
بتوقف قدام الشباك الدنيا بتكون نازله كبس برا بس إنت مخبى جوا بالدفى
مش قادره أوصل للحد يلي أحسسكم فيه بشعوري
لذلك رح أكتفي بهاذا القدر وأحكيلكم إنو أنا بكتب هاد الحكي لأتذكر الأشياء الحلوة
لأنو بجد إشي كتير بشع يتحول الدفى بين قوسين مرات ,, وبلحظات إلى جحيم
NaWaReA
الثالث والسبعمين من كانون المشحبر من عام ألف وتسعمايه وخبشه
تفقيطاً 23/1/2011 ولا حد يسألني شو معنى تفقيطاً لأنو مره قرأتها ولهسا مش عم بعرف أستخدمها
دبروا راسكم نقطه
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
شو الكيبورد خربان لتكتبي العلامات بالكلمات؟؟
الله يعينو أستاذك على عليكي
بس حلو كتير المكتب
تبيعوه؟؟
بمزح
موفقه يا رب
أنا مستغرب كيف عندك إرتباط في مكان شغل
الناس مابتكون مصدقه تروح منها
وإنتي بتكتبولي عن إرتباطات؟
عجبوني الزراريع الأخضره الوراور
تحشيش شغلة إنو المكتب كتير مرتب
لو سمحتو هاي شعبرات خاصة مخصصه
للذكريات بس ما أكون إنفهمت غلط
حديدي
مش عارفه بس لما تقضي وقت طويل بالمكتب
ولما تندمج فيه وتحسو من مسؤولياتك
بترتبط فيه نوعاً ما بس بكرر إني عم بتزكر هاي الشغلات عشان بيوم أرجع أقرأها وأتزكرها
انا بستنى صورة للمكتب وهو مليان ومعجوق
خليني شوي اغير الفكرة عنك
انك ملكة وبشغلك وقاعدة عا عرش عاجي وبيدك صولجان ونازلة تشبير وأمر بالعالم
:sc:
ينطيش العافية
:سمايل بجلس:
Post a Comment
:وكيل المكومنت قال