واجب تدويني - أحلام اليقظة
1.من أي عمر بدأت "حالة" أحلام اليقظة؟
من وأنا زغيره - يمكن صف خامس .
2.متى وعيت/ي إنها هاي أحلام يقظة أو عرفت/ي إنها اسمها هيك؟
كنت أفكرها زمان أمنيات ورغبات وخيال بس وعيت وعرفت المصطلح يمكن في التوجيهي
3.شو الموقف أو الحالة يلي تخليك/ تدخل/ي في هاد العالم؟
بالعادة أول ما أصحى من النوم بضل في السرير وبتسحب ..
4.بهديك اللحظة كيف تقيم/ي إنفصالك عن العالم؟
أي شي ممكن يشتت إنتباهي ويطلعني منه .
5.شو بتوصفيها أو توصفها بكلماتك الخاصة؟
الطريقة الشخصية الخاصة لتجميل الواقع أو حتى بناء واقع جديد أجمل .
6.شو التأثير السلبي يلي بتسببه أحلام اليقظة بالنسبة لك/ي؟
كتير نفسي أعيش حياة الصبح بس صارت متلازمه لما أصحى من الصبح أضلني كم "ساعة" ومش قادرة أفلت.
7.موقف محرج سببتلكياه؟
مش متزكره الواقعة بالضبط أو الشخص بس يلي بتزكره إنو يومها كنت الصبح حاطيته من ضمن شخوص الحلم ولما تعاملت معه "واقعاً" تعاملت معه كأنو الحلم بجد صار وصفت إني بتبلى على هاد الشخص وضليت مصره إنو هاد الشي جد صار .
8.شو الدور يلي تلعبه في أحلامك؟
البطله , أحسن وحده في العاااااالم في بعضها . الحزينه/ المغلوب على أمرها (وهي الأغلب مش عارفه ليه) ومره من المرات المصابة الميته عشان أشوف قديه غلاوتي على الناس (إشجيني , قسم وسمعني) .
9.شي دايما يتغير فيك/ي في الأحلام؟
شكلاً مش كتير على عكس زمان , بس يلي دايماً يتغير فيي أو دايماً موجود امتلاك زمام الأمور غالباً والاستقلال والقدرة الخطابية والكلامية العالية .
10.قديه هاي الأحلام قريبه من الواقع يعني قديه مضمونها قابل للتطبيق؟
أولها بتكون سبهلله وعلى عينك يا تاجر وبس أبلش أحس حالي شطحت وأبلش أعدل بمل وبزهق.
11.شو أكتر حلم بتتزكر/ي من زمان؟
يا ويلي .. بتزكر كان في مسلسل أجنبي على التلفزيون وأختي كانت معجبه في واحد من الأبطال (هسا بتزكره وبحكي يابيي ما أشنعو) المهم فا كنت أعيش الدور إنو أنا حبيبته (ولمده جد كتيييييييييييييييييير طويله في حياتي) بس للأسف ما كانت تخلص بنهاية سعيدة عشان هوه اسمو جورج يعني نصراني :mal5oom: .
12.شو أغرب حلم؟
مرت فترة كنت لما أروح من الجامعة أو التدريب كنت أضلني كم ساعة عم بحلم كيف بدي أبيد سلسفيت ولاد الحارة لأنهم قززوا عيشتي من أصواتهم وجد كانت أحلام جرمية ومليئة بالدماء .
13.شو أكتر حلم لما حلمت/ي فيه صار نفسك جد يصير؟
أفطر مع الحووووووووووب .
14.عمرك خبرت/ي حد عن أي شي حلمت فيه؟
أكيد لأ .. ببساطة شي لنفسي .. بس بتمر عليي أيام بدي أحكي لحد بس الناس يادوب تسمع شو بصير مع الواحد في الواقع لتفضى تسمع شو بتخيل وشو بفكر ؟؟؟؟؟
15.مين أكتر أنسان ممكن نفسك تحكيله؟
هوه أنا بحكي لهاد الشخص المعين .. بس مش كل شي .. ولما أحكي ما بحكي بالحرفية المطلقة أو بنفس الإطار .
16.عمره تحقق شي من هالأحلام ؟ وشو؟
آه آخر حلم كان من شي كم جمعة ودمعت من هول اللحظة .. بس الشو رح أجاوب عن حلم تاني إنو كان نفسي كتير أمر بلحظة أفلام المحامين يلي بيجو على التلفزيون إنو بحرج المدعي أو الشاهد أو القاضي أو الخصم بكم كلمة وصارت جد كان نفسي ولا زلت نفسي أشخط وأنطر زي أستاز صبانخ بس هديك اللحظة وبعمري المهني أعتقد كافيات والبحث جاري عن أكبر .
17.حلم نفسك جد تعمله ؟
الشهااااااااااااااااده في سبيل الله بعد أن يعذبهم الله على يدي ويشفي صدور اللذين آمنوا وجد بحكي .
18.متى آخر مره حلمت/ي؟ وين؟ وشو؟
تحقيق هوه؟ والله إني غريبة أطوار .. المهم آخر مره كانت اليوم الصبح في الباص في الطريق إلى هربد وكانت لما بلشت أطلع من عمان وأشوف الخضار المنتشر على مساحات واااااااااااااااااااااااااسعة وتخيلت يكونلي بيت مستقل بنص هالخضار وفي منطقه وااااسعة ومقطوعه عن أي عمار أو بناء وبآخر الليل أفترش الأرض وألتحف بالسماء وأقعد أعد النجوم بس ما يطلعلي حَبّ زي ما ضحكوا عليي وأنا زغيره .
19.بتحس إنها ضرورية في الحياة؟
لحظات كتييييييييره بتكون هيه الأنيس الوحيد في حياتي .
20.كلمه أخيره .
خابه أحكي للي بزمر في الحارة بآخر هالليل إنو في إختراع جديد اسمو موبايلات , مسجات , رن وأفصل , قوم إنقبر من الزفت السيارة وإطلع شوف يلي تزمرله , وفي أختراع فوقهم اسمو ذوق يا محترم .
يحفظ نسخه ويرسل إلى رئيس النذاله العامه (الشيخ أم عمر) على عنوانها التدويني كواجب تدويني ليتم نشره بأجوبتها الخاااااصه ومن ثم تتبرعه به مشكوره لمن ترغب ,, وإلى غير المدونين الراغبين بحل الواجب ,, الإجابة مع إضافة رقم السؤال في التعليقات .
ونظراً إلى إنو ست الحسن والجمال السيدة المصونه إم عمر بدها تاخد وقتها لتتمكيج قصدي لتجاوب فتحال أوراقها إلى المفتي قصدي تحال المهمه البلوجرية إلى الأخ المبجل والقبطان السيد عصمان أبو قشطه والملقب بمستر كوز على أن تنسب الأوراق فيما بعد إلى عفاف راضي بيتزا وريش الشيخ إم عمر قرار وجاهي صدر بحق ولا حدى .
ونظراً إلى إنو ست الحسن والجمال السيدة المصونه إم عمر بدها تاخد وقتها لتتمكيج قصدي لتجاوب فتحال أوراقها إلى المفتي قصدي تحال المهمه البلوجرية إلى الأخ المبجل والقبطان السيد عصمان أبو قشطه والملقب بمستر كوز على أن تنسب الأوراق فيما بعد إلى عفاف راضي بيتزا وريش الشيخ إم عمر قرار وجاهي صدر بحق ولا حدى .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
7 comment:
الدنيا الصوبح,خفي علينا
سمايل متطاوش مع نص شوفرية البلد ومشبر للنص التاني
يا فتااااح,, هساعيات برجع أكرااا
منيح إذا من الصف الخامس... أنا وعيت عحالي بحلم أحلام يقظة ههههههه
زكرتيني بنقطة 7 بحلقة من فريندز لما فيبي تزعل من روس عن جد وبالآخر بطلع حلم هههههه
بعد التفكير والتمحيص
قررت أأجل الرد ليوم السبت أو الأحد
بدي امخ مخ وأطلعلك كل عقدي النفسيه بالإجابه
بديش أجاوب من قفا إيدي
بيصير؟
consider it done in no time .. :lw:
بطلة
+
مليئة بالدماء!
no wonder our judicial system is screwed!
خخخخخخخخخخخخخخ
haitham
you've made my day
looool
بس عفكرة أنا ما إلي دخل في الحبل القضائي
يا يا غششيني مش فاهمه :(
علي واجب ومش عايشه الدور
هلأ شو الفرق بين احلام اليقظه و بين "أمنيات ورغبات وخيال " ؟؟؟
انا فكرتهم نفسهم ....لكون ما بحلم وانا مش عارفه
حد يفهمني
Post a Comment
:وكيل المكومنت قال