Memoirs of a Geisha
مش رغبة في معرفة ما خفي عنا في حياة الغير ,, وخصوصاً الشرق ومنها اليابان يلي الكل بحسها مليئة بالتفاصيل والعادات والتقاليد يلي تعتبر نوعاً ما عالم موازي وغريب في ذات الوقت من عالمنا .
إحنا بنعرف التقاليد والأصول ويلي تتبع في مناسبات معينه وفي مواضيع محددة وجيلاً عن جيل يتم تناقلها وتعليمها ..
وزي ما إحنا ربونا وعلمونا على تقاليد معينه لا حصر لها , همه كمان تم تكون مفاهيمهم الإجتماعية والتقاليد وبتتميز فيها هاي الحضارة وتعرف بها .. منها ما هو مطابق للنفس والطبيعة البشرية , ومنها ما هو مبتدع وأضيف "مقنن إجتماعياً" أي موضوع خاطئ إجتمع بعض من الناس عليه كونه بعجبهم أو أريح إلهم وضغطوا فيه على الجمع الأكبر يمكن لأنهم أسياد القوم أو وجهاؤه وأنصاعت الأفراد لهم .
كلنا بنعرف هالحكي وكلنا بنعرف تفاصيل هالكلام .. وكلنا بنعرف معنى الرزح تحت هاي ضغوطات .. مابينها وما بين النفس البشرية وطبيعتها .
مذكرات أو ذكريات الجايشا هوه عباره عن الجملة يلي ذكرتها أعلاه .. أنغرمت البنت في شخص معين وشاءت الأقدار (كما توضح في الفلم) أن تجمعهما بعد ذلك .
شو بصير وشو صار تابعوا الفلم ,, اشتروه من السوق ,, نزلوه وصدقوني في مفاهيم كتير عميقه نوعاً ما ,, بأكدلكم في شغلات كتير مارح تفهموها بسبب إنو العادات مختلفة أو تفاصيل لازم تتعمق أو تفهم قصص الجايشا عشان تعرف شو معناها .
يلي بدي أحكيه شغلة وحدة هوه بالفرق بين شو إنحكى ل "سيوري" وهي البنت يلي يدور حولها الفلم . وما بين اللحظة يلي هيه نفسها بتتوصل لمفهوم الجايشا ..
ما قيل لها أو ما تعلمته في البداية على يد "ماميها"
Remember, Chiyo, geisha are not courtesans. And we are not wives. We sell our skills, not our bodies. We create another secret world, a place only of beauty. The very word "geisha" means artist and to be a geisha is to be judged as a moving work of art.
ومابين ما توصلت له وهاي يلي هيه نفسها تحكيه في نهاية الفلم وكانت بجد نهاية حزينة
You cannot say to the sun, "More sun." Or to the rain, "Less rain." To a man, geisha can only be half a wife. We are the wives of nightfall. And yet, to learn kindness after so much unkindness, to understand that a little girl with more courage than she knew, would find her prayers were answered, can that not be called happiness? After all these are not the memoirs of an empress, nor of a queen. These are memoirs of another kind.
وكرأي محايد ,, ولمعلومات أكثر .. أعرف من هي الجايشا هنا
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
بيعيني النسخه اللي عندك
:sad:
في عندي شويه خوف من موضوع التربايه والأخلاق والحياه الإجتماعيه كلها
مابعرف,, بحس كل شي عندي غلط,,
مش أنا غلط,, بس في شي غلط بالخلفيه اللي عندي
هاد الفيلم حلو كتير وعميق جدا ومن الافلام النادرة
والناجحة لوصف حياة امرأة
والخاصة بناس مابنعرفهم كتير وهم اليابانيين شعب غريب وفريد مرتبط بالعادات والتقاليد وبنفس الوقت متطور وحديث واحنا العرب ضايعيين لا واصلين للغرب ولا محافظين على العادات والتقاليد وحياتنا مزدوجة ومشوهة كتير
شكرا على المعلومات عن الجيشا
موضوع رائع
Big sister
بحب لما تقوللها أمها انها متل الميّ و أختها متل الخشب
وآخر اقتباس ما كان موجود في الرواية على فكرة،بس عجبني لأنو لخّص جزء كبير من نهاية الكتاب بطريقة حلوة وبدون ما يخوض بتفاصيل "شو صار بعد هيك"0
اقرأي الكتاب ورح تشوفي بُعد تاني للقصة
umommar
بالنسبة للنسخة ببيعكياها بليره ونص
وبالنسبة لموضوع الترباية
المهم ما يكون الأساس في الترباية ضد ما تربيتي أو إنحيازاً لما تربيتي
المناسب دايما ببين بنفس الموقف
big sista
بالنسبه للحياة المرأة في فلم تاني بشرح بنسبة كبيرة كمان عم مجتمع الشرق آسيوي كأنو إسمه
the women club
على ما أعتقد هيك اسمه بحكي عن أكتر من جيل وأكتر من معايشات مع الحياة والرجل
rain
بتعرفي في مكتبة ريدرز حاطين بالبنط العريض إنو
don't judge a book from its movie
وإنو بجد هيك لازم , وأنا بجد مابطيق الأفلام يلي بأصلها كتاب أو رواية .. بس قدرة التصوير والتمثيل مع إنها كانت ضعيفة ببعض اللحظات إلا إنو قدر يوصل الفكرة .. بس برضوا ما بغني عن قراءة الكتاب نفسه
Post a Comment
:وكيل المكومنت قال