شو بضمن؟
شو بضمنلك شخص بيوم خان غيرك ما يخونك؟ يعني شو يلي إنت ممكن تتمسك فيه وتحس حالك مختلف عن من سبقك , في حكمة أنجليزية بتحكي :
Once a cheater, always a cheater بمعني يلي بخون مره رح يخون كل مره ..
شو بضمن يلي بضحك في وجهك على غيرك ما يضحك بضهرك عليك مع غيرك؟ وبنفس الطريقة وبنفس الكلام وبنفس المبدأ ويحكي لغيرك يلي حكالكياه عنو .
شو بضمن يلي بحكي عن غيرك مجاملة ما يكون بحكي إلك إنت كمان مجاملة ؟؟ شو بضمن ما يتطلع عليك بنفس النظرة يلي لاحظتو بشوف فيها غيرك؟ شو بضمن إزا بيوم شفته بحكي لحد شغلة جبرت خاطر ما يكون بمارس معك نفس الحركة .
شو بضمنلك يكون الحكي يلي بحكيه إلك صدق .. وبس تغيب بتغير كل شي وبس ترجع بحاول يخفي ويخبي ويغير أو يقمعك لما تحاول تكشفه؟
شو المفروض الواحد يعمل؟ .. كيف المفروض الواحد يتصرف؟ كيف المفروض الواحد يتعامل مع هيك ناس .. لأ أنا يلي بكذب مره مابصدقه مره تانية وما بحاول أقنع حالي أنو آه هالمرة رح يكون صادق .. بس بنفس الوقت مش ممكن أشعرو أو أحكيله إنو آه إنت كذاب وانا مش مصدقتك .. وللأسف في ناس كتير والأغلب بتفكر إني بصدقها .. والأنكى بزعلوا .
لأ ما بقدر أصدقك .. لأ ما بقدر أحكي إنو أنت كذاب .. حتى لو كان هاد الشخص (على الفرض العام ودون عمق معرفه) إنو مبدأي .. قديه ممكن يكون معيار الخطأ أو نوع الكذب لتوقف تصدقه وتنهدم عنده المبدأية ؟
الكلام يلي حكيتو في شي منو ممكن يترافق معو تصرفات حقيقية وملموسة تؤكد الكلام .. ومنها ممكن تكون تثير الشك .. ومنها مش موجوده بس بتطرح حالها في علاقات معينة ... الشغلة مش دايماً شك أو غيره أو اضطهاد .. الشغلة تحديد موقفك وتصرفك من شخص معين .. وقديه لازم الواحد يعطي بقدر ما بياخد .. أو ممكن بيوم يشهد لحد عن شخصيتو أو أداءه أو حقيقتو .. أو قديه ممكن تأمنلو تثق فيه تركن عليه وتعرف إنو إنت ما عم تنخدع .. شعور الخداع ببساطه شعور سقيم .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
7 comment:
ما في أي ضمانات للأسف
وأريح حل,, الكذاب الخاين الدساس اللي بحكي ع عيوب الناس
نختصره ونختصر شره
المواجهه مع هيك بشر ملهاش فايده أو نتيجه,, وبطلع الشخص الغلطان هوه إنتي
مع اصابع إتهام زي " هجوميه,, غيرانه,, شايفه حالها" ف الإبتعاد والتحجيم أحسن حل
برأيك بيتساوى هاد الشخص مع الشخص يلي بتعرفيه كونهم بشتركوا بنفس الشغلة؟
وبرضو لازم يتعاملوا بنفس الطريقة؟
مولاحزه:وقصدي بتعرفيه إنو تكوني متعامله معو ولو بالحد الأدني مش بالضرورة يكون حد كتيييير بتعرفيه
خليتيني أصفن
للأسف في ناس الواحد مضطر يضل يعرفهم عبيل ما يموت فيهم صفات ما بنحبها
وخصوصي اللي عم نحكي عنه
وبرضو التعامل معاهم أصعب من الغريب
التحجيم حلو هون,, يعني خدي منه البحر ولا تعطيه شي
تركيه يحكي ويبكي ويبرطم وإنتي لا تردي عليه
لا تأكدي ولا تنفي
خلص إعتبريه مذياع ع قناه مش حاباها إنتي
هيتش فتشرتش؟
يعدمني اليهود إزني فهمت شو قصدك ؟
آه مهو إنتي بنت فرير وبطلتي تفهمي فلاحي وأنا مش عارفه .. خلص ماشي ماشي
أسدي أأول ÷هيئ فئرئ
هيك فكرك
أهذا ما تقولينه
يو ثينك سو
حتخشو النار لو قلتو زبده ومربى وشاي؟
لا مافهمت إنها لهجه إربداوية أو إني مسكرة معي من الشسمو
--------
أه هيك فكري ونص
عندي من هالنمر إكثير إكثير ومنهم بندخل برتبه " صلة الرحم" وصعب قطعها 100% لكن التحجيم وطريقة " الون وييه" هيه الأحسن
الله يكون إبعونك يا شيخه
Post a Comment
:وكيل المكومنت قال