مش بالزيادة
اليوم كانوا بزبطوا في ديكور المكتب وعم يهدوا الحيطان الجبس أو ما بعرف شو بسموها .. المهم كانوا بفكوا فيهم والمهندس زي الشاطر عم يكسر من الزوايا ليطلع الحيط شقفة وحده .
بس أنا ما هديت ضل جواتي نزاع وصراع داخلي فوق الكبت العاطفي والنفسي إنو نفسي أكسر أو أخلع شي .. ولما أجى المراسل حكيتله خليه يخليني أخلع الحيط أو أكسر معهم إلا بحكيلي فرجينا شطارتك .. أول ضربه إنخلعت رجلي وصابني أحباط وبطلت .. رجع بحكيلي إرجعي جربي .. المهندس من الجهة التانية إستغرب من الصوت ولما إجى يشوف من شو الصوت صار يضحك بحكيلي هوه إنتي شو بدك تخلعي الحيط .. الأستاذ يلي في المكتب كان معترض بالأول ولما صرت أترجى في المهندس .. صار يستعرض عضلاته الأخ المعترض .. ما أتقل دمي .. المهم حاولت مره تانية ما زبطت الشغلة فا طلبت منو الشاكوش .. وأخلعي يا نوريا وما تخلعي وصار في ثقوب على قد حجم الشاكوش (بالزبط زي الصورة يلي فوق .. بس أكيد مش نفس الشقار) ما عجبني الوضع صرت أضرب بالشاكوش بالعرض إلا الشاكوش أنخلع بنص الحيط .
حكيت في حالي ما بتزبط الشغله إزا بدي أفش غلي بالمزبوط بدي أخلع بإيديي ورجليي .. وبالفعل وسط دهشة الجماهير الغفيرة لقيت حالي زي (البقة المفترسة) نازلة بخلع في هالحيط بإيديي ,, ما عجبني الوضع وما حسيت عم ينفش غلي ,, قلت مافي غير بالرجلين ,, هوب أول ضربه ما زبطت ,, تاني ضربه دخلت رجلي بالحيط وطلعت من جهت المهندس ,, وما أنذلوا من دون ما أحس كان عم يشد فيها ,, أنا أتسرسعت قلت بلعني التيار .. تيار؟؟ مين سمير .. المهم ورجعت كملت عالحيط ,, بعدين ............
كنت متوقعه الشعور لما إنك تكسر شي (زي محل القزاز يلي كنت دايما أتحسر نفس أدخله واطبش كل شي فيه) أو تخلع شي أو تقوم بأي فعل على أساس نفسك تفش غلك من أي وضع .. ببساطة مارح تلاقي الراحة النفسية المطلوبه أو المتوقعة ,, فجأة تركت كل شي ورحت , الكل فكرها إصابة عمل بس بالحقيقة كانت أصابة في الأمل أو خيبة الأمل بالمعنى الصحيح .
مافي شي بغطي على الوضع أو ممكن ينزع التفكير منه غير النسيان أو المواجهة .. وفي النهاية بتنتهي بشغلة إلها بأذى بالصحة الجسدية كأنو الجسم هوه يلي بنسى .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
beating the crap of ur walls is overrated ..
u have to beat out of "elmohandes" elle 5alaq tayyar wahme fe wasa6 el mashhad el dramatiki ..
o go go nawareaaa ..
oleeee .. olee olee olee ..
حكتيلي مين سمير
هههههههههههه,, عين ويسبر تسمعك يا شيخه
ههههههههههههههههههههههههههههههههههه
زكرتيني بعياده يابانيه لمعالجه الكبت النفسي
فكرة العياده تقوم على إنه ناس بتجي معصبنه,, بحطوها بغرفه ,, الغرفه جدرانها معزوله ومأمنه
جوات الغرفه بكون في أطباق صحون وكاسات صيني
إشي بجنن
وهوووووووووب
كسرو و طبشو ,,على كيفكم
الله يفرجها عليكي,,
وبنفس الوقت يشفينا ويشفيكي
هههههههههههه,, سلامتك يارب
Mr.kooz
no noooo sho almohanz ma mhandz da gaybli alnabolia w al7i6an w mdaf3na alshai2 alfolani bdk kman 2dfa3lo 3o6l w darar w 2sabet 3amal
:eek:
um ommar
مين سمير
مين ويسبر
أحمد أخد أختي؟
وبالنسبة للعيادة تناقشنا أنا وإنتي بأمرها زمان وحضرناه والله أعلم في منتصف التسعينات على التلفزيون الأردني في برنامج والله أعلم اسمه حول العالم
ووالله أعلم إن المذيعة هيه الشقرة الجموره يلي كانت العالم منهبلة على بياضها وشقارها وغرتها
ووالله أعلم كان اسمها إيمان يخلف أو إشي زي هيك
وسلامتك والميرمية
لااااا ما تقوليلي انه ما بفش القلب :$
عاد انا بستنا هاليوم اللي انزل ضرب بالحيطان لاطلع الكبت النفسي و اطلع للعالم بضحك ولا كأني عملت شي
ما النا الا نروح عمكان بعيد ما في حد و نضل نصرّخ للصبح
ليش فجأه حسيت حالي مريضه نفسيا :$
قولتيلي مين سمير؟؟؟
Post a Comment
:وكيل المكومنت قال