شوية كرامة ... مفهوم تفتقده بعض فتيات هذا العصر
كنت بشتري هدية لصاحبتي "فيدو وفي قول آخر فيونكا" وكنت في أحد المحلات التي تبيع اكسسوارات وأشياءات بناتيات وكالعادة يكون صاحب المحل شب معطي على لون طنط ويتكلم اللكنة الشامية المعوجه .
المهم وبلا طول سيرة سمعت بنت بتحكيلو عم بفتش على هدية تشتريها .. ومن لكنتها استنتجت لمين الهدية .. وأضافت البنت .. "بس الهدية .... ) وقبل ما تكمل قلت بيني وبين حالي (((لشب))) .. كملت "بس الهدية لشاب" وبعد ما حكتها قلت بيني وبين حالي وبصوت أعتقد إنه سمعتو "أكيد لشب" وصار يحكيلها عن العطور حكتلو لا لا عندو كتير .
خلي نيتي صافية وبنهاية الموضوع بقول مافي شب بالدنيا بستاهل البنت ترخص من حالها بهالطريقة وتعمل كافة الحركات البلاطعمة ويلي بالنهاية بتكون علكة بين أسنان الشباب تاعت (أنا موقع نص بنات البلد) وشيت (أنا ما في بنت بتصعب عليي) وإلخ إلخ من سواليف الحصيدة .
بتذكر بنت إجت على بيت جيراننا وبالصدفة كنت طالعة الدرج وبتحكي "إنتي خالتو إمو لمحمود؟" "لأنو محمود بحاول أحكي معو كتير ومو موجود فا خالتو أنا بدي أعطيكي شغلة وأمانه تعطيها لمحمود" ... وكنت أصعد الدرج وكلي دهشة .. كون محمود فعلاً شب مابسوى بسوق الولاد تلاته مليم .. صار أبو ريالة إلو بنات وصاحبات ومدوخهن كمان .
ليه البنات بتحب ترخصن حالها ... والأنكى بتكون عارفه إنو ما بسوى .. وعفكرة ترى ما تنحصر بال (المصاحبات) وال على أساس (حبيبات أمثال حبيبة محمود) بل تتسع لتشمل المتزوجات والمخطوبات .
الكاتلة
أم السعد
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
يا أم سعد
ال:
لتشمل المتزوجات والمخطوبات
فييييييييييييييييييينهم
!
دلونا طيب
هههههههههه
--------
يا ستي خلي العالم تجرب و تستمتع بالحب و سيرته و حب شعور الحب
و ماله
أهو كلو خبرة و علام برضو!!
haitham
قلتلي دلونا
مااااااااااشي مااااشي هسا بعمم عليك ليوصل الخبر للمودام
في فرق بين تجربه وبين الواحد يطب على وجهو
آه مابنكر مش كل الشباب زي بعض
ومش كل البنات متل بعض
هاد شي واقع
بس الشي يلي واقع على روسنا هيه الغشمنة ترى الغشما والغشيمات كتار بعيد عنك ولو من أولها الواحد مافتح عيونه بعيش متندم على الذكريات السقيمة يعني تخيل هاي البنت صاحبة جارنا تتزكر الموقف يلي عملتو وهيه بتربي في بنتها ولا حتى مستورة في بيتها مع إبن "الحلال"؟؟
في إشي ومنو وبرجع وبأكد إنو هاي قصص لبعض البنات والشباب مو كلن كلن
Post a Comment
:وكيل المكومنت قال