يعني أنا مابفهم عقلية الفلسطينين هاليومين أو هالأكم عشرين سنة .. مش طبيعي شو مشكلجية وبتحبوا الأذية والدراما .. اليوم فتحت على الصحف العالمية (ومن بينها الصحيفة العربية المؤرفة "الجزيرة" يلي بتتمسكن على الفلسطينين وبتحكي في منهم ناس ماتوا قال شو بسبب ضربات استهدافية وعشوائية على أحياء سكنية وأطفال ومابعرف شو ومن هالحكي الكاذب كالعادة) ولقيت يا حرام هالشباب زي الفل زعلانين على زميلهم "العسكري" يلي مابيوم توقعوا يموت .. مش طبيعي يعني بهالصواريخ والإزعاجات البدائية تقلقوا فيها راحتهم في باراتهم ومنتجعاتهم وكل ممارساتهم الحياتيه الحرة .. مش طبيعي يعني إنتو قد ما بموتوا الفلسطينية بتضلكم كتار الوحد لو ماتلها خمس ولاد تضلها ساكته مهمه الولاد هم وغمة بال وإزا طلع بطلع إرهابي زي باقي شعبة ولا بصير شيخ بلحية ماحد بحب يتعامل معه أو أو أو .. وبدهم مساعدات لمدارس وجامعات كمان .. إنتو يعني كيف بدي أحكيلكم مش معترف فيكم بالعالم وما حد سائل فيكم ولا حتى في خبر عنكم وكل واحد منكم بموت بروح صفر عن الشمال حتى الناس من كتر ما هيه مش مهتمه فيكم ما لقيت ربع خبر لأنو هاي أخباركم ملفقه ومزوره وبتتهموا فيها الاسرائيليين يلي بثأروا وبدافعوا عن شعبهم وجيشهم ومنتجعاتهم .. عن جد شو نسوانكم بتحب اللطم وعندها عقدة إنو اليهود ما إلهم شغلة ولا عمله إلا يغتصبوهن .. وهالأكم من مبنى يلي مهدودين ويلي شكلهم وقعوا من سوء البناء تاعكم وبتتهموا فيهم إسرائيل الصمود .

بعدين بدكم تعرفوا شغلة إنو يلي بصير فيكم من فعل إيديكم لأنو دولة إسرائيل والمؤيدة أعمالها من المجتمع الدولي أجمع ومعو المجتمع العربي كمان , هي عبارة عن دفاع شرعي وحماية لشعبها يلي تشرد آلاف السنين وعاش التيه والتعذيب والقهر والتنكيل وقتل الأطفال والشيوخ وإغتصاب النساء والعزل في أماكن غير صالحة للسكن والإعدامات والإغتيالات وعاش الأمرين وإنتو تحكولي ماتلنا خمسه أو سته أو ألف .. ولكم هدول إنحرق منهم سته مليون .. صحيح الكل بنكر هاي الشغلة وصحيح في غير اليهود مات أكتر من هالعدد بس مع هيك ضلوا دايما مستهدفين وكما قالت تسيبي لفني "إنف إز إنف يعني خلاص خلاص" وهسا بلشت ((دولة إسرائيل)) تستد وهيه حالياً رح تبدأ فيكم ,, فا خلص تعملوا حالكم أحسن ناس وأطهر ناس وبدكم تموتوا زي ما مات غيركم إذا فكرتوا بالمساس بالأمن الإسرائيلي والتوسعه الإستعمارية لأنو زاد نسل اليهود وصار لازم ينبنالهم بيوت مش زي بيوتكم يلي تبلوهم فيها إننو إنهدمت أو قال وقع عليها صواريخ من اليهود .

مش طبيعي شو ما بتستحوا .. خلص موتوا وإنتو ساكتين .. مهو هيك هيك ما حد حاسب وجودكوا .. الناس مش فاااااضيييييتلكم ومش طايقتكم وبتتمنالكم الموت لأنو الكل عم يتطور وإنتو جد وصمة عار بدينكم ولحاكم ونقابكم وقرآنكم وجهادكم .. خلص تطوروا أو الأحسن أرموا حالكم بالبحر .