الشخص المخسوم
طبعاً كتير فاهم شو هوه ال "مخسوم" وتقصدت أستخدم هاد اللفظ بالذات لأنو بعبر بالتحديد على يلي بدي أحكي عنو .
تخيل بيوم تكون ماشي بسيارتك بالطريق أو باص أو تاكسي (مش ماشياً على الأقدام) ولقيت بوجهك نفس يلي في الصورة .. صدمة تفكير نزق عصبية تفكير شو بدنا نعمل كيف رح ننفد علقنا .. وإلخ إلخ .. وهون بتطبق نفس نظرية حركة النمل يلي حكى عنها بيوم الدكتور الفقي - رحمة الله عليه - إنو النملة بس نحط قدامها عصاية أو حاجز بتضلها تلف وتحاول من فوق وتحت وبكل الطرق لحتى تقدر تمرق وتوصل للجهة التانية .. وهكذا تحاول راجلاً أو بأي طريقة تطلع وتحاول تفتش على مخرج ,, والحل العصري إنو إذا بتلاقي طريق أو حل مسدود ,, حاول حل/طريق تاني .
بس كيف لما يكون هالشي شخص؟؟ كيف لو يلي واقف في طريق شغلك عملك حياتك أو أي ممارسات يومية بتقوم فيها شخص عم يحيل بينك وبين السير الطبيعي للشي يلي إنت ذهنياً أو عاطفياً أو نفسياً أو اي شي غير مادي .. بتتجبصن قدام وجوده لمختلف الأسباب منو قرف منو ملل منو تأجيل منو خوف والقسم الأكبر أعتقد بكون حرج من جهل كيف بدي أتعامل مع هالشخص في هاد الموقف أو جهل مش عارف شو بدو يصير إزا حاولت تتعامل مع الموقف بشكل عادي دون النظر إلى الشخص المخسوم .
المشكلة كل مره بتفكر في هالموضوع وتخطط لمستقبلك بتحسه وقف في زورك وبدل ما تكون تخطط كيف تكون أقوى وأحسن أو تخطط لمستقبلك وترتبله بتلاقي حالك بتفكر كيف تتخطى هاد الشخص أو كيف تتعامل معه وأغلب الأحيان يا بتأجل مخططاتك يا بتعدل عليها بشكل نوعاً ما جذري لتقدر تحصل نص يلي بدكياه .
كيف المفروض تتعامل مع هاد الشخص؟؟ المفروض تتعايش معه؟ تداريه؟ تقمعه؟ تزيحه من سكتك؟ تتجاهله؟ شو؟؟
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
الصراحة أفضل سبيل!
بواجه الشخص!
أصعب حل طبعا ً لأنه الحل الذي يؤدي .. لحل! :)
بحاول أفهم ليش بيتصرف معي بهالطريقة
بحاول أفهم الأسباب.
ما بفكر بذهنية إنو عائق بل إنو شخص و تحركه ظروف و قناعات
طبعا ً صعب! بس هيك بحاول أنا
---
و لما أواجهو ما بسمع بغرض أن أفهم "بضم الهمزة" بل أن أفهم أولا ً "بفتح الهمزة" و هذا يتطلب استعداد و تحضير مسبق أكيد
---
أقول ما تسمعون و أستغفر الله لي و لكم
انتهت الفلسفة الهيثمية :))
صراحةً انا بشوف انه في ناس عندهم دافع داخلي بيخلهم نفس النملة اللي ذكرتيها وما في عندهم مستحيل.
في ناس ثانيين - زي حالاتي - كل مشكلة بتواجهه بيعتبرها نهاية الطريق! ولا يلبث لاحقاً مع التوكل على الله وبذل بعض الجهد أن يحلّها وتصير ماضي.
في ناس عندهم دافع ذاتي للعمل والتقدم، بينما آخرون يجب أن يقوم أحد بشحنهم ليتقدّموا وهناك قلة ثالثة لا ينفع معهم الشحن ولا حتى التيار المباشر!
فأولئك المحبطون يكفي لهم البيان بضرب المثل والتشجيع ليتقدّموا. أنا شخصياً كان عندي صديق ساعدني كثير في حياتي بتخطي كثير صعوبات وتحقيق الكثير من الإنجازات فقط بتشجيعي وبيان سهولة الأمور - التي اجدها صعبة- لي.
كل هاظ كوم واحترامي الكبي لكلمة "تتجبصن" كوم ثاني. :)
عجبتني هالكلمة مش عارف ليش.
Post a Comment
:وكيل المكومنت قال