كلكليطريه = حاسبة الشعب
اليوم بتفرج على الجريدة لقيت خبر شي بصدع الراس ,, هو بالأصل شفته على شريط الأخبار في الجزيرة ,, بس نفس الإنسان دنية بضلها تشك لتقتنع ,, وجاء الخبر شبه منشور في الصحف الأردنية مش عارفه ليه .
عكلن الخبر كان وبشكل غريب وعلى شكل هبة مش دين ,, وبالدولار مش بالريال .. ولمواجهة أزمات إقتصادية وأعباء مالية .
قال مسؤولون حكوميون أردنيون أمس إن الأردن تلقى منحة سعودية جديدة بقيمة مليار دولار لمساعدة البلاد على مواجهة أعبائها المالية المتزايدة.
وترفع المنحة الجديدة المساعدة المالية السعودية للأردن إلى 1.4 مليار دولار خلال الشهرين الماضيين. وفي رسالة إلى القيادة السعودية، شكر العاهل الأردني الملك عبدالله الثاني الرياض على "مساعدتها السخية للأردن الذي يعاني بفعل الظروف الاقتصادية العالمية الصعبة وارتفاع أسعار النفط".
وهذه المساعدة المالية السعودية للأردن ستعزز "روابط التضامن والوحدة الحقيقية" بين البلدين اللذين خرجا بأمان حتى الآن من فوضى الربيع العربي.
الحمد لله على نعمة الخروج من الربيع العربي ,, يا أخي هالربيع بعمل حساسية وربو وقرف وأعشاب والورد يلي بطلع فيه بقرف وجد مش متعودين بعد الخريف والشتاء الكاتم إنو نخلع كبابيت الجوخ ومتعودين نضل نمسحها ونلمع الجزمات ونسقع لنوزع برد ,, يا أخي اللمة حوالين النار والشعط منها إشي برد الروح .
المهم مش هاد الموضوع يلي بدي أحكي عنو .. بدي أحكيلكم من هسا .. كل واحد يقظب آله حاسبه أو مسبحة أو عداد أو كلكوليتر أو أي أشي بعد وبلشوا عدوا المشاريع ,, وأخصموا الأعباء المالية من هالمليار لآآآآآآآآآآخر سنت فيه .. ماشي يا حلوين .
ومش بوكرى حد ييجي يتفلسف ويحكيلي وين راحت المصاري ,, والله الحق عليكم بعزقتوها وماعرفتوا تعدوها ,, آه مهو أصرف مافي الجيب يأتيك مافي الغيب ,, كل واحد يفتح عالتلفزيون الأردني ويحمل كل هالجرايد ويتابع الأخبار والنشرات وأخبار البلديات ويتابع البرامج الصباحية زي محمد الوكيل وهداك التاني يلي بين كل كلمة إنجليزي وإنجليزي بحشي كلمة يا أخي وهدول البرامج ويحسب شو إنصرف وشو صار وشو إندفع وعلى شو إتبعزق.
اللهم هل بلغت اللهم فاشهد .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
7 comment:
ليش بكرا؟؟؟
من هلا بقولك....وين راحت المصاري
:
راحت للمشاريع التنمويه وخطط التنميه المستدامه!!!! اللي الله اعلم شو هم....بسمعهم في الاخبار بس عمري ما فهمت ايش يعني....المهم المهم...انه خرجنا بأمااااان من مأزق الربيع العربي
الله يديم علينا نعمة الامن والامان
حتتبعزق على "مشاريع" + لجان لدراسة و تقييم هذه المشاريع!
مليش دعوه بالسياسه,,
لووووووووووووووول
مساء الخير
ارجعي الى تدوينة الاخ صالح
بكون راحو على الشكل التالي
2 مليون لدعم صمود الشعب
1398 مليون لدراسة كيف يمكن ان يتحمل الشعب اكثر
دمتِ بخير
وكل عام وانتِ بخير
السلام عليكم
أنا أول ما سمعت بالمصاري قلت لازم يوزعو نصهم عالناس يعني لكل واحد ١٠٠ دينار ضرب ٦ مليون بطلعوا ٦٠٠ مليون و ال ٤٠٠ مليون اللي بظلوا خلي الحكومة تسرقهم مسامحينهم فيهن
naysan
خلص أنا حلمي رح يصير إنو أخلي ولادي واحد وزير تخطيط وواحد وزير التنمية المستدامه
الله يرضى عليكم يا ولادي
لوووول
هيثم
يا أخي إحنا شعب مابنحب نمشي عالعمياني
بنحب ننظر نظرة مبعدية مدروسة بشكل أدق من الدقيق وبدراسات مستفيضه ومخططه وبنحب نعمل جداول وبوربوينت للي ما عندو بوينت وإجتماعات وكاسات مي وعصير وورد في الوسط وكاميرات وجرايد
كل مشروع إلو هيبة
ولا تنسى دراسة نوع قماشة الستارة يلي رح تسدل على هالمشاريع ,, ومسكة هاي الستارة والنحات يلي بدو يعمل حجر الأساس
ummomar
أكيد مهو إنتي يلي ناهية كل الفلوس
ياخوفي بوكرى يعينوكي سفيرة نوايا حسنة
:k:
yosef
ليه الكل مجتمع على إنو كل المصاري رح تنصرف على المشاريع والدراسات؟
والله أعلم هاي المنحة إجت عشان أبو منقل وأبو سلم
alirbidi
هيهيء
مهو من أول المقال مكتوبلك إنو الفلوس لمواجهة الأعباء المالية التي يمر بها أردن الصمود
يعني هيك هيييييييك رايحين الستميت مليون وضل أربعمية مليون هدول برضو نسامح فيهم الحكومة
يا أخي حكومتنا بنحب ندللها ونهشكها
وهشتكنا وبشتكنا يا ريس إنتا رئيس والنعمة كويس
المرأة بتحسب الفلوس وتحافظ عليها أكثر من الرجل
شكل تعليقى ما له علاقه بالموضوع هههههه
المهم انى شاركت
تحياتى
Post a Comment
:وكيل المكومنت قال