"جد مرارة القهوة بتزكرني بحالي في هاد الشتا"
"هاد الشتا؟ ليه يعني؟"
"يمكن عشان مرة حياتي في أكتر من مطب ,, يمكن لأنو الدنيا بدت تدخلني في لعبتها الممله "
"أهلا بكي في عالم الكبار"
"رجعنا لكبار وزغار ,, ماحكيتلي كم عمرك؟"
"بتفرق معك؟"
ضحكت وهزيت راسي ب لأ ,, فرك جبينو . سحب سجااره من بكيت الدخان يلي قدامي وبدو يولعها
"ليه بدك تدخن؟"
"متدايق شوي"
"عشاني ما تدخن"
"خايفه عليي من سيجاره؟"
صفنت شوي فيه "إنو أنا بتدايق من ريحة الدخان" ــ
ومع نكسه حكي "اه" ــ
"ومابدياك تدخن بكسب في صحتك أجر"
"بدها تترزق على ضهري هاي "
"طب ليه متدايق؟"
"بحكيلك بس بتخليني أدخن؟"
"ماشي بس لا تدخن"
"كيف صارت هاي؟"
"أحكي هسا ,,"
"آآآآه شو بدك أحكيلك لأحكيلك؟"
"القصه مش سهل تفهميها إلا لما تعرفي كيف حياتي"
"طب أحكيلي بلكي بساعدك ,,, أو بلأحرى بريحك"
نزل السيجاره ,, تطلع عليي مع وجه مزح حكالي "على فكره أنا لما إجيت عليكي كنت بدي أساعدك" ــ
"بس هسا السولافه قلبت عليي"
"وهالشي بدايقك ؟؟ "
"لا بلعكس ,, لقيت حد بشبهني بس قادر يساعدني"
مممم بلحظة صارت تهمني ملامحو بدي أشوف كيف هوه
هوه أبيضاني على حنطي شوي .. ملامحو عاديه بس نوعا ما مميزه
عاديه يعني الأنف وحجم العيون ولونهم ,, عسلي شعر شوي على سواد عادي
ملامحو هاديه ,, هيك مريح مش قاسي وجدّي
ناضج ,, عطرو قوي بس هادي ,, لابس بدله بدون ربطه كلاسيكي ,, ماركزت بس جسمو راكز مش معجوق
وشعرو ,, "عجبك شعري؟" ــ
لخمني ,, "ايش؟؟" ــ
"صافنه في شعري فااا بدي أشوف إزا عاجبك"
"مممم إنو عادي "
"بس إنو ستايلك كلاسيكي"
"مش ستايلي ,, هاد يلي بعرفه"
"سا ييدي على التواضع"
"شو تفضلتي حضرتك؟"
هههههههههههههههههههههههههههههه
"ممم شايفه هداك المطعم؟"
"أه ,, مالو؟"
"كل مره هيك بصفن فيه ,, بستنى تا أشوف سيناريو حب جديد"
"وبتتحسر؟"
"اتحسر مين ,, الحب مش من جماعتي!"
دايما بحس الواحد هيك مجموعه ,, دايما اي حد شخصيه او فنان او أي حد عليه العين
ببين كامل لحد مايبين العيب يلي فيه ,, مكسور في الحب؟
"كاسرين ضهرك البنات؟"
"لاا ,, بس الحب بدو أشياء ,, ما عندياها"
"متل شو؟"
"تسدقي مابعرف ,, بحاول أحط السبب بشي .. بطلعلي شي تاني"
"وبطلت تحاول من بعدها ,, صح؟"
"شوفي الواحد قد مابحب يسمع الحقيقه شو ماكانت .. بضلو يستصعبها"
"خايف تنكسر قدام حالك؟"
"شكلك مجربتيها ,, وعارفه معناها"
"هاي زي ما تحكي هيك ,,, عنوان رئيسي في يومي كل يوم"
"كلنا هيك"
"ياما سيناريوهات الحب يلي بشوفها في هالصباحيات خلصت"
"يعني زي ما تحكي كاين أو كاينه يحلمو تتركو او يتركها "
"جد إشي بخوف"
"بحكي لحالي لو كنت مكانو ,, جاي مبسوط بدي أشوف حبي .. يا ما إنها تيجي يا تيجي وأتمنى لو ماعمري عرفتها"
"مقروص كتير؟"
"ياااااه زمان هالحكي"
"ليه حسيت من كلامك إنو مش من زمان"
"لا مش هيك ,, بس لما بتطلع على يلي حوليي بمدح بالعزوبيه"
"بس من جواتي بسأل ,, كلهم عاشوا عزوبيه ليه تجوزوا؟"
"قلي عقلي وتجوز؟"
"ههه ,, الدنيا والناس قد ماكانوا مختلفين متوحدين بأشياء"
"بنكبر ,, روضه ,, مدرسه ,, جامعه ,, شغل ,, جيزه ,, ولاد"
"أه بس كل يلي حكيتهم ,, نوعا ما للأغلب منظمين بوقت وعمر معين بس بتضل بعد الجامعة هون المحير"
"وليه أنا محيره معي كتير .. المشكله انا يلي صرت محتار ما بين بدي ومابدي"
"خلي إتكالك على الله وكلو بنحل"
"ونعم بالله"
"شو عم بستنى ييجي الصيف ,, وترجع لياليه .. لا والصبح بكير "
"الله على الصيف"
"افهم من هيك إنك بتكرهي الشتا؟؟ ,, بحس اغلب البنات بحبو الشتا"
"مابكرهو ,, بس بطل يعنيلي إِشي"
"بطل يعنيلك الدفا .. المطر .. التلج .. القرب؟"
"الصيف مليان دفى .. والباقي ما إلو طعم بحياتي"
"شو يلي قساكي؟"
"الشتا نفسو"
"شو عملك خليني ادبحو"
"ههه ,, بطّل يشبع روحي بيلي كان يعطينياه زمان"
"بس ما في احلى من ندى الصبح في الصيف ,, ونسمات ليالي الصيف"
"السما صافيه ,, الواحد بحس حالو حر ,, مرتاح"
"كنت أصفن في الجو ساعاااااااااااات "
"لا تنسي إنو نوعا ما مافي كتير مشاعر في الصيف"
"أحسن ,, أصلا هاد يلي بدياه"
"لأ مش هاد يلي بدكياه ,, شايف فيكي صبيه دبلت لمعة الحب بعينها ,, بس ماراحت"
"اتركني بحالي"
"انا أسف إزا غصت كتير ,, بعرف مش من حقي"
"دخيلك ويلي كان إلو الحق ,, كان يسأل؟"
"أه ,,, الكتمان"
"بتعرف شو دايما بحس الرجال صم بكم والنساء عمي"
" كيف يعني؟"
"الرجّال مابحكي كتير ومابسمع ,, بس بعمل يلي في بالو"
"والمرأه عميا باختيارها"
"ليه ماتفتح"
" بالنسبه إلي إنو ماكنت بحب أبينلو الغلط يلي مبين زي عين الشمس
وعكل حال أنا مابحب أكسر بخاطر حد أو اشوف حد زعل من كلامي" ــ "
"دخلك شو بتستفيدي؟"
"يمكن مابعرف ,, بس يمكن ببعد عن نتائج فتح عيوني"
"وشو كان يطلع معك"
"حرقة دم ,, تكرار الحال ,, وتأزمها"
"بتعرفي ,, عمري مافهمت كيف البنات بفكروا"
"سدقني حتى احنا مابنعرف "
"وإنتي؟؟"
"انا مزاجيه هوائيه يلي هو بشكل مستعصي"
"السياره ما بتنخض لحالها"
"شو يعني؟"
"يعني لو إنو الطريق مش مليان حفر ومطبات ماكانت هزّت"
صفنت فيه وسكتت .. حاكتني عيوني ,, حكتلو أنها تعبانه دموع ,, ملت فراق
ملت سفر تفتش على حد ,, الحرمان اكل الروح فيها