جكر ,, عكس عكاس ,, تحدي ,, سمّوها يلي تسموها
اليوم الأول :
مريت من عندهم ماكنت فاهمه شي .
اليوم التاني :
شفير التكسي : "يعني تطلعي طلعوا مظاهرات وفي الآخر صفت قاعدين برقصوا"
نوريا : " والله ياعمي حكوها .. الطير يرقص مذبوحاً من الألم .. "
شفير التكسي : " آه والله ياعمي ,, إنت عارفه هالجماعة لو ياخدو تُمن حقوقهم بيرضوا وكل شعبنا هيك "
نوريا : " أهم شي الناس صارت تصحى على حقوقها ,, ومش لازم ترضى بالتُمن .. لأنو بكرى بصير تُسع .. وبعدو بنصير ندفع بدل ما ناخد لأنو ما حد بسأل ولا بيطالب بحقوقه"
شفير التكسي : " الله يعين الناس على هالبلاوي يلي بتصير فيها ,, المشكلة في سكوت الناس وخوفها ,, أبوي إمبارح إنتشل ودخلنا مغفر وبس شاف شرطي ضربلو سلام وصار يرجف من الخوف ونهرني بس حملت الخلوي أحكي فيه ,, تخيلي لوين الخوف مزروع فيهم ,, مع إنو رجال الشرطة والأمن همه يلي موجودين عشان يوفرولنا الحماية وبطبيعة الحال (الأمن) ,, بس شو نعمل في الخوف "
نوريا : "كلامك صحيح , تعظيمنا إلهم ما بيجي منو فايدة " .
اليوم التالت :
شفير التكسي : "أقسم بالله قرفونا يقطعهم ,, لازم ينزل عليهم عشرين بسطار دركي على نص صباحهم ليعرفوا هالنعمة يلي عايشين فيها ,, وليعرفوا إنو غيرهم مش طايلين نص يلي طايلينوا "
نوريا : " ........ !@#$%^& .... "
شفير التكسي يتحدث مع رجل أمن : " أي خلصونا منهم قرفونا يلعن وجوههم هالكلاب "
نوريا : " ..... لا حول ولا قوة إلا بالله .. "
وبلحظة مر التكسي بشكل كتييييير قريب منهم كانوا مشغلين أغاني وطنية وحاملين أعلام الأردن برقصوا فيها وبهللوا وبكل روح إيجابية وبكل روح سلمية وطنية مطالبة بأبسط أبسط أبسط حقوقها ,, وبهاي اللحظة أقسم بالله حسيت ب طاقة إيجابية زي كأنها نسمة هوا بعز الصيف ,, مديت إيدي وخبيت ضحكتي وحسيت بشعور قشعر كل بدني .
بغض النظر عن تحليلكم السياسي .. بغض النظر عن مطالباتهم سواء مطلبية فئوية أو مطلبية عامة أو لرزق وقوت أولادهم ,, الحياة أكبر من بساطير الدرك ,, الحياة أكبر من القمع ,, الحياة أكبر من السكوت والخنوع والخوف والخجل من الضعف .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
أنا لهلأ مش فاهم حاجة، هذول مين و شو بدهم؟
موافق تماماً إنه إللي ما بطالب بحقوقه بتروح عليه، بس مش عارف شو قصة هالعنف، بساطير و ضرب و قمع و غيره و غيراته، ما فيش حل وسط؟
saleh
العنف حسوه حل نهائي
كأنها حبة وجع راس والإنقياد الأعمى بأيد أي شي لو شو ما كانت النتيجة ,, لأن الخوف إنو يلي بقودهم ينوجع راسه ويسحب منهم النعمة يلي سارقها من حلق ولادهم بالأصل .
وهم النعمة معمي قلوبهم ,, مش يعني اليوم أعطيك عشرين دينار بوكرى آخدهم ستين غصب عن راسك إشي لازم نخنعله أو نوافق معو لأنو غيرنا بياخدو منه تمانين مش ستين
وبعدين أنا مش فاهمه قصة يروحوا يشوفوا غيرهم؟؟
يعني على شوي بحكولي روحي شوفي فرعون شو كان يعمل بقومه ,, أنا مالي ومال الناس التانيين؟ شو بدي فيهم أنا إلي في حالي وفي حياتي وفي رزقتي ونصيبي وفي حقوقي على هاي الأرض بوصفي مواطن بأدي كل المتطلبات وبستنى حقوقي قبل أن يجف عرقي ,, وهاد شي لا بخالف شرع ودين ,, وشغلة المقارنة حملت فوق طاقتها ولازم تتبدل بفكر نضيف
يزال معه العنف والكراهية ورفض المخالف
ومش بالضرورة كل الناس تكون نسخ عن بعض
اه هيك لازم نرضى باللي احنا فيه و نضل مخروسين
مطالبتنا بحقوقنا هو عدم تقدير لبلدنا
جد ايش مالو هادا مين كاين دابّو عراسو و هو زغير
rain
صح زي ما حكيتي هاي سرقة بلد قبل ما تكون سرقة ناس
ويلي بسرق ناس ممكن بيوم يبيع بلد لأنو الحرام بيتفشى في دمو يبيع ويقبض ما دامه نصب على شعب أو مجموعة كبيرة منهم
ولووول على ضربة الراس
:*l:
مهو هذا اللي شاطرين فيه! بل و مبدعين :(((((
Post a Comment
:وكيل المكومنت قال