الخيل الأصيل .. .. الرجل
يلي بشوف هاي الصور وما بنزعج من أشياء فيها بكون كارثه من داخله
جد جد إزا ما تدايقت بتكون سادي بشكل مش طبيعي
بس
مش عن الخيل الموضوع يلي بدي أحكي عنه بالخصوص
بدي آخد جزئية وأحكي بتداخل معها في الصورة أعلاه
ورح أحكي عن الرجل .. كما هو واضح في العنوان
خليني أسلسل أفكاري
هداك اليوم كنت بحضر في برنامج عن رحاله بسافر على بلاد وبيختبر كل شي فيها
وبنفس الوقت يلي الكمرا بتكون وراه هوه بكون المعلق وبيشرح شو صار وكيف البلاد وحياة الناس فيها
بتعرفوهم البرامج الوثائقية .. وصار يحكي عن بلاد وبلاد زارها وشافها وعاش فيها
وفكرت
بني آدم زي هاد بمشاعره وبأحاسيسه
بسافر وبشوف وبتعايش
كل يوم شعور كل يوم شعب بشوفه وبحاول يتأقلم معه
بيضغط على طبيعته الأصلية لينسجم .. وبيعيش وبيختبر
بغض النظر عن مين هاد الشخص .. بس كرجل كيف ممكن تنمسك مشاعره
كيف ممكن برتبط نفسياً بوحده أو حتى عاطفياً
لو فرض هوه كان حبيبي .. وبطبيعة الأنثى بتحب تعرف عن رجلها أو حبيبها وتحس بوجوده وشو عملت ووين رحت
ولأ ماتعمل هيك ولا تعمل هيك "النظرية العامة لمحاولة المرأة إصلاح الرجل" ولأ هاد خطر ولأ هناك في كوارث وهاد صعب وهاد ما بعرف شو ومليون حجه وحجه مرات نابعة من غيرة وجنون زياده و مرات نابعة عن الحب يلي بخاف على هاد الحبيب
شخصية رجل زي هيك أكيد جذابة - بالنسبة إلي شخصياً - وشخصية منوعه ومتطوره وزيها شخصيات كتير بتختلف عن أي إنسان عادي بعمله وميوله وانتمائاته زي الأشخاص يلي بنشوفهم كل يوم
شخصيات مختلفه زي الشعراء الشغوفين بالشعر المش مبيوع
والفنان بعاطفة جامحه مش المصاريع
والمفكرين بأفكار متجددة ومبنية على أساسات مستقيمة
والقادة العظماء الشرفاء
والمتحررين والمستقلين
والكتاب والمؤلفين المتفردين بأفكارهم ونظرتهم للواقع وللأشياء بشكل عام
هدول الأشخاص يلي ذكرتهم بمختلف مجالاتهم من سياسة أو أدب أو إجتماع أو كافة
هدول الأشخاص يلي ذكرتهم بمختلف مجالاتهم من سياسة أو أدب أو إجتماع أو كافة
رجال زي هدول كيف ممكن للأنثى تعجب فيهم من جهة
وتحاول تحصرهم وتحد من تكوينهم الفكري الحر من جهة تانية
كونها بتتعامل معهم بطبيعتها الأنثوية يلي بتغار وبتخاف وبتحتوي مرات أكتر من اللازم
أنا كيف أعجبت بهاد الشخص لفكره أو شخصيته كونه مختلف وبعد فترة أطالبه يكون أو يتعامل معي كأي رجل آخر
أو أطالبه يكون شخص عادي ؟؟
ليه مش من البداية حبيت أو إرتبطت بشخص عادي؟
نفس موضوع إنك تربي خيل وتسميه خيل عربي أصيل حر وأنت بتعامله أسوأ من مساجين جوانتانامو شو الفرق بين التنين ؟؟
الخيل أو الإنسان الحر لو كان ذكر أو أنثى - سواء رجل أو إمرأة على رأي معمر الطاسة -
يسعى إلى الحرية حتى في عمله .. وناس كتير في شغلها بتنسى هدفها وهيه نفسها بتحصر حالها وناس كتير في علاقاتها وفي بيتها وفي تربية أبنائها وفي كل جوانب حياتها بتنسى إنو كل إنسان خلق حر .. حتى أولادكم كيف بتربوهم .. بتنسخوهم عن أنفسكم .. لا تعمل هيك لا تحكي هيك .. - من أنتم يا جرذان - والغريب إنو لما كنا مكانهم كنا نكره إنو نتعامل هيك
الرجل يلي بحكي عنه رجل مستقل متحضر ملتزم أخلاقياً ودينياً بيعرف الأصول
رجل حر .. أرتأى أن يعيش بعيداً عن طفيليات الحياة .. وأرتقى إلى بعد تفكيري آخر
عاش سنين من الحرية التي حارب وخسب معارك ليكسب الحرب بكاملها
بنى من نفسها صرحاً لمبادئه .. وعاش في مخاضات الإعتياد إلى أن تحرر منها
يلي بحكي عنه مش بالضروره يكون قائم مقام أو حاصل على جائزة نوبل أو حتى في موسوعة جينس مطوب اسمه
لأ ,, ممكن يكون أي شخص عاش وقرر إنو "لن أعيش في جلباب أبي" قرر ما يكون أمعه
وقرر يعيش أسلوبه يلي ميزه فيه ربنا عن غيره .. ويكون علامة فارقة بأي مجال بهالحياة
زي ما إنتي حبيتيه أو حتى أعجبتي في شخصيته أو حتى أخترتي تتبعية فكرياً
بدك تعرفي إنو مختلف عم أي حد .. وما ينطبق على غيره لا تطبقيه عليه
وزي ما حبيتي شخصيته .. لا تحاولي تغيريها ليكون زلمة بيت هوه وشوال البطاطا واحد
أو حبيب بتحصريه بقصص الحب المبتذله
"حبيبي حط اسمي على الفيس بوك وأيميلك وحط صوتي عالموبايل"
"ليه ما أشتريتلي دب أحمر زي بنت جيراننا" لول
أو حتى تعارضي فكر هاد الشخص .. بالعكس
أتقبليه وتحفظي على يلي ما بيتماشى وأصنعي فكر تاني إلك
وبالمقابل إنتي إخترتي هاد الطريق الصعب .. كون إنو مارح تلاقي الأجوبه في المعجم الشامل للرجل الكامل والغريب إنو الرجال بترد على النسوان .. يمكن إنطلاقاً من كون إنو هاي البنت حبتني على إختلافي أو مابعرف ..
زي قصة الرسول محمد عليه السلام من طيبة قلبه
في صحيح البخاري ومسلم وغيرهما واللفظ للأول بسنده عن أم المؤمنين عائشة انها قالت : ان النبي ( ص ) كان يمكث عند زينب ابنة جحش ويشرب عندها عسلا فتواصيت أنا وحفصة أن أيتنا دخل عليها النبي ( ص ) فلتقل : إني أجد منك ريح مغافير أكلت مغافير .
فدخل على احداهما فقالت له ذلك ، فقال : لا ، بل شربت عسلا عند زينب ابنة جحش ولن أعود له ، ( وقد حلفت لا تخبري بذلك أحدا ) فنزلت : ( يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ) إلى ( إِن تَتُوبَا إِلَى اللَّهِ ) عائشة وحفصة ( وَإِذْ أَسَرَّ النَّبِيُّ إِلَى بَعْضِ أَزْوَاجِهِ ) بقوله : بل شربت عسلا
المغافير واحدة : مغفور ، صمغ حلو كريه الرائحة
هاي القصة جد تحشيش وعظمت ربنا تجلت ونبهة الأنثى بشكل عام في هاي القصة لطريقة التعامل مع الذكر
فا كيف بدها تكون من السيدة عائشة والرسول
وأخيراً لا يكبروا الرجال راسهم هسا علينا
وكما كنتم وبقيتم .. سنكون لكم كما كنا وكيف سنكون
أفيدونا من منهل علومكم أفادكم الله
الفراغ بين كلمتي الخيل الأصيل والرجل .. مقصودة
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
10 comment:
If he's wiled you'll there's no point of trying to tame him,you just gotta love him
ma fhemt lesh el space
أنا كبرت راسي و إللي صار صار
;-)
بصراحة مش عارف شو بدي أعلق، بس الظاهر إنه في هيك أمور ممكن تختلف طريقة تعامل الرجل و المرأة معها
rain
no you will die trying
saleh
لا ما توقعت جوابك هيك
لاااااااااااااااا
وين تعليقاتك يلي بتفغش؟
:smile m3aseb:
شفتي نور هانم، لكل جواد أصيل كبوة
:-)
saleh
صراحة ,, أفحمتني
بس كل مهرة أصيله بدها جواب
;)-
أول شي يسلمو على البوست الطويل
:)
أنا بحب أقرأ الإدراجات الطويلة و بخاصة المفيدة :)
---
كبر راسنا طبعا ً و اللي صار ... كان
:]
بدي أقول كنت : إن كيدهنّ عظيم
بس بطلت
هيهيهيييييي
---
تقبل الآخر و حب هذا "التقبل" هو التحدي اللذيذ أصلا ً في أي علاقة
:)
haitham
عفكرة كنت خايفه من شغلة إنو ماحد رح يقرأ أو حتى يقرأ شي طويل بس إنت صدمتني
المهز
يعني بعد كل هالحكي بدي تحكي كيدهن عظيم
له له له
وبالنسبة للتقبل يلي بتحكي عني ضااااايع
حسب ما بشوف
* عني و اللا عنو!
:]
موضوعك فلسفي نوع ما والفكره جدليه وما أضن يكون متفق عليها وهذا لا يعني انه ما راح تكون مقنعه للبض وبجوز انا معها واعتبر الحريه سقفها السماء و هذه الفكره تصتدم بشكل مباشر مع غريزه التملك وبكل الأحوال كل ما تلاشت فكره التملك كل ما تحررت فكرتك أكثر
أمير
يا سيد أمير
الموضوع مش فلسفي بالوضع يلي إنتا بتحط الموضوع فيه وبتفصله عن واقع ببساطه ممكن نتواجد فيه ,, الأنثى يلي بحكي عنها ممكن تكون الأم أو الزوجة أو الحبيبة أو أي أنثى ممكن ترتبط بأي مستوى من العلاقات مع الرجل
وزي ما بحكي عن نوع منفرد من الرجال ,, كمان بعطي بالمقابل أفكار للإناث يلي ممكن تتواجد مع هدول الرجال
المنبع الأساسي للفكرة بيصطدم بالواقع أكيد
بس مش لكونها متعلقة بالحرية أو التملك
أبدا
المنبع في تقبل المختلف
يلي هيه بحاول أوجد فرق فيها من خلال كتاباتي في المدونه
كل يلي بيخطر ببالي صورة وحده بس
متزكره بالأغاني المصورة للإنتفاضة الفلسطينية بجيبو مقطع .. بالنسبه إلي صورة بتشيب
صورة حجة عم تنقل حجارة في سطل وبتحطهم قدام الشباب والولاد يلي براجموا في حجارة على اليهود
هاي الحجة ممكن تكون أم واحد منهم أو جدة أو خالة أو ايأ كان
بالأصل الأم تحمي ولادها وتمنعهم وتخبيهم
مابالك أعطتهم هيك حرية ولأ عم بتساعدهم فيها
وأكيد بتعرف من داخلها عن مدى أختلافهم عن يلي قبلوا يتخبوا في البيوت
بس برضوالتملك بضل حتى لو تحررت فكرتي كلياً لأنو مجموعة التراكمات بتصير سلوك روتيني بحد من تصرف الرجل .. هيك رأي بس ليه مابعرف
أعتقد طبيعة بشرية متعلقة بالنشأة
Post a Comment
:وكيل المكومنت قال