مشاعيرات
ما أعتقد إني بعتبره شعور إنساني .. إنك تطلع حواليك ما تلاقي حد ..
بحكي إنو كل الناس هيك وكل شخص لاهي في حياته ..
برجع بلاقي ناس متجمعة وبتساعد بعض بعض ..
وبتزيد حدة هاد الشعور ال (مش إنساني) ..
بستغرب كيف بكون متأكده من شي وفي النهاية بلاقي حالي زي يلي عم يمسك الهوا ..
عم بحاول أمسك شي زي يلي بدو يخبي المي في إيديه ..
متزكره مره شخص حكالي كوني أنانية في تعاملك مع الناس ..
لا تخافي الناس كلها تغيرت .. كل حد بهتم في حاله .. ولما يهتم في غيره بكون عم يحقق غاية لذاته ..
ممكن يحلفلك مليون يمين إنو هالعمل خالص لغيره .. وهوه صادق ..
لأنو ببساطه نرجسي ومش قادر يعيش مع تفاصيل حاله وينتبه ليه هوه بيتعامل مع الناس هيك ..
شو الغلط أكون أنانية ؟؟
لأنو في مجموعة أشخاص مرتبه الناس عندهم أولويات ..
أنا
ثم أنا
ثم كل من يحوم حول أنا ويكون أداة لإكمال أنا العظيمة
كل شخص أعلى من أنا وبحاول أتغلب عليه
باقي الناس
أشخاص بيحملوا صفات بحتاجها لإكمال الأنا وبعد تدمير هاي الصفة بترتفع الأنا
والأشخاص يلي عبارة عن (طواله) لبعض المواقف لتصير الأنا قدام بعض الناس أعلى
طبعاً الأشخاص من 1-4 وممكن 5 وفي حالات الغاية منها تصب في مصلحة الأنا ,, هدول يحق لهم التجمع والتكوين لتحقيق صالح الأنا ويلي همه بشكل أو بآخر يحملوا هدول الأولويات .. والسادسة بطبيعة الحال تنطبق عليهم موقف بعطي عليه مثال :
فلان مرتبة أول بيسأل فلان من مرتبة سادسة (إنتا زعلان من شي)
فلان من المرتبة السادسة يرد عليه (آه ,, شوي)
فلان مرتبة أول يرد على الفلان من المرتبة سادسة (إن شاء الله تنسطح محملني همومك كمان .. ناقصني)
الشغلة معقدة أكتر من اللازم والمشكلة إحنا عم نحمي حالنا من مخالفات رح تصير علينا إحنا بالأصل كوناها وعملناها وتسببنا فيها بطريقة أو بأخرى .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
الموضوع أبسط من هيك
على حسب وجهة نظري فقط لا غير
أحصري إهتماماتك بدائره مغلقه صغيره
مين بهمك من الناس
جوا هالدائره إنتي طبيعيه
كوني متل ما بتحبي تكوني,, مافي تصنع أو أولويات
برات هالدائره,,
كل شي وأهم شي إنتي
الأنانيه لازمه معاهم
فش حدن بستاهل الخير غير نفسك ودائرتك المغلقه الأولانيه
فهمتيني,, وإلا ضعتي؟؟
للأسف بتلاقي كل انواع النفسيّات المحمضة
وشغلة انه الواحد يسمع للناس بتيجي مع الشخص نفسه
يعني انا كنت اعرف واحد كان الاشي المفضل انه يسمع كل المشاكل اللي عند ايييي حدا حواليه , وبساعد قد ما بقدر
وبالمقابل , بتلاقي ناس لو حكيتلهم انه : والله خاف عقلي مش عارف ليش , اول اشي بحكولك اياه , والله وانا كمان خاف عقلي
كثير صارت معي, ومن هبلي كنت اسأل الشخص هذاك انه شو مضايقك انت طيب؟ فا يبلش يسرد بكل اشي هههههههههههه
برضه ما في حدا غيرك بقدر يشيل حملك ويفهم عليكي ويتحملك , يعني اوكي ممكن تلاقي ناس تشيل معك , بس لحد معيّن بتكتشفي انه لأ , ما حدا بفهمني زيّي
حاس حالي ابعدت عن الموضوع او ما حكيت فيه اصلا
:*oh:
umommar
صحيح كلامك
بس قصدي كان إنو كيف بدك تعامل أو حتى تكون مجموعة أو دائرة صغيرة وإنت بالأصل بتلاقي الكل نوعاً ما بيتعامل معك زي الأشخاص يلي بتعتبريهم من الدائرة الكبيرة؟؟
lunar
حتى لو بعدت على الموضوع بضلوا موضوعك محل نقاش ,, لأنو بجد بتلاقي بجد ناس نرجسية للحد إنو يا أرض إنهدي ما حدى قدي وأبعتبر الأرض بتدور حواليه
هدول الناس مابتدايق منهم بالعكس بحزن عليهم .. لأنو بجد فيهم نقص وحاجة لشغلات كتير بتخليهم يطغوا على أي حد أو حوار آخر
تعليقك كان بيحكي عن جانب من جوانب هدول الشخصية يلي كنت أحكي عنهم ,, بس التصرف الأبشع يلي بعملوه لما مثلاً أنتا تكون زعلان من أي شي في هالدنيا وتلاقيه زعل كيف إنت تكون زعلان في حضرته الكريمة
Post a Comment
:وكيل المكومنت قال