هتورات - بالة احلام
مش رح اجيب سولافة اني غايبة من تسعين سنة .. امشو معي في قصة انو ما صار شي .. شكرا لتعاونكم معنا .
لا زالت جملة (يلي مالو باله مالو عيد) بنفس صوت البياع ترن في داني .. بتزكر كنا ننزل على مخيم البقعة عشان نشتري حصيره لستي او مشمع او الغاز ابو التلات عيون ونشتري خرق (شالت الحجات الخفيفة) واشياء اخرى .. يلي زكرني في هالشي كان كالتالي:
بروح في طريقي للبيت وبمر من صويلح ومن فترة صرت اشوف بياع بسطه او عرباية بوقف قريب من الدوار وبيبيع ...... العاب ودباديب باله . مستعملة . قديمه . مستهلكة . ومنها بين عليه القدم .. ما بنكر انها مجموعه منوعه مش الشخصيات الكرتونية يلي صعب تلاقيها في (المكتبات) لان تقريبا المكان الرسمي لشراء الدباديب هوه المكتبات (نيله) .. ما بنكر انها الطف من دباديب الحب ممم يمكن لاني ما بطيقها والدباديب يلي عندي عباره عن سعادين وخواريف بس بالوضع العام افضل (مضمونا) من الدباديب التانيه .. مين احسن هومر سمبسون ولا دبدوب احمر؟ .. القصة كانت انو اول مره وكل مره بشوفهم (اي داي ا ليتل انسايد) .. كيف تكون الشغله انو ام تشتري لابنها دبدوب عن الباله .. بتذكر (وبطبيعة طفولتي السيئة) كانت لعبتي (يلي اخدتها امي مني واعطتها لحد غيري في كل مره) كانت لعبتي (ولو انها مش بالة) صاحبتي والحد يلي بنام جنبي وبضحكلي دايما ومتحملني لو خلعت ايدها او رجلها او فك لحامها او فكت خياطتها .. عباره عن عالم متكامل .. ينشرى من البالة .. مش عارفه كيف احكي الدياق يلي جواتي من هالشي بس رح احاول اعطيكو امثلة تقريبية .. زي لما كنت تشتري الدخان فرط .. زي لما تروح عالبيت واهلك متغديين وتاركينلك صحن كلو رز وكم نتفه من باقي الطبخة .. زي لما تشتري السيارة الفلانية لانها على قد فلوسك .. زي لما .. زي لما تشتري المنتوج الاقل جودة لانو اكبر وارخص .. زي لما تسمع مباراة على الراديو او تحضرها بعد بيوم .. المقصود انها بتوفي بالغرض؟ نعم توفي بالغرض .. تأدي اللازم؟ نعم تأدي اللازم لا وبسعر افضل لما تشتري دبدوب طول ابنك بليرتين وازا فاصلته بعطيك لعبه زغيره ببلاش .. لكن هل هيه مبتغاك؟؟ .. هل نفسك بداخلها ما بتحرك فيها اي نازع او ما بنكسر فيك لو قيد انمله؟ .. القناعة جزء منها غض النظر عن يلي قلبنا بتلهفله وبتتضمن دعاء انو ربنا يعوضنا بالاحسن .. بمعنى انها ما بتحل بالكامل محل رغبتنا بالشيء او رضانا التام بالبدل .. كنت بدي احكي للناس خلو كل شي باله خلو الاكل باله خلو حياتنا وشغلنا باله .. بس ابعدوا عن العاب الزغار ودباديبهم .
ليش التشذب .. لليوم كل مره بيجي على بالي عوامة .. بتزكر البياع يلي كان في البقعة ببيعها .. سخنة .. قطر .. كتيييييير .. ولا زلت اقارن كل مره ادوقها بالمرة يلي اكلتها هناك .. في الكيس البني تاع الفلافل بس الكيس الكبير ابو عشرين حبة .
ليش التشذب .. لليوم كل مره بيجي على بالي عوامة .. بتزكر البياع يلي كان في البقعة ببيعها .. سخنة .. قطر .. كتيييييير .. ولا زلت اقارن كل مره ادوقها بالمرة يلي اكلتها هناك .. في الكيس البني تاع الفلافل بس الكيس الكبير ابو عشرين حبة .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
مش عارفة ليه حزنتيني بالبوست هاد :-(
انا ما عمرهم اهلي اشترولنا اشي بالة (لاسباب صحية بحتة مفادها ان القماش الله وحدو بيعرف شو مخبي وشو عالق فيه)... فلذلك كتير شغلات منها كان يضل بنفسي... ومنها ما كنت اعمل لاجلو حملات تحويش مصاري عنيفة وطويلة ومليانة صبر واحياناً استنى سنة كاملة او اكتر لحتى اشتري الاشي... واحيانا بس احوش المبلغ يكون الاشي انشرى وطار :-(
ابوي ما كان يحب الالعاب النخب التاني والتالت... كنا نشتري العاب بالسنة مرة (وقت شهادات المدرسة... ومحسوبتك متفوّكة) بس تكون العاب مرتبة... ولانا ما كنا نحصل عليها بسهولة كنا نحطها بعيوننا فكانت العابنا جزء من العيلة
وباقي السنة كنا نصنع الالعاب صنع :-)
الألعاب هي احد الاشياء اللي صار عندي فيها شعور بالرضا... اي نعم ما كنا غرقانين فيها لكن كل قطعة منها كان الها معنى
ويمكن مشان هيك ما بحب البالة... وبجوز مو مقتنعة بفكرة البالة اللي حكيتيها بهالبوست!
البالة بتسد حاجة عملية لكن مو نفسية... ما بتطلع الاشي من نفسك
الاواعي البالة بتكسيكي بس بضل نفسك تشتري كمان لبس... خزانة بالة كاملة ما بتكفيكي قد قطعتين تلاتة انشرو "الك" وما لبسهم غير انتي بالطريقة ياللي بتحبيها
الاكل البالة بخليكي ما تموتي لكن بيضل نفسك تاكلي كمان
شغلك لو بالة بيسد جوعك وبيدفع فواتيرك... لكن بحسسك انك عايشة بكرامة؟
اكيد لأ!!!!
الرضا بالقليل ال"أصلي" واللي "نخب اول" احسن من البعزقة عالبالة اللي بتستنزف المصاري وما بتشبع... متل مية البحر
شو كان اسمي هون؟
آه...
بحيرة البجع :-)
خواريف
!
o e7na elly golna ymkn hal gheebet ykoon waraha a5bar mnee7a o enno t7assanat al awda3 o haik bas
haihaat!
"meen haihaat" :D
-----------
thakkarteeny b bayya3 al 3awwameh 3ala bab mo5ayyam al zarga! yn3an tabban
:((
u made me -as swan lake and I bet abu jarrar too- a little sad :(
how can u explain to a kid that u cannot get him/her what she actually wants. I think kids by the second time their dream-toy/magazine/candy/mishwar/etc.. is being denied they just get it They r so smart and attentive.
they get how something is blocking their aspiration to be a reality. althu they see it in front of their eyes, seems so close but yet so far. Also, when they see OTHER kids getting what they wanted they just don`t understand why can`t they, themselves, have it too :'( .. BUT they get the story at the end. maybe not the whole satisfying story but they know that their dad or mom loves them so but can`t afford to get that item to them. They start, at that very very young & vulnerable age, to settle for the second best thing, often the fifth or sixth best even :(
u painted very good examples, we all can relate to those. I know that but my focus went -maybe- somewhere else, a small astray or detour .. I guess!
el muhim, keef 7alik enti :) :P
Post a Comment
:وكيل المكومنت قال