كل شي بصير
 |
| ملاحظة : تمت إضافة الصورة لجذب القراء فقط لا غير |
طبعاً والحمد لله كان في راسي كومايات حكي إجت الأخت الفاضله في المكتب وشتت كل شي .. عيوط .
عالعموم بس حابه أحكي إنو والحمد لله هاي السنة إذا ما حضرت المسلسل كامل في رمضان بتقدر تحضره من دعايته واستنتجت من ذلك إنو مافي مسلسل إلا وظهر فيه ... مشهد أبو لحية (إخونجي إرهابي) .. مشهد الكابارية + مشروب + رقاصة .. مشهد سجن .. مشهد عرس .. مشهد حشيش ومشروب أيضاً وأرجيله .. مشهد ضرب وطخ وسيارات تشحط ودم سايل .. مشهد بتبين فيه ممثله ختياره أو شابه عامله تسعطاشرميه عملية تجميل ولابسه المحزق والملزق .. وكانت القمة على هضبة التفاهات المذكورة أعلاه مشهد بنت تنضرب وتنشحط من شعرها (نفس المشهد بالحرف لاحظته في برنامجين مختلفين) والبنت تضل تاكل قتل على إيد واحد وتنمسح بكرامتها الأرض + إعتداء جنسي بأي شكل من الأشكال .
عزيزي الصائم نتمنى لك صياماً خالياً من التلفزيونات ..
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
ملاحظة:
تمت الزيارة فقط من أجل الصورة
- اجتذاب ناجح
ها ها
------
كل هذا عم يفوتني! :شهقة: لااااااازم أعيد النظر بجلب عمو التلفزيون للمنزل
حلوة منزل برضك بالمناسبة
التلفزيون .. لا لا لأ لأ لأ ..
بالمناسبه .. هاي الحدوته من شي 8 سنين ماشيه بلا انقطاع
والانحدار كل ماله ما بصير احدّ واشدّ ..
الله يجيرنا
على الهامش: انا كمان جيت عشان الصورة
:sofera:
عاد الصورة زي الاخص
الحمد لله , ما بتابع اشي عالتلفزيون
لأنه زي ما تفضلتي , كله منيّل
ما شاء الله الكل معجب بالصوورة وكلهم شباب خزات العين
اهم شي برمضان هادا
الحشيش و كانهم عم يعملولوا دعاية بالمسلسلات
بس عجبتني الصورة :)
Post a Comment
:وكيل المكومنت قال