تذكر شو كنت تقولي - فيروز
مابعرف ليه هالصورة محفورة بعقلي هالقد؟
صورة الأرصفة في رام الله لما مريت منها آخر مره عشان اروح على عمان ..
كل يلي بخطر ببالي كان الجو بارد وكانت ممطره مطر خفيف .. الأرصفة صار لونها سكني غامق .. ريحة المطر وكل شي صباحي .. قهوة/شاي/فلافل/صوت ابواب الحديد تنفتح ...إلخ إلخ كل شي ممكن تلاقيه في مدينة عربية في كل صبح .
بس لسبب ما حسيت إلها رونق واسم مزاجي خاص .. صعب تلاقيه بأي مدينة عربية تانية .
صعب تحكي عن حالك لفيت العالم وشفت كل شي إزا ما كنت لسا زرتها .. بتكون ظلمتها اذا قولبتها بطابع تجاري .. هاي المدينة مش رح احكي امرأة او انثى خجولة .. رح اقولك انها مدينة الها لغتها الخاصة .. بتتأخر بنومها .. وبتحب تنام بكير .. بتحب الضجة ولما يوجعها راسها بتلاقي الكل سكتلها لتروق .
رغم انها ليست بمدينتي (مع تشكيك البعض بذلك) اقول كل ذلك عنها .. بس .. ويمكن البعض يستغرب شو رح اقول .. لكن بجد بحس بعداء داخلي إتجاهها .. ببساطه لأنها عنيده وما بعجبها العجب .. هالشي إيجابي بالنسبة إلها وبالنسبة للوضع العام وبالنسبة لكتير ناس .. بس بضل عداء زي عداء الأقران .. ما بأثر بشكل سلبي وبيجي يوم وبتقبل كل منا الطرف الآخر .
وإلى حينها نتمنى ان يسمح لك الزمان يا جميل (على غرار ما غنى سيد دروش) وتزوروها .. ونصيحة خلو يوم للزيارة ويوم ثاني للتبضع عند البكري والنتشة وخلافه .
وقالت فيروز ...
تزكر شو كنت تقولي .. مهما يصير .. انتظريني وضلك صلي .. والله كبير .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
يعني هاد البوست معاياه ومقاهره مثلن؟
للناس اللي ميته توصل رام الله وإرتفضت مرتين؟
um ommar
اكيد لأ
ترى مش بضروره اذا حد كتب شي بكون قاصدك
بعرف فققققسه ... بتحطي نفسك في مواقف بيخاااااااا
بعدين جد جد ما بتنطاق ما بعرف ليش
Post a Comment
:وكيل المكومنت قال