لخمة العادة - جزء رابع وأخير
صراحة كنت مستنيه ردود فعلكم وبشو تتوقعوا رح يكون بس يلا ماشي .
رجع طلع المفتاح من الباب ورجع لعندها وقرب منها
رجع طلع المفتاح من الباب ورجع لعندها وقرب منها
وحكالها : " أنا آسف بس المفتاح تاعي مش معي وصارلنا أكم يوم بنتجمع بسرية هون لأنو صارت تطورات بيني وبين المهندسين هون بالشركة" .
حكتلو بإنصدام بالغ : " بينك وبين المهندسين ؟؟ " ة
رد : " آه فلان كان أول واحد ورفض يكون معي .. وفلانه بتعرفيها ورفضت بشكل مطلق وكمان فلانه إقتنعت بالأول بس بعديها طلبت مبلغ كبير وما قدرت عليه وآخر شي زميلك طلبت منو وترجيتو كتييير لأنو بجد شخص مش طبيعي وبالآخر وصاني فيكي وحكالي ما في غيرها بترضى بهيك شغلات " .
هيه سمعت اسم زميلها من هون وصارت تسمع دماغها بخض في راسها من هون .. جمعت كل ما فيها من قوة وبدها تنفجر فيه وتبلش تعطيه يلي فيه النصيب هالمنحرف المنحط ولأ مش تارك لا شب ولا بنت من شره بس قبل ما تحكي قاطعها وسألها : "عفكرة هاد المفتاح يلي معك أصلاً إلي بس أبوي أخدو مني بعد ما عرف عني وشو بعمل هاليومين وتقاتلنا وعصب عليي وييي على هالشغله تخيلي أنا يلي إبنو وما معي مفتاح و المراسل معو " .
هيه إنصدمت ورجعت إنصدمت في حالها وفهّت يعني فتحت تمها وحست الضربات عم تيجيها من كل جهه وحست بلخمت الدنيا فوق راسها .
وكمل يحكي : " على سيرة المراسل هاي أول وآخر مره برُدّ على كلامه" .
رح تنفزر هيه كمان شوي بس شو بدها تعمل يلا مهي صارت مسخره ورجعت سألته : " المراسل كمان .. وشو دخل المراسل بلا زغره؟؟ " .
وصارت تفكر بإنو يلا ما هيه الدنيا سايبه ليكون المراسل هوه يلي بعتلها الهدايا وبعتلها المفتاح عشان غاياتهم الخايسه بس هامان ما طلعله مع فرعون .. وفرعون - إبن المدير - هو يلي كسب بالآخر والبنت وصلت لمرحلة غباش عاااااالية المستوى .
قاطع صفنتها وحكالها: " يا ريت ما تفهمني غلط بس المراسل بيعرف عن شو أنا بعمل وقعد معي مره وحكتلو عنك إنو إنتي أملي الوحيد وما كنت عارف كيف أقنعك فا حكالي إنو إنت مره وصلك ورد وإنبسطي كتير فا جرب هالشغله معها شو خسران" .
البنت هون مش كرهت كل شي وعم تتمنى يثور بركان ويبلعها .
سألته بكل ما تحمل البرود من معنى : " مش فاهمه وضح عن شو بتحكي " .
رد عليها بكل حماسة وإنبساط : " أنا يا ستي عم بخطط لمرحلة جديدة أستقل فيها وأكون أنا بملك حياتي الخاصة بعيدة عن أهلي " .
رجعلها النشاط ورجعتلها فكرة إنو آه هوه هوه وكان بدو يجيبها ويقعد معها لحالهم عشان يقنعها ويقرب منها
وسألته بكل براءة وعيونها بلمعو زي توم وجيري : " وبشو بتقصد بتملك حياتك الخاصة بعيدة عن أهلي ... إيييه قصدي أهلك سورري " .
تقولوا ناقصها لخمة وإحراج لتخبص بالحكي ... المهم
رد عليها وحكالها : " هاد يا ستي أنا ناوي أنشئ شركتي الخاصة بعيد عن أبوي وفلوسة ودعم أهلي وعم بفتش على مهندسين يبلشوا هالحلم معي ومش عم بلاقي هالموافقة من أي حد تاني فا فكرت أسأل ناس خبيرين متلك والمهندسين التانيين ما رضيوا ودلوني عليكي عشان إنت مستقله .. فا فكرة تساعديني لننشئ شركتنا الخاصة " .
سكتت وحكتلو : " يعني عشان هيك بعتت الورد " .
رد : " أنا آسف أول مر بعملها وزي ما حكيتلك كانت فكرة المراسل لأني ماكنت أعرف شو أعمل " .
ورجعت سألته : " يعني هاي أول مره بتعملها وبعتلي الورد عشان تقنعني ؟؟ " .
إلتخم بحالي وحكالها : " أنا آسف بس بجد حالتي عم تتدهور وحلمي عم بحسو بيختفي وبدي حد يساعدني أبلش بشي أكون قادر على أحتل موقع في هالدنيا ... " كمل حكي وهيه سرحانه بعالم تاني .
وعلى فكرة للمستقبل البعيد .. آه بتوافق على فكرته وبتوافق تنشئ معو حلمه مش لأنو بدها هيه كمان تستقل بحياتها ومن هالسواليف الطرمة .
لأنو يا حريكين الحرسه على راي أمل الدباس طلع أبوه (مدير الشركة) عارف من زميلها الفساد إنو أبنه بحوم حوالي البنت فا قرر في قرارة نفسة إنو جكراً في إبنه رح يخليها بالشركة ورح يرفعها ويرفعلها الراتب عشان ما تقبل تروح وتشتغل مع إبنه فا عشان هيك بعتلها الشكلاته والمفتاح عشان يفهمها إنو مبروك عليكي المنصب الجديد وهاد المفتاح يلي كل الموظفين يلي برتب عالية معهم نسخ منه ومن ضمنهم إنتي بس كان عم يستنى الوقت المناسب ليحرق راس إبنه .
نهاية بايخه ... بس تحشيش لأنو البنت أكلتها مقلب مرتب من ابن المدير لأنو بعد ما فتح مكتب وبعد أكم شهر من الفشل الذريع والشغل في كش الدبان ما جاب نتيجه وقرر الإبن الضال أن يعود إلى أحضان البذخ يلي كان عايش فيه ولما حاولت تتفاهم مع إبن المدير إنو يقنع أبوه يرجعها فهمها إنو هيه ما إلها مكان بشركة أبوه وهيه باعت العِشرة يلي قضتها بالشركة ونسيت أفضال أبوه عليها ولما ناقشته بإنو هيه تركت شركة أبوه عشانه حكالها : " ماحد ضربك على إيدك لتتركي منصب كبير وتلحقيني " .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
8 comment:
الصراحة ما حبيت اتوقّع اشي بلاش اوجّهك على نهاية معيّنة
:D
بس حتى لو قلت كل اللي عندي ما راح تطلع النهاية زي ما توقعت , مسكينة البنت , خسرت كل اشي تقريبا , ويمكن رجعت وجهها بوجه حبيبها الحفرتل - حسيته كونترول باص على فكرة
جد نهاية مش متوقعة , ولو انه الاحداث كانت توجهنا لخطبة وجيزة والخ الخ الخ
يسلمووووا
abu zaina
لووول تحشيش تاعت كنترول الباص
بس صراحة أنا ماكانت براسي النهاية وكانت أرتجالية لآخر حرف كتبتو فيها
ومش عارفه كيف طلع
thx for commenting :D
القصة في البداية مشوقة، لكن النهاية كثير مسلوقة، كان ممكن تكون أفضل، بشكل عام قصة جيدة و (بعيد عن الخاتمة) ممتعة، شكرا على إشراكنا بها
saleh
كتير مسلوقة؟؟
مهوه إنتو هيك مابتنبسطوا إلا لما يعيشوا بتبات ونبات
إعتبرها تغيير بلا القلي والشوي
مالو السلق .. أصلا صحي كتير
لوووووووووول على كومنتاتكم
فتحية: يعدمني اياكي::خليتيني اقرأ بسرعة لدرجة تشردقت وانا بفشق بين الاسطر لاوصل للنهاية
:woops:
انا حبيتها..مع انه حسيت مش كتير وصلتني الفكرة
طلع ابوه هو الي عامل كل هالعمايل
:؟؟؟:
سنحك فتلتي مخي
بس جميلة..والأحلى التشويق الي كان بين الاجزاء
::e:
تعيديهاش
:k:
Nmroodeh
Nmroodeh
يعدمني يهودكم وك ليه الكل بحكيلي هيك
وأكيد ما رح توصلك الفكرة
لأنو الفكر المنحرف شغال عند البشرية
وإمبلى رح أعيدها
يا شعب وعاشوا بتبات ونبات
والأمير تجوز الشحادة
الويل لكم
مممممممممممممممممممممم
إستني كمان شويه
مممممممممممممممممممممممممممم
من مرررررررره ما كان هاد اللي ف بالي
توقعت إنه شغل وماشغل
بس مش تطفيش وهيك
وبعدين,, ليش الروايه خلصتيها ف كم سطر ودحشتي الف حدث هيك
:sad:
حنننااااااااااااام عنيكييييييييييييي
:c2:
um omar
drama queen :7qd:
Post a Comment
:وكيل المكومنت قال