ببساطة
بتفكر في الموضوع وبتستغرب إنو بجد الوقت ومدته في لحظات معينة بجد إلو معنى وبجد مؤشر وبجد بخبرك شي لازم تنتبه عليه مش بالضرورة يكون واضح إلك لحظتها بس بترجع بتفكر فيه بعد فترة .
إنو شو قصة هالفسحة الزمنية الخالية من كل شي وبعديها بتصير شغلات تانية شو ما كانت .. ليه بدي اعتبر هاد الشخص هوه نفسه وذاته وبكل المعاني يلي كانت قبل هاي الفسحة .. الكل بعرف إنو الزمن بغير الزمن بعطيك مجال ترجع تفكر بأمور وتطور وتتحسن وتتغير وتكون أن لم تتغير تكون شخص ذو خبره أكتر من ذي قبل بطبيعة الحال بس أبداً مش ذات الشخص بطبيعة الحال .
بس هل الفترة الزمنية يلي بتكون بين الحدث أو الواقعة وما بين التواصل مع هاد الشخص بكونلها معنى أو تأثير معتبر أو ممكن الأخذ به؟ وهل لما بدي أفكر في هالموضوع أفكر شو كان في خلال هاي الفترة أو أفكر في شو سبب التواصل المفاجأ يلي صار وخلاه يقطع هاي المدة الزمنية؟
ضروري أفكر أنا ؟
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
مش فاهمه لشو بدك توصلي
شو اللي مدايئك ؟
um ommar
مع إني أبديش أرد عليكي
بس بحكيلك مش ضروري يكون شي مظايقني بس بفكر يا حبيبتي بفكر
وبعدين حكيت أنتي يلي تلقطيها عالطاير ولاااااو
هيه من جهه صواميل عقلي مقفله لأبعد الحدود
ومن جهة تانيه محبيتش أنظر عليكي واحكيلي إلي وصلني من كلامك وشو فهمت
um ommar
وااااال إنتي من جيل الصواميل
فكرتك منا وفينا لزق وسحابات
عكل حال
في جانبين لكلامك
يا مش فاهمه عليي كما قلتي وبتراهني على إني أفهم إنك فاهماني
يا إنك جد فاهماني وعداكي العيب وقزح
بس حابه أحكيلك عن نفس شغلة صاحبتي أماني إنو مثلاً صارلي غايبه عنها شهر فجأة أتصلت عليها أشوف أخبارها لو كنت أنا مكانها - بعيد الشر - وبحكي إنو شو يلي خلاها بعد هالشهر تفكر فيي أو أفكر شو يلي خلاها تغيب كل هالقد أو أفكر إنو أكيد في شي تغير وعلاقتي معها بفترة هالغياب تحمل معنى ولازم أفهمه؟
طبعاً ما قلته مثال مش ضروري تقربطي فيه
Post a Comment
:وكيل المكومنت قال