أجزاء تألف الكل
وإحنا هيك مجموعة أجزاء مش تناقضات لأن الأشياء فينا كتير ,, من نفس الشي درجات مختلفه ومتنوعه ومتدرجة زي يلي ما بدها تتجوز وما بتحب آثار الزواج وبتكره سلطة الرجال وبتكره ترباية الولاد بس برضو مابدها تعنس وبتغار من جارتها المتزوجه وبتحز بنفسها وحده أقل منها تتزوج وإلى آخره وهيك بنفس تكويننا فينا مجموعة درجات .. آه درجات مش تناقضات
أنا في نفس الموضوع بتلاقي إلى أكتر من وجهة نظر أكتر من رأي مش إنفصام لأ بس رأيي بيختلف حسب الحالة حسب الظرف وآه حسب المزاج وحسب الوقت وحسب كتير أشياء .. الحياة ما إنوجدت لنجاوب عنها ب نعم أو لا
بالعكس الحياة أكتر من هيك بكتير .. مافي يوم بيشبه التاني ودوام الحال من المحال ولا يبقى على هو إلا هو سبحانه وقلوبنا بتتقلب من دون إرادتنا وبكل يوم في إشي جديد .. زي خلطة السلطة كل يوم بينضاف شي جديد عليها
وهيك إحنا وكيف بنعيش .. يعني مثلاً كيف قادرين نحضر أخبار بتصدم وبتوجع وبتأثر بأساس أساسنا وبنسكت .. بنكمل بنعيش باقي حياتنا بناكل بننام بنضحك بشتغل بندرس بنطلع بنروح وبنشتري وإلخ إلخ
زي أي شخص تحت إحتلال الناس بتستغرب كيف بيعيش .. لأ مش شغله غريبه .. الإنسان مزروع فيه الإختلاف والتنوع والمرونه والتعدد والتماشي والتقمص والتلون إزا بنقدر نحكي
في ناس بالحرب بتتزوج في ناس في عز حياتها بتنتحر في ناس وفي ناس
ومابقدر أحكم عليه إنو هوه هيك لأنه هيك .. أبداً مش كل شي سهل لنحكي عنو ونعمم عليه يلي شفناه على ناس تانيين الحياة فيها أكتر من الأسود والأبيض
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
مساء الخيــــر
التعايش
والقدرة على التكيف
والاندماج
والمزاجية
والتطبع
مفاهيم كثيرة ... يصعب أن نحصرها أكيد لأن النفس البشرية عالم داخلي قائم وعالم خارجي واسع متشابك ولن أقول معقد لكن حقيقةً وكما تفضلتِ بين الأبيض والأسود ... درجات كثيرة متفاوتة يحكمها موقف , زمان , مكان , مزاج , حالة نفسية ,, معطيات كثيرة قد لا تكون في الحسبان
بس المشكله إنو بنحكي هيك
وبنفس الوقت وبنحكم على الأشخاص بتجرد عنها
ليه؟
أريح؟
مابعرف
Post a Comment
:وكيل المكومنت قال