يلعن أبو تباً
هاظ أنا بالزمنات وبالتحديد (هاي الفترة) صابتني حالة حب الآي باد ,, وبعدين أخمدتها لعدم توفر القدرة المالية وغطائها كان إني مابحب برمجيات الأبل ,,, وبالفعل أنا ما بحبها بس كان مبرر أكثر ما كان حقد دفين .
وفي التاسع والسبعين من شهر التفليسه في عام تعشاطر وتلاتميه وخمسيه وتسعين أي قبل تلات شهور زي الأسده حوشت فلوس (من كد يميني / كد تحكيمي) وبالفعل لقوطت وعملت معاهده مع أهلي وأشتريت أي باد ثريز بالشيء الفلاني وكان أرخص سعر بشوفوا في السوق عشان ما حد يحكي إنظحك عليها .
وبالفعل أول يوم اشتغلت عليه اكتأبت لأنو ما كان عندي أكاونت عالأبل وبالحنجله والمكر لقيت فلم عاليوتيوب يفك أسراره ,, ومع ذلك كان أداءه ضعيف بالنسبة إلي ,, لأنو يلي بتعود على النوكيا والوندوز وحرية الحركة والتصرف .. بغلب مع إعاقة الأبل .. يعني مرات لما ما كان عندي فلاشه .. كنت أي شي أطبعه وبدي أنقله للمكتب .. كنت أشبك موبايلي بالكمبيوتر وانسخه وفي المكتب اسحب وأنقل وأهبب شو ما بدي .. أما الزفت الأبل مكانك قف .. بس بقلولك القلب إبن كلب .. مع عدم موافقتي الموضوعيه للمثل .. بس جد جد الله لا يخلي بنفس حد شي .
بس مع مرور الوقت لما تنحصر إنو كل يلي على جهازك من برامج وأشياء محصورة بنسخ مجانية منقوصة من كل شي بتحس بالنقمة على البشرية .. ولما تشوف أكسسوارات كما هو مبين أعلاه .. بصيبك الفالج لا تعالج .. بس على كل حال دايما بقول لحالي أنا بيوم حطيت ببالي شغله وأجى يوم وقدرت أجيبها أو أنفذها .. فا بتمنى أنو أصير أحط ببالي شغلات أهم لووول قصدي شو بعرفني بلكي أنسى وبلكي (وعالأكيد) تصير عندي قدرة أشتري .. بس أحكي لحالي شو بدي فيها ....
ليش الفشخره والله إلك تلتين الخاطر .. آه إزا صار عندي إمكانيات بجيب ليه لأ .. شو وراي .. أكتب إنني أنا نزلت لعند الست عنايات هو أنا يهمني ؟!
وحابة أحكي لأم عمر خافي على صحتك يا شيخه .
وحابة أحكي لهلحدا يسلمو بعرف رح تحكي هاد شغلك .. بس برضو لو الباب ما إنفتح ما كان صار كل هالشي .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
شجعتيني كتير اني اشتري اي باد :)
في عيد ميلادي الماضي عرفت انو في مؤامرة تحاك ليشترولي اي باد بس انا خربتها عليهم و رحت حجزت لاب توب
لانو المرحوم رقم 3 خلص ما عاد فيه يكمل مسيرتو معي
و هلا انا عندي لاب توب 4 :)
المهم . بعض الاحيان كنت اندم على اختياري و افكر اني اجيب اي باد بس بعد حكيت قدرت العزيز 4 و ما رح اتهور :)
صباحك خيرات
لبنى
وانا من عندي بحكيلك لا تتهوري
وازا فكرتي تتهوري لا تعجقي حالك بالابل
ول عليهم شو محدودين فكريا
لوووول
وانتي لازم تحكي للابتوباتك زي ماري منيب ماكانت بتقول دايما "اسألوني أنا ... مدوباهم إتنين" بس في حالتك تلاته
لووووول
قلتلك ما بدك هالبطيخه ..
ما بتردي ..
عالعموم ..
انشالله بتتفاهموا مع بعض وبتنهو هالنزاع الاكسسواري البرمجي المعقد
:cfe:
jam7awi
الاشي الوحيد يلي بنهي النزاع هوه اني اعملو فورمات وانزل عليه وندوز واريح راسي
اما بالنسبة للإكسسوارات خلص عالعيد بشتريله شنتة لابتوب وباخظو عند الخياط خليه يديقلوياها لتيجي على قياسه
مهو مغلبني قياسه محير بعيد عنك
كان جبتي جالكسي تاب وريحتيني من مشوار مكة مول! :k:
Post a Comment
:وكيل المكومنت قال