إنو وأنا عم بسمع .. في إشي ما رح أحكي إستفزني .. بس إشي قشعر بدني .. إشي زي قرصني من جواتي بحكيلي معقول هالحكي يعمله شخص بالغ وبهيك عمر وبهيك مكانه والأشنع مع هيك شخص ؟؟

آه كنا وإحنا زغار "ناخد" ما رح أحكي نسرق لأنو ساعتها ما كنا عارفين الطيخ من البطيخ .. وحتى لما كنا نعمل هيك .. نعمل لأنو مش فاهمين ليه .. أو الأغلب لأنو مش قادرين نجيب هالشغلة بطبيعة عمرنا .. أو أي أسباب ما إلها تفسير لصغر عمرنا .

ما رح أنظّر على هداك الشخص وأحكيله يلي بسرق أبره بسرق مسله .. لأ أبداَ .. رح أحكيله إنو ليه عملت هيك .. طب أوك لو حد إنتبه لو حد شافك .. يلي رح تقلب قد الفار قدامهم ... أحكيلك بلاش .. لو إجت عينك بعين يلي إنت عم تسرق منه .. موقف زباله صح؟

وزي ما أنا ما عم بنظّر عليه .. لا حد ينظّر عليي ويحكيلي في غيره بسرقوا ملايين ومليارات وناس بتسرق الخبزه من تم الجوعان .. بعرف إنو هدولاك حرامية وسراقين والله أعلم يحطهم في "الدرك" الأسفل من النار .. بس هدولاك متعودين على السرقه وبطونهم مفتوحة والأغلب إنو سكوت الناس هوه أكبر مبرر إلهم .. بس هاد بدايتاَ مش محتاج .. والشغلة يلي أخدها أتفه من التفاهه .. ومعه منها كتيييييييييييييييييييير والعلاقة بينه وبين يلي سرق هالشغلة منه علاقة ما اعتقد منيح إلها هيك موقف ..

بعرف إنو الموضوع بسيط .. بس حبيت أشرحه كموقف واقعي عشان نقدر ببساطه نحلل المواضيع من أصغرها لنفهم وين نوصل .. حتى إحنا بقولولك الشيطان شاطر .. ويمكن يوز أحسن وأشرف بني آدم في الدنيا .. ويمكن تكون محتاج .. بس بجد تكسر حالك للفلوس أو السرقة يمكن إنت تتحملها .. بس قدام المجتمع والناس وضميرك بتقدر تكسرها هالشغلة؟؟

وفي النهاية لقيت هاي الصورة المعبرة موضوعه على ما أعتقد في أحد المولات ..