يلعن تووووووووت
جارنا يلي إبنو دايما عايم على وجهه في الحواري بيوم تقاتل مع واحد من ولاد الحاره فا إجا هاد الجار ومسكه وصار يبهدل فيه يحكيلو هاي آخرتها نازل في الحواري تتقاتل مع ولاد الحاره والله إنك (حاشاكم) مش مربى يا كلب يا حيوان يلعن توووووووت ويلعن توووووت ... إلخ إلخ وأعتقد الكل فاهم باقي الحوار .
يعني بتعلم بأبنك الأدب وبتحكي عنه مش مربى وبنفس اللحظة عم تلعنه وتكفّر كمان ,, لأ وبكفر بأقبح الكلمات .. يعني يداوي الناس وهو عليلُ .. شو هالأمة الهاملة هاي .. هو من قليل أبنك هيك ,, لأ وأزيدكم من الشعر بيت إنو هاد الولد على طول بكفر بالحارة على طووووووول وبأوسخ العبارات بسب وبلعن .
يلي بقهرني يلي يسب الذات الإلهية (عشان أكون استخدم اللفظ الأعم) يعني الواحد بصفن تلاقيه يتدرج بسب على نفس الشخص يتطور للأم والأب والأغلب الإم وبعد ذلك قال بدو يفرجي إنو معصب وببلش بالرب والدين ... قسماً بالله إنو بكون نفسي أسفقه كف على تمه إنو أخرس أخرس أخرس أخرس ,, أضلني أضرب أضرب أضرب .. وبتعجز في هيك مواقف ,, لأ في الآخر عشان يهدي حاله بقول ,,, أستغفر الله العظيم إشي بكفر ,, أو بلوم الآخر على أنه (طلعه عن طوره) أو (شي بكفّر) ,, بدك تنجن وتقوللو يا بلا فهم كل يلي حكيته وبالآخر بتفسر هيك الموقف .. شو المفروض يعني أنا كشخص (غلي دمه على سب ربه الأعظم) أقبل هاد العذر وأحكي أوك وأسامح؟
إنتا لما تغلط في شخص بتروح وبترد عنه الغلط أو تعتذر وتبرر وتنتظر إذا يقبل إعتذارك يلي في غالب الوقت بكون قدامك وتترجاه وتبوس الأيادي وعطوه وزلام وزفت في وجهه وفي الأخر من ضهر إيدو بسامحك .. ما بالك تسب وتغلط على خالق هالكون وربك وأعظم ما تعلم ؟؟ .. وبحكيلك ربك غفور رحيم .. طبعاً هالحكي بحكيه لما يعيشله كم ساعه وما ينزل غضب ربنا عليه زي الصاعقة أو كما هو حال البشر (ولا تشبيه) .. وبعيش وبنسى ولا بحط بباله وبرجع بكرر الموقف .
تروح عالمدعي العام ... آه والله فلان حكى ( ........) وحكى (......) وكان في شهود ,,, برجع الناس بفكروا !!! لا يا عم شو أنا أتورط بهالشغلة .. خليها بينه وبين ربه .. ونقطة إنتهى .
هاد أغلب العقم المجتمعي أو السلوكي يلي بالأصل يجب وضع حد له (زي يلي يتحرشوا فيها جنسياً وتسكت وبعد ما تحبل بالإغتصاب تقول مجتمعي وكلو منكم ) --- (ولا تشبيه) ,,, هاد من ناحية ومن ناحية تانية القوانين عندنا ما شاء الله كتير رادعة إشي بوصل للإعدام الأخلاقي من هيك مشرع حط هيك نص فاشششششل فاشل فاشل حتى مش قادرين يزيدوا نص عن سب الذات الإلهية بحد ذاتها وولا كأنوا في شي عااااادي عاااادي ,
إرجع فكر فيها ,,, مش صعبه عليك أنك تسمع شخص سب الذات الإلهية زي ما تسمع عن حدوث أي جريمة تانية .. ليش بنزعل على (الحق الشخصي) و (الحق العام) وما بنزعل على حدوث أي إعتداء على (حقوق الله) ,, ليه متهاونين هالقد؟؟ ليه هالحكي وين وزارة الأوقاف والشؤون والمقدسات الإسلامية وين الجمعيات وين الأخوان المسلمين وين الشعب وين الدوله يلي في دستورها بحكي إنو الاسلام دين الدولة وهوه مهدور بأساسه .. لأ الأشي يلي بقهر بحكولك الناس زعلت إنهم رسموا الصور المسيئة للرسول الأكرم وتشويه صورة الأسلام ونص الشعب حط ستيكرز بأبي أنت وأمي يا رسول الله وزعلانييييييين ومظاهرات ومش قادرين بنفس الوقت يفهموا الرسول محمد عليه السلام بعث من مين والغاية ومن كرمه ومن خلقه ومن هدانا على الأسلام وإلخ إلخ إلخ ومش عارفين إنو الرسول لو سمعنا بنسكت عن يلي بسب كان .... أقل ما فيها كان بكى ... شو فائدة بأبي أنت وأمي لحظتها ؟؟ هاد إذا ما تمنيت لحظتها تنشق الأرض وتبلعك .
إرجع فكر فيها ,,, مش صعبه عليك أنك تسمع شخص سب الذات الإلهية زي ما تسمع عن حدوث أي جريمة تانية .. ليش بنزعل على (الحق الشخصي) و (الحق العام) وما بنزعل على حدوث أي إعتداء على (حقوق الله) ,, ليه متهاونين هالقد؟؟ ليه هالحكي وين وزارة الأوقاف والشؤون والمقدسات الإسلامية وين الجمعيات وين الأخوان المسلمين وين الشعب وين الدوله يلي في دستورها بحكي إنو الاسلام دين الدولة وهوه مهدور بأساسه .. لأ الأشي يلي بقهر بحكولك الناس زعلت إنهم رسموا الصور المسيئة للرسول الأكرم وتشويه صورة الأسلام ونص الشعب حط ستيكرز بأبي أنت وأمي يا رسول الله وزعلانييييييين ومظاهرات ومش قادرين بنفس الوقت يفهموا الرسول محمد عليه السلام بعث من مين والغاية ومن كرمه ومن خلقه ومن هدانا على الأسلام وإلخ إلخ إلخ ومش عارفين إنو الرسول لو سمعنا بنسكت عن يلي بسب كان .... أقل ما فيها كان بكى ... شو فائدة بأبي أنت وأمي لحظتها ؟؟ هاد إذا ما تمنيت لحظتها تنشق الأرض وتبلعك .
بتذكر أحمد الشقيري بيوم من الأيام وعند تزايد الفيديوكليبات والإنحطاط الأخلاقي وضع صفحة على موقع برنامجه بتعبي فيها اسمك وبتتبرأ فيها منهم ومن كل ما يرتكبه من ذنب .. هاد الشخص يلي يسب أو يقدح ببساطه ما بدك تعملو إشي إحكيله في وجهه إنو أنا بريء منك ومن كلامك إلى يوم الدين وأنا بنكر كلامك ومضمونه وأنا لا أرضى عن فعلك وقولك .. والله أعلم ... (مأخوذ من فتوى عن ذات الموضوع) .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
لما تصير الدنيا آخر همّنا بنعدل كل اشي
بتصفي إنه حتى الواحد بستخف حاله يروح يشهد على شخص سب الذات ال إلاهية
الموضوع مش صعب, لو كل حدن حكى بوجهه الشخص اللي من هالشاكله" إحترم حالك" ببلش في وعيّ إنه في ناس عم بتتذايق من أذاك
مره حكالي أبو غريب إنه إتدخل يحل شجار بالحارة
الشخص اللي معه الحق كان معصبن وبسبب
وأبو غريب بهدي فيه
ومشاني ومشان هالوجوه الطيبه ومشان أهل الحاره
وهوه كبر راسه وشاف حاله إنه الناس معاه
راح " ودي الحاجه الوحيده" سب ولعن الذات ال إلاهية
ماشاف إلا كف ع نص وجهه أجاه من أبو غريب
وقلبت الطوشه لمحاولة إرضاء وفك أبو غريب عنه
وإنه بس خلص بكفيه اللي أكله
ههههههههههه
أنا بلشت اقرأ كويس عن تربية الأولاد
وشغله القدوه هاي أول شي قرأت عنه
طالما أنا لساني طويل قدام أولادي,ف اشي طبيعي وأوتوماتيكي أولادي يطلع لساناتهم أوسخ من لساني
lunar
يا عمي فبقلبه
حتى هاي صعبه علينا
إزا أنا وأنتا وعشره غيرنا بلشنا بهالطريق
رح ينتقل هالشي لعشرة من كل واحد بعرفوا هالعشرة وإلخ إلخ ويد الله مع الجماعة
um ommar
صدقيني إني مره على شوي كنت بدي أبكي من كتر المسبات الوسخة ... يعني مش فاهمه هاد الشخص كيف بفكر وهوه بسب وبكفر بهالطريقة بالذات يلي ممكن تكون أكثر تريقه منحطة في سب الذات الإلهية والعياذ بالله
يا رب أرحمنا برحمتك
ومن منبري هذا أعلني إني بريئة من قانون العقوبات الأردني يلي لازم يخبط الواحد مؤبد يجيب أجله عشان الناس تعتبر ولا لازم يقطعوله لسان ينتشر على التلفزيونات بث مباشر
Post a Comment
:وكيل المكومنت قال