نورنياتي: أحمد ديدات

أحمد ديدات

أحمد ديدات يتحدث عن الحجاب

يمكن طريقته مختلفه شوي

بس مرات لازم تفحم يلي قدامك بمعرفتك المتكاملة

أنا شفت هاد الفيديو قبل بس ما كنت عارفه مين يلي فيه

وسمعت قصة عنه بس برضو ما كنت عارفه مين هوه

يمكن في حد بعرفها بس برضو للفائدة

هذه القصة التي حصلت في عصر الشاه في ايران
استدعى الشاه علماء من السنه وعلماء من الشيعة
حتى يقرب بينهم وينظر الى وجه الاختلاف بينهم علماء الشيعة جاؤوا كلهم
أما علماء السنه لم يأت منهم الا واحد بعد تأخره عليهم!!

فلما دخل عليهم كان حاملا حذائه تحت إبطه:
نظر إليه علماء الشيعة
فقالوا: لماذا تدخل على الشاه وانت حاملا حذائك؟؟؟
قال لهم: لقد سمعت أن الشيعة في عصر الرسول صلى الله عليه وسلم كانوا يسرقون الأحذية !!
فقالوا : لم يكن هناك في عصر الرسول شيعه!!!
فقال: اذن انتهت المناظرة من أين أتيتم بدينكم ؟

جد القدرة على النقاش وحتى فتح المجال للمحاورة على أوسع الأبواب وبأكبر عدد ممكن .. هيه يلي بتساعد على الفهم وتقبل الغير أو رفضه بشكل منطقي وسليم .

7 comment:

سراج الماضي said...: الإسلام نفسه هو حجة على الجميع
ولكن كما تفضلتي
المناقشة و المناظرة تحتاج ثقافية عالية
وممارسةوقدرة على الإقناع
هنالك بعض الناس موهوبون بالفطرة، ولكن البعض الآخر يحتاج للكثير من التدريب ليصبح خطيباً مفوهاً

أي نقاش لكي يكون مثمر يحتاج أيضاً ان يكون كل طرف على استعداد لتقبل الحق وتقبل الرأي اللآخر بدون تعصبو إلا فلا فائدة من النقاش في الأصل

جزاك الله كل خير على وضع فيديو للشيخ أحمد ديدات; May 23, 2011 at 8:15 AM
sheeshany said...: الله يرحمه و يحسن إليه

أول أول مرة شفتلو مناظرة كان عمري 10 سنين! بتذكرها مزبوط

ما فهمت إشي طبعا ً بس رجعت شفتها مرة ثانية لما كبرت

كانت عن تحريف الإنجيل

في ناس إلهم حضور و هيبة بس مع هيك متواضعين

أحمد ديدات -برأيي- منهم :)

منظره و لحيته البيضاء و الأهم كلامه + أسلوبه ناااااااااادر و رائع

قصة تدينه أصلا ً بحد ذاتها مشوقة :); May 23, 2011 at 11:29 AM
نورنياتي said...: سراج الماضي
بتعرفي حتى الواح يتعلم لازم يصير نقاش وهاي أكبر صدمة صارت معي لما دخلت الجامعة ,, ماكان في نقاش وتحاور بغض النظر عن التخصص
لأنو عن طريق النقاش إنت بتصب كل مافي ذهنك ويتم تحليله وتصحيحه ومعرفة الصح من الغلط فيه وبصير عندك وقتيها صفاء ذهني ووضوح فكري بالموضوع يلي بتدارسه .. وهاي الحلقة لو وين ما كانت أو بأي مستوى تعليمي لازم تدار زي ما حكيتي بشخص لدية قدرة للمناقشة والثقافة الكافية ,, وزي المدارس الغربية شو المشكلة يكون في مادة أو حصة شهرية أو أسبوعية تتناقش فيها المعلمة أو الدكتور مع الطلبة بأي موضوع سياسي أو إجتماعي أو حتى فني أو ثقافي أو غيره لنقدر ننمي قدرة النقاش والتحاور مع الغير

هيثم
المشكلة الكل مفكر إنو ديننا صم مافيه مجال لأسلوب آخر مافيه حب مافيه عاطفة مافيه نقاش وتقبل مافيه ضم للمختلف ,, الناس حتى من نفس المسلمين مفكرينه دشداشه وقرآن مش مفهوم وحواجب خميلة وسلاح
الأسلام طريقة حياة ومنهج يشمل وقادر على إستيعاب كل شي كونه أساس وقواعد زي البيت يلي مأسس بشكل سليم وقوي لو شو ماضفت عليه بيوسعه ويلي مابيتناسب معه ببين بشكل واضح إنو مش منسجم; May 25, 2011 at 8:51 PM
سراج الماضي said...: أخت نورنياتي
أنا شاب ولست فتاة
!!!!
هاي ثاني مرة تحصل معي !!!!!!!!!!!
هو أسم سراج الماضي ما بيوحي انه ذكوري؟؟؟
طيب اللي عنده شك مادخل مودنتي على الأقل وعرف أني شاب
:(; May 26, 2011 at 11:52 PM
نورنياتي said...: سراج الماضي
معلش سامحني
وجد فكرت فيها إني أفتح على المدونة وأتأكد
بس أنا دايما بلخبط بتلاقيني بحكي مع أستاذي أو أبوي بصيغة المؤنث

sorrryyyy; May 27, 2011 at 2:03 PM
سراج الماضي said...: مسامحة بس هاي بدها فراش عطوة وجاهة :); May 29, 2011 at 3:24 AM
نورنياتي said...: سراج الماضي
خلص ولا يهمك بنعملك تخفيض 50% على التعليقات
شو بدك أحسن من هيك; May 29, 2011 at 8:14 PM

حقوق المؤلف

جميع الحقوق في الصور أو النصوص المقتبسة أو الفيديوهات أو الأفكار وحتى نموذج البلوج كلها تعود لأصحابها لا أنا لا أنسب ما أضيفه (من غير ابتكاراتي الخنفشارية) لنفسي وإنما الإضافة لغايات التوضيح والتأمل وباقي النصوص المكتوبة فا من كتابتي وسواليفي الخاصة

شو كمان شو كمان شو كمان؟
آه وما عندي فيسبوك لا حد يدور عليي ويحكيلي متنكرة
i hate it