بعرف حالي إزا ما كملتها هسا مابعمرها رح تكمل براسي
المهم
هسا البنت حكت للشب إنو هدول الهدايا كانو من حبيبها
الشب صفن فيها وزغولو عينيه وضاع بحالو وعم بجمع بأفكار
إنو مالها .. عن شو عم تحكي .. مش فاهم شي .. شو صار؟؟
هيه كملت الحكي وحكتلو " أنا إلي سنه بحبه ومرتبطين عاطفياً وروحياً وما بعرف بهاي اللحظة شو أعمل" سس
برضو ضل ساكت الشب ووجهو فيه نظرات إستغراب
رجعت كملت " وعلاقة المفاتيح معناها إنه جاب الشقه وخلص رح نتجوز" ة
ضحك الشب وهوه مسكر تمه وإلتخم بس تطلعت فيه وشافتو بضحك
سكتت التانيه بس شافت ردت فعله
سألها سؤال غريب حكالها " بس بدي أسألك سؤال .. إزا تم موضوعك رح تتركي شغلك؟؟ "ة
حكتلو "أكيد لأ .. بس شو دخل سؤالك بالموضوع؟" ة
حكالها " لا ولا شي " ة
وسرح لبعيد ورجع في دوامة أفكاره
سألته " إيش في ؟ .. إيش مالك ؟" و
تطلع عليها وهوه زي يلي بحاول يخبي شي وحكالها وهوه بفرك برقبته إنو " لا والله مافي شي بس بفكر فيكي وكيف بدك تتجوزي" ة
هيه سكتت وحطت إيدها على تمها " وحكتلو لا مشان الله لا تحكيها لتكون إنت .." ة
إنصدم وحكالها " أكون أنا شو؟؟" ة
حكتلو بكل عزه وتفاخر " يعني بتعرفني أنا كيف الكل بحبني ومن هالحكي ومابعرف طول الوقت بحسك معجب فيي فا لتكون زعلت عشان أنا بحب حد تاني" ة
وقبل ما يحكي كلمه قطعت كلامه وحكت " أنا آسفه بس بجد صراحه ماعمري تخيلت حالي أكون معك وأرتبط فيك" ة
الزلمة فتح تمه وفنجل عينيه وتطلع فيه مفغور الفهشه على راي سعيد صالح
وعلى شوي بدو يقوم يطبش الدنيا .. بس مسك حالو وحكالها " إنتي مين مفكره حالك بتحكي هيك حكي .. إنتي بتعرفيني أصلاً لتحكي عني هيك؟؟" ة
كانت باقة الورد قريبه منو زاحها بإيدو بكل قرف واشمئزاز وراح
البنت أحرجت وإلتخمت
خلص الدوام والكل ساكت لأنو الأغلب كان عم يتسمع عليهم وحس الكل في توتر بالجو
المهم البنت الفرحة مش واسعاها إتصلت بحبيبها وحكتلو لازم لااااااازم لاااازم أشوفك
حبيبها كان مشغول شوي ومن هالحكي ومع إلحاحها عليه وافق لشي نص ساعة
إلتقت بحبيبها وبكل حب وحيوية وهيام وغرام وسعاد ومابعرف شو قابلته
هوه قرفان حياته أول ماقعدوا في هالمطعم طلب أكل وهيه بتطلع عليه نظرات إعجاب بشكل كتييير كبير
الزلمه كان قرفان يومه فا حكالها إنو " الله يبسطك دايما" ة
حكتلو " أكيد حبيبي أنا دايماً معك طااااايره من الفرح.. وأكيد على طول وللأبد" ة
وضحكت ضِحكت البنات البايخات وقال يعني إحمرّ وجهها من الخجل
برضو صفن فيها إنو مالها هاي؟؟
فتحت شنتتها وطلعت العلبه ما غيرها وحطتها قدامه
"أول ما شاف العلبه حكالها باستهزاء "شو بدك تتجوزيني؟؟
هيه إستغربت بالأول بس حكت لحالها إنو عم بناغش فيي


البقيه في الجزء الثالث