hit after hit
يخرب بيت هالشغلة .. شو فييييييييييييييييييييييييييييييي
شو عاملة ليصير كل هالشي ,, ما توقعت هاليوم يكون هيك
شو القصة؟؟
ضربة ورا ضربة وقرف ورا قرف ويلااااااااااا
يحرق حريش هالشغلة ..
جد بس نفسي بس أقوم وأضلني أخبط فوق جوز أختي يلي برا وأضلني أصرخ أصرخ أصرخ أصرخ
كل شي اليوم مشى بالكندره ,, قرف يقرف هيك موظفين تقول بحكي مع وزير ولا إمبراطور وكل واحد أو حده نافشلي حالة
يقطع عمركم على هيك وجوه بتقطع الرزق ,, وعلى راتب هالحرام يلي بتاخدوه ,, يفضح يوم هيك سولافة حقيرة إني مجبورة أتعامل مع هيك زبالة وهيك ناس همج ,, قال وشو لسا في بالقانون جريمة مثقلة العقوبة على الموظف العام ,, أي لو بطلعلي لأتفنن بتعذيب واحد منهم وأخليه عبرة لمن إعتبر ,, يخرب بيتهم زي ماكينة الببسي بس تحط فيها ربع ليرة بتشتغل ,, يحرق يومكم شو وجهكم زي البلاش أحكي ..
أقسم بالله إشي بطلع الواحد عن طوره ,, خلص اليوم ما ضل براسي عقل ,, حسيت الخلايا الدماغية عندي عم تتبخر وحده ورا التانية ,, بدكم تحكولي شو راميكي على هيك هم ,, بحكيلكم المشكلة مش مني المشكلة مش عليي أو شي يلي راميني على هيك ناس .. المشكلة في هيك زبالة من حثالة المجتمع وطفلة الحشرة على رأي اللمبي وبتلاقي الواحد منهم بيتبغدد عليك تقول إلو عليك دين ,, لا بعاملوك زي البشر ولا بعاملوك زي الحيوانات حتى تقول خيال صحرا بيحكي معهم ,, يا محترمه بدي أسألك سؤال عن شغلة ,, بلشت تتنفتر وأنا مابعرف وروحي إسألي المتابعة ,, روحي إسألي القاضي ,, روحي فتشي إنتي ,, كمان شوي بدها تحكي روحي من وجهي ,, والأنكى من هيك إنها سحبتلكم علبة "لبن" متوسطة الحجم من جرارها وبلشت تغرف وتاكل ,, أنا صفنت إنو آآآآآآآخ على هيك زمن ,, وبس ييجي محامي بتشرطلو حناكها وهههههههه ويا أهلين بالأستاز فلان الفلان ,, يخرب بيت إستحي لا تندلقي يلعن هالمكياج يلي ما بينشال إلا بفلاش ,, وقال شو رئيسة قلم كل الأقلام ---- لاااااااء لهون وبس ,, زكرتني بنديم الندمان الممو الحسيتشا من إم الطنافس رئيس قلم فوووق بالإحصاء .
رح أدوخ من هيك أشكال بلا طعم وجد جد بتشوف إشي إسمو ترهل إداري وبيروقراطية وخنفشارية بيمشو وبتتنفسهم مع الهوا ,, والأبشع من هيك بتوقف بوجهك بتحكيلك روحي إشتكي شو بدك تعمليلي يعني ,, وبحكولك إحنا ما عملنا إشي إحنا ماقصرنا بكل وقاحة وقلة حيا .
روحت على البيت لقيت عمتي ,, أنا : لااااااااااااااااااااااااااااااااااااااااااااااااااااااااااء ناقصني أنا .. ما خلت خلية بمخ العضام يلي فيي إلا علقت عليه ماخلت بلاطة في البيت ولا ثانية في حياتنا إلا سفقتها تعليق من نوع أرض أرض جو وين ما طاح طاح مش طبيعي ,, مشششششششش طبيعي .
قلت أنام شوي ,, ولاد الحارة عاملين كلاسيكو الصفاقة العالمي ,, أنا : مشااااااان الله حد يطخهم حد يضربهم حد يسب عليهم يعني مابفهم إزا وحده مش عارفه تربي ولادها .. ضروري نتحمل قلة أدبهم وصراخهم وبياختهم؟؟ وهالموال كل يوم كل يوم واليوم كان تربل .
حطيت السماعات بداني وحاولت أنام .. إجيت أقوم شلت السماعات من داني ,, الحارة هادية ,, إنبسطت .. إيه في صوت وحركشة جوات البيت ,, شكلو في ضيف ,, يا حزري يا فزري مييييييييييين ::::: يعني مين رح يكون بهاليوم السعيد عشان تكمل؟؟
حاولت أتعرف على الصوت وبس عرفت مين أنا : لاااااااااااااااااااااااااااااااااااااااااااااااااااااااااااااااااااااااااااااء .. جوز أختي يلي بكرهه
كان نفسي أمسك راسو وأضلني أخبط فيه بالحيط وأسحب زمارة رقبته ,, وهسا عم بتنفس كل الدخان الهامل يلي عم ينفثه .
رح أنشل هاد غير إني صحيت الصبح معدتي مش محدده موقفها من الحياة وأنفاسي طابقة على بعض ,, وعندي كركبة نفسية لأني ما عرفت أنام ,, والأبشع من كلو إنو واحد من أسناني يلي قدام عم يلمع عليي على حين طبله ,, قال يعني ناقصها أنام وأصحى تطلعلي هيك مصيبة .. وطووول اليوم كل ما أتنفس بلمع من الهوا .
الله يستر ويمضى هيك يوم على خير ,, مع العلم ما كنت متوقعه هيك يصير .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
6 comment:
هذا يوم كان الأفضل ما تصحي من النوم فيه
هدي بالك
في ايام بتمر على الواحد مثل هيك
بالنسبة للحكومة والتعامل معاهم فيحتاج لمرارة مطفية وقلب ميت
ايام زي هاي لازم الواحد يسقطها من ذاكرته للابد :)
اشي بضحّك وببكّي
هاذ كان يوم ماراثوني , الله يعينك
ليش حاس انه اكثر اشي ضايقك هو علبة اللبن , يمكن لو حزّ بطيخ كان اختلفت ردة فعلك
:sc:
حاولي تحطي بالخرج قدر الإمكان
سراج الماضي
المشكلة إني ماعرفت أنام يومها
شوف النكد الأزلي
حتى متعتي بالحياة راحت هداك اليوم
lunar
حز بطيخ؟
لااااااااااااا
لو كان حز بطيخ كنت طلعتلها بالصوت العالي
لأنو حرام على هيك شكل تاكل بطيخ
يوم أغبر و صعب من هذيك الأيام
مش عارف شو أحكي و الله غير الله بعيييييييييييييييييييييييييييييييييييين
هدّي هدّي يا قمر
مش محرزه
العالم الغريبه منتشره حوالينا...ما بدك غير تعملي جو لحالك وتنسيهم
او تلاقيلك شغل بره البلد :)
ادورلك؟؟؟ هههههه
هيك الحياه يوم دمار و يوم دمار شاااااااااااامل
بدك تمشّيها للكل الا هاي تبعت القلم
ما تسكتيلها و امسكي علبة اللبن و بقفى ايدك انشريها على المكياج ..... اصلاطن بتكسبي فيها اجر و بتعمليلها تنظيف مجاني للبشره :)
haitham
والله بتحس بنفسية عاليه لما تقدر تحصل شغلة أو تعمل إجراء لموكل في المحاكم خاصة بس جد صارت الشغلة بطلعان الروح والموظفين بكرهوك عيشتك
الله بعين
whisper
زكرتيني بمشرف لاب الحقوق
كنت مقضية الساعات يلي بين المحاضرات في لاب الحقوق وكان في المشرف على الأجهزة يا أختي ما كان ياكل غير كل شي بطلع صوت خيار جزر على طوووول معه مره شفت عنده كيس في أكم رغيف خبز حاف والله أعلم بالمخفي
والأحلى كان يعمل شات على ويعمل محادثات صوتية بس ياااا حرام السماعات كانوا عندو خربانين فا مشغل الصوت يلي بحكي معو على السماعات العادية وكل اللاب يكون سامعة ,, ولا تقولي إلا بحكي عربي مكسر بأكم كلمة عبرية يا ريتو عارف يحكيها ,, طبعاً من كتر ما راقبت تصرفاته الغريبة فكرني معجبة فيه يقعطوا
عن جد هدول الناس كيف عايشين مع حالهم؟
Post a Comment
:وكيل المكومنت قال