تنبيه : يرجى من ضعاف القلوب قراءة التالي
لأ .. ما كتبت العنوان لألفت إنتباهكم
بس كيف في بني آدم بتحكيله تحذير لضعاف القلوب لبشاعة الصور والمشاهد التي تحتويها المادة التي ستعرض
يعني هاي الجملة مش مقرفة إلا شوي يعني مين فينا قوي قلب يشوف إم غزاوية عم تكفن بأربع أولاد إلها منهم عمره ما جاوز الأشهر .. مين قادر يشوف اللبنانين جثثهم تحت الجسور والعراقيين بكل ما تحمل السادية من تعذيب في أبو غريب والشباب المصري بيتعذب ومنهم بيغتصب بنص الشوارع والليبيين .. و ... و ..
والآتي أعظم والناس بآخر عمرهم وبأروع طريقة للشهادة صاروا ينوصفوا بصور بشعه .. وأرقام 500 أو 20 أو مليون ما فرقت المهم إنو في رقم كبير ..
مين منا قوي قلب وبيقدر قبل ما ينام ما يحلم فيهم وتضل عيونه مفتوحه وكأنها متيبسه من الخوف
كيف لو الواحد يحط حاله مكانهم .. فكروا لمجرد صفة أو فكرة أو مبدأ تتبعه تتعذب بسببه .. تهان وينكل فيك وتدوق حلاوة الروح جواتك تصرخ فيك وما حد عم يسمعك وفي النهاية تصفي رقم بآخر هالنهار أو صورة ..
تخيل حجم العذاب .. تشيب له الولدان رصاص مسكوب؟؟ رصاص حي ؟؟ رشاشات ؟؟ قنابل مطاطية ؟؟
كيف إحساسهم عم تمزع الجسم تطحن العضام وتترك وراها عاهات ومآسي .. وما حد يحمى دمه ويدافع عنهم
مادامت لغيرك .. بدها تدوم إلك ؟؟
قال تعالى : "أفأمنوا مكر الله فلا يأمن مكر الله إلاَ القوم الخاسرون"
وقال سبحانه : :{وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ}
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
ما بنملك إلا الدعاء
:(
نسأل الله لهم الصبر والنصر
وحسبنا الله ونعم الوكيل
When death is so near, its not as dreadful as it is on T.V. suddenly it loses its effect, and becomes a fact like day and night. and when the idea of freedom posseses the mind the idea of life and death becomes so insignificant in an amazing way, no one can try unless he lives it for real.
So I think we shouldn't petty those who die, we should petty the living dead who are living in fear every day and night.
الله ينصر كل مظلوم وكل مطالب بحق
و حسبي الله ونعم الوكيل بكل ظالم
المشكلة واقعنا صار ما بنفع لضعاف القلوب!
Post a Comment
:وكيل المكومنت قال