قدرتك على مساندة الحق
كم بتصارح جواتك بالحق .. كم قادر توقف بوجه حالك وتترك أي إهتمام لأحكام الناس وإعتباراتهم وتحكي آه أنا غلطت .. أو آه في إشي غلط ولازم يتصلح ؟؟ وكم قادر إزا بعد سكوت تحكي وتخبر الناس عن شي مخبى عن شي لازم يعرفوه؟؟ كم عندك جرأة وكم قادر تصمد بهالموضوع؟
....
مابتخاف بلحظة إنو الكل يعترف بأغلاطه وإنتا قاعد ساكت .. وبتضل يأنبك ضميرك على سكوتك؟؟ .. مارح تنوجع وإنتا مش عم تدوق النوم بعيونك؟؟ بشو همه أحسن مني؟
بشو همه أقوى منا .. شو إمتلكه هوه ما إمتلكناه .. ليه لما يكون الحق بإيدك ويسكتك حد تاني ويحكيلك العدل ضايع بالدنيا بتسكت
شو بتستنى؟؟ بحكي عن موضوع أكبر من المواضيع يلي بتنحكى في ويكيليكس .. الكل بيعرف عن الموقع
حد جرب بفتح هاد الموقع بالمناسبة ؟؟ بدون خوف .. بدون مايحسبها .. بدون مايفكر إنو ممكن حد يراقبك ..؟
ليه صرنا نخاف من بعض إحنا البشر هالقد وناسيييييييييييييين ... آه شو نسينا
حد بيعرف ؟
فكرة على الجانب
المعلومة ممكن تكون قوة بحد ذاتها
على إختلاف نوعها ومصدرها ومنها النوع الإجتماعي والأعمال والأسرار الوظيفية
فكروا .. فكروا .. فكروا قبل ماتبوحوا فيها
فكروا لمين بدكم تحكوها .. لأنو مش كل معلومة بتعني كشف الحقائق
ومن ناحية أخرى مش كل إخفاء لمعلومة يعتبر حفاظ عليها
والتقدير بيرجع إلكم
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
10 comment:
صباح جميل
وكأنه حوار بين النفس .. جميل جداً
ممكن ان يكون تربّى بداحل البعض الخوف على الذات او الوظيفة أو المركز الاجتماعي أو أي اعتبار كان .. لكن لسع الضمير في الميزان بيرجح عليهم كلهم
لأصحاب الضمير طبعاً
*
والفكرة التي على الجانب بحد ذاتها اعتبرها موضوع رئيسي جديد لأهميتها
أشكرك يا غالية
انا فتحته للموقع من اول ما سمعت فيه
اول مرة كان معمول عليه بلوك
وتاني مرة برضو يعطيني ايرور
وبس فتحته من البيت فتح..بس ما فهمت عليه
يعني كم هائل من المراسلات والوثائق والبرقيات الي بتخصنا والي ما بتخصنا
صراحة حسيته هبل وعاملين عليه ضجة زيادة
يعني الي ما دري دري..والكل صار عندو فضول يفتح ويشوف..بس على الفاضي
وحبيت اخر جملتين قلتيهم..على الوجع
حاولت افتحه للموقع , بس كأنه تسكّر او اشي , عالعموم بستنى بس ينزل بالعربي
لأنه راسي بصدّع اذا قرأت كلام انجليزي كثير ورا بعض
:*l:
بالنسبة للفكرة الجانبية
ما تنسي التوقيت
اعرفي شو بتحكي , متى تحكي والأهم
لمين تحكي
:)
نور
أول شي يسلمو على تعليقك
وبجد هوه حوار نفس بيننا إحنا إتركي أي حد تاني وإبدي من نفسك هاي الغاية من الموضوع
إنو عم بتماشى مع فكرة التغيير بيبدى من الداخل
وربنا دايما بحكي إنه لا يغير مابقوم حتى يغيروا ما بأنفسهم لما إنت نفسك تصير تغار على الحق والعدل ومابتسمح حتى لنفسك إنك تكسر إي قاعدة حياتية وتحاسب أو تمنع حالك بلحظتها وتعترف بغلطك ليتم معالجته مش تلزقه بضهر التاني
والفكرة الجانبية رح آخد بنصيحتك وبيوم رح أعملها موضوع كامل
nmroodh
القصد كان من موضوعي عن فكرة أكبر من هاد الموقع عن إحنا وكيف بنقدر نعمل رقابة على ذاتنا وبنوقف وبنحكي آه أنا غلطت هاي مسؤوليتي مش حد تاني
وبالنسبة للموقع ماشفتو كلو بس في تحليل كتير ممكن تشوفيه بالجرايد كل يوم
abu zainh
من وين إجتك فكرة إنو يتترجم للعربي
:woops:
والموضوع الجانبي مرتبط إلى حد كبير بالموضوع الرئيسي
http://mirror.wikileaks.info/
check the left side , there is "arabic" language
من اسم الموقع حسيت انه من جماعة ويكي
wikipedia
wikimapia
wikihow
وهذول المواقع كلهم فيهم عربي
فا قلت بلكي على الله
:shy:
صباح الخير
نعم ..هذا ما عنيته وقصدته تماماً
الفارق الحقيقي بين مواجهة الذات والصراخ في وجه أنفسنا بأننا على خطأ او لا .. هو الضميــر .. وعلى الأغلب إذا كان مواجهتنا لانفسنا بالخطأ والصراخ بأعلى صوتنا مُنادين بالحقيقة يتقاطع مع مصالحنا فإننا نصمت .. لكن , لسع الضمير يُنطقنا .. يُعيد إلينا القدرة على الكلام
ومبدأ التغيير أكيد .. يبدأ من الذات , وعدم انتظار أن يتغير الجميع ويصبحوا ملائكة لنكون مثلهم .. وعدم السعي إلى خلْق مبررات واهمة لنستمر على ذات الوتيرة التي تخدمنا وتُغذّي مصالحنا أو حتى فضولنا
abu zaina
برضو ضيعت الفكرة يلي عم بحكي عنها
نور
مش عارفه بس بكلامك الضمير شو بيفرق عن جلد الذات
وجلد الذات فكرة سليمة؟
لا خلاف أبداً .. ببساطة , أنا أقرن جلد الذات بوجود الضمير ,,
ويسعد هالمسااااا
http://213.251.145.96/
or indeed:
http://wikileaks.info/
أنا في هيك شغلات خويف، بأخاف تعضني
:-)
المَثَل عنّا بيقول "الحيطان إلها ذينين"، أكيد الثقافة إللي أنتجت مِثل هيك مَثَل هي نفسها إللي ركبت العقل الباطن إللي في داخلنا، حتى و إن حاولنا التمرد على هذه الثقافة إلا أن لاشعورنا الداخلي سيبقي ينخز فينا إلى أن ننتهى من جريمة اكتساب معرفة "مُحَرَّمة" من قبل سلطة عليا (قد لا يكون لها وجوداً أصلاً و لكننا نتخيل وجودها).
فيا جماعة "امشوا الحيط الحيط" بتريحوا راسكم (نفس الثقافة إياها)
ملاحظة: اتطمني نور هانم (صاحبة الدكان)، فيه ناس كثير مش مستعدة تعترف بأخطائها لو شو ماصار، و هذول الناس دائماً - و بكل وقاحة - بيصوروا أخطاءهم بأنها الصح بعينه
saleh
صراحه ماضل كلام عندي
تحليلك جاب فكرة الموضوع من أساسه
أشكرك
Post a Comment
:وكيل المكومنت قال