وعزة نفسي منعاني
وإنخلط الحليب بالمي ,, وكانت الصدمة الأكبر لما سمعتها مع إنو من داخلي كنت متوجسه خيفه منها .. يلي بعمله الشعب الليبي رح يصير زي العراق .
كانت بداية صدمتي بعد ما شفت صور لجموع مظاهرات ليبية وكانت تحمل العلم الأمريكي .. وأكتر صورة حسيتها بشعة لرجل كبير بالسن لابس قميص وعليه العلم الأمريكي وبصلي .
من ناحية الواحد بفكر إنو هاد طاغية ولا بد للتخلص منو .. بس المشكلة هوه كان ممكن يروح بأي سنة خلال هال 40 سنة بس هل ممكن نزع القوات الغاشمة الخارجية ويلي دمارها رح يصير أعنف ب 40 مره ؟؟
ليه ما تركوا الثورة على ما هيه .. ليه تجيب واحد خارجي يقتل أخوك .. آه بضل أخوك حتى لو مخالفك بالمعتقد والإتجاه السياسي .. أقتلوا بإيدك بس مش بإيد نجسه رح ييجي يوم تقتلك وتسرق اللقمة من إبنك وحفيدك .
في هاي الثورات صرنا زي يلي ماشي على حبل الاستعراض في السرك .. من ناحية بدو يقطع لآخر الحبل ليوصل بر الأمان ومن ناحية خايفة يوقع والشغلة صارت أشبه بالصراط المستقيم المحفوف من الجهتين بكلاليب من حديد وأي زله أو "تصرف خاطئ" رح ينهبش باللحم هبش بشكل لا يغتفر .
هداك اليوم شفت فيديو بحكي فيه لحظة تنحي مبارك وكان مركز على فئات الشعب يلي خافت من لحظة الرحيل لإمكانة حدوث حالة ضياع وبصير الشب "يلي بمثل هاي الفئة في الشعب" ببكي بس سمع عمر سليمان بلقي الكلمات يلي الكل بعرفها .. وبآخر الفيديو بعلقوا إنو .. "طعم الحرية لا يقدره إلا الراجل إسترجل ودوق منه" الشعوب ببساطه مش عارفه الحرية ومش عارفه تتحرر بشكل سليم .. مش عارفه إنو في إشي جديد وفي خيارات كتير .. وإلك حق الإختيار .. ولك حق تطلع وتحكي .. بس يلي مش قادرين نفهمه إنو فينا هاد الحق أو مش عارفين كيف نتحصل عليه .
سوريا .. زي ليبيا .. زي العراق .. زي أي دولة عربية تانية نرفض أن تكون الثورة خيارهم .. بل خيار الشعب لتكون نتيجة صحيح .. آه الكل كره الأنظمة الدكتاتورية بس بنفس الوقت لا تنزل من تحت الدلف لتحت المزراب .. شو مش مفتحين إنتو ؟؟ .. بس من ناحية تانية صاروا الطباخين كتار .. ويلي عم ينزل لأنو بحب بلده في جنبيه واحد مندس .. في تظليم إعلامي كالعادة .. في ضرب بالعتمة .. قبل شوي بحضر فلم عاليوتيوب وشفت مشاهد لرجال سوريين عم يكسروا .. بضربوا .. وبخربوا .. دققت في الصورة لقيت لابسين لبس عسكر .. أو جيش مع سلاح وبتحركوا بجماعات ... طبعاً الرد بعد ما ظهرت هاي الصور إنو (إرهابيين مسلحيين من الجراثيم المرتزقه المعتدين المندسين ذويي الأجندات الخاصة .. إلخ إلخ قاموا بسرقة ألبسة جيش ويونيفورمات العسكر والأمن) .
صارت القصة زي كأنها طوشه بين الجارات في سوريا مش طبيعي شو وصلت فيها درجة السخف والتفاهة وكأن الحرية والأمن السائد في سوريا هو هيكل سليمان المزعوم وكل الشعب والصور يلي بنشوفها مجرد مزاعم وصور قديمة وصور ملفقه .. وبتبلش إمنا أمريكا يلي خايفه على مصالح بنتها الضالية سوريا .. ما إنتوا بتعرفوا شو ما يصير الإم بتخاف على دهبات بناتها قصدي على بناتها .. وتجميد أرصدة وفرض عقوبات وإرسال قوات ولجان تفتيش ويا حراااااام الشعب السوري عم يعاني وماما أمريكا/كلبتون عم تعاني ويؤرق جوع وإغتصاب السوريين مضاجع مجلس الأمن لأنو بتعرفوا يلي بغتصب وحده بضل نفسو فيها ومابدوا حد يغتصبها غيرو آآآآه مهو إسترجل .
شجرة الحرية لا تسقى إلا بدماء الشهداء .. ويموت الواحد حر على أرضه بأيده أحسن ما يجيب كلاب تعويله شوي وتعوي عليه شويتين .. وبين حانا ومانا صار فينا إزدواجية المعايير كما يفكر الغرب فينا أكيد .. بدنا نتحرر بدنا إصلاح بدنا تغيير بدنا مطالب وطننا بدنا عدل وحق وكرامة بس مش طالع بإيدنا شي .. بس مش قابليين حد ييجي ويعمل كل هالشغلات من حد تاني وبهاي اللحظة نوعاً ما بنقبل نتجرع السم من الدكتاتور ولا تنزل رصاصة على بلد يعتبر قوة وخط ممانعة .
إنتو بدكوا تتحرروا من الدكتاتور صح؟
آه صح ..
طب شو رأيكم إحنا نيجي نحرركم ترى إحنا عندنا طائرات وقوى عسكرية صارت بدها تصدي في المخازن ترى بتعملوا فينا معروف ومن جهة تانية إنتو ما معكم رصاصة وحده فا شو رأيكم نساعدكم في مواجهة الطاغي الحاكم الديكتاتور قاتل الأطفال ومن يحرمكم الحرية وإلخ إلخ لأن مصالحكم لا بد من أخذها بعين الإعتبار وإحنا بنخاف عليكم ..
بتخافوا علينا؟؟ جد في حد بخاف علينا؟؟
آآآآآآه أكيييييييد بدنا حريتكم وأشياء أخرى ..
أشياء أخرى زي شو؟؟
لا لا تهكلوا هم إنتو تطلعوا على الصورة الأكبر حريتكم من الطاغية (بس) .
زي كأنوا حوار بين النفس والشيطان صح؟
بس الصاحي بعرف إنو الشيطان كعادته رح يحكي بالنهاية
"ووعدتكم فأخلفت وعدتكم وما كان علي من سلطان إلا أن دعوتكم فاستجبتم لي فلا تلوموني ولوموا أنفسكم" صدق الله العظيم .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
3 comment:
لا يا نور نياتى
"
تعالى نجكى على روقان
طيب و إذا كان الديكتاتور مخلى أولادة و أقاربه و نسايبه يمسكوا الجيش و الشرطه و الأمن و مسوى عصابات
لا يقدر عليها اللا الله
مثل اليمن و ليبيا و سوريا
مين متولى القيادات ؟ كلهم أقارب الديكتاتور
طيب و ما العمل ؟
مو عيب أن الدول اتساعد بعضها
إذا كان الدول العربية لا تقدر و ليس لهم وزن
ولا إعتبار ..ماذا لو ساعدتنا تركيا أو الغرب أو أمريكا ؟
امريكا ساعدت الكويت . طيب هل سرقت أموال الكويت أو أحتلتها ؟
فى الحرب العالميه الثانيه .الدول الاروبيه ساعدت بعضها و ساعدتهم أمريكا
فى ليبيا القذافى مسوى كتائب شديدة التسليح و منصب كل واحد من أولادة على كتيبه
لولا قصف الأطلسى لن يستطيع الثوار التخلص من الطاغيه
عكس مصر..فلم تتدخل أى دوله لأن الجيس لم يكن مسيطر عليه الطاغيه
وثانى شيء البترول يباع بالفلوس للغرب
ونشترى منهم البضائع بالفلوس
والموضوع فقط توازنات أقليميه
من معى ومن ضدى
طيب مو مشكله . أنا معك بس خلصنى من الطاغيه
وحتى لو صرت معك . يعنى بتخرب الدنيا ؟
دول الخليج طول عمرها مع امريكا
طيب خربت ؟؟
صدقينى يا نورنياتى العراق مو مثل دائماً نطبقه
العراق كان عنده اسحله كميائية و ضرب بيها حلبشه و أحرقهم حرق
وعشان امريكا تصد صدام وجبروته لابد من تدمير آلته العسكرية
فأصبح لا يوجد جيش
الان أمريكا قررت الانسحاب فى شهر 11 بس العراقيين ماسكين فيهم لان ما عندهم جيش قوى و أمن
مهما سرقوا من مليارات فلا تساوى ثمن الحرية
,انتى رأيتى كيف كان صدام و عدى و قصى يعربدون و يقتلون شعب العراق
وبعدين شو ياخذوا من سوريا ؟
لا بترول ولا اقتصاد قوى مثل اليابان ولا يحزنون
كل منظمات حقوق الانسان و المساعدات والمعونات التابعه للأمم المتحدة ومحاكمة المجرمين فى لاهاى كل ذلك موجود فى دول أروبيه
مو كل شي ورا مطامع
وأمريكا ليست الوفبيا اللى دايما نخاف منها
كل ما عملت شيء
صحيح موقفها من اسرائيل واضح و منحاز لكن بكرا لما نصير أقوياء اقتصاديا وفكرياً نقدر نخلى
الجيل الجديد فى الغرب ينحاز لنا
شوفى قوافل الحرية الى غزه من أين تأتى ؟
هل لهم مطامع برضو ؟
لك تحياتى
آسف كتبت كثير
إلا اللي أمر منه؟ ؟
قوس قزح
بتعرف بحكو مصطلح المطبخ السياسي
وبقيسلك ردي على هذا الأساس
في كتير أشياء إنتا بتاكلها
ومن كل المطابخ العالمية
بس بنفس الوقت دايما في عنصر أو مركب سري
بالإضافة إلى العنصر السري في المركبات المخفية يلي لا إلها طعم وممكن لون بس مش ممكن تتبادر لذهنك إنو تتواجد بالطبق يلي بتاكله بفغر مبتسم
بكمل معك المثال وبحكيلك
أمراض كتييييييييييير سرطانية ومعوية وإلخ إلخ بلشت تظهر بسبب وجود مركبات كيميائية في طعامنا مافكرنا بيوم إنها تضرنا ... لكن للأسف في حالتك إنت أدمنت عليها وفات الأوان
بحترم رأيك بس بنفس الوقت بحكيلك أنا رأيك يلي كنت بحارب فيه من خلال هاد البوست ومع هيك بضل هاد رأيك .
haitham
مع إني مافهمت
بس أعتقد فهمت قصدك
Post a Comment
:وكيل المكومنت قال