المستعربين .. والمستعريين
هاد يا ساده يا كرام والمطلع على الشأن الفلسطيني بعرف عن شي اسمو المستعربين بالعبري اسمهم (مسترافين) أو ياماس
وللمطلع لأول مرة بحكيلوا التعريف
أصل التسمية وطبيعة المهمة.. كنية أُعطيت لرجال عصابات صهاينة تخفوا بلباس عربي أو اتخذوا لهم أشكالاً شبيهة بالعرب الفلسطينيين. وبدأت هذه الفكرة في سنوات الثلاثينيات عندما قامت عصابة (الهاغاناه) بتشكيل فريق من أعضائها للقيام بمهام استخبارية وتنفيذ عمليات قتل وتصفية ضد الفلسطينيين داخل مدنهم وقراهم.
 |
| يلي مأشر عليهم بالأحمر هم المستعربين ولو تنتبهوا على لبسهم ووجوههم .. بتفكروهم جد عرب |
لأ همه مش عملاء عرب ..القصة وما فيها إنهم مجموعة من الجيش الأسرائيلي بلباس مدني بيختلطوا بين الشباب ,, أشكالهم قريبة من العرب .. وزي ما فهمتوا وشفتوا فجأة هب بتلاقيهم بلشوا يهجموا على الشباب الفلسطينين وبلشوا يعتقلوا فيهم واحد ورا التاني .. والموقف غريب وبصير على حين غفلة ,, بتلاقيهم طالوا طواقيهم العسكرية أو الأمنية الاسرائيلية وطلعوا اسلحتهم وبلشوا يسحبوهم على سيارات الجيش المحاصره.
وفي فئة جديدو إقتبست منهم هاي الفكرة ,, فئة من نفس البلد وتحمل نفس الجنسية ومولودة على نفس تراب البلد وولدت من نفس الدم والعرق ,, وتحمل نفس ملامح الوجه .. ونفس الشي تندس بين المتظاهرين السلميين وتعوث فيهم التنكيل والضرب بكافة أنواعه ,, وتقودهم إلى جهات غير معلومة وإلى مصير غير مجهول .
الفرق إنو الأول يتبع سياسة لحماية كيان كامل ويؤدي خدمة لبلده ولشعبه ولسلامة واستمرار هذا الكيان - على فرض الصحة مع عدم تسليمي المطلق بما تم ذكره - ومابخون بلده مابخون شعبه ومابسيء لأي شي وبالعكس هوه يتبع مبدأه ويحميه .
والثاني .. مش عارفه شو أحكي لأنو حكيهم كتير وصورهم وأفكارهم كتير ,, غوغائية وشعثاء وأمّعيه إذا بقدر أقتبس هاي الكلمة من كلمة أمعه .. غريب كيف تضرب إبن بلدك لأنو بفكر بطريقة مختلفه .. غريب كيف توافق وتوقف بوجه إبن بلدك يلي خايف على ولادك إنت من الذل والهوان يلي بعيشوه ورح يعيشوه .. ومابخص بالذكر القوات الأمنية يلي بتنزل وهيه لابسه مدني .. همه صورة واحده .. بس كمان بيشملهم الصور الباقية سواء في الخفاء أو بجحودهم وعنجهيتهم في ضوء النهار ,, كيف قادر يوصفوا حالهم بأنهم لسا ولاد البلد وإنهم لسا عرب ولسا بدافعوا عن شرف الأمة؟؟
بدي أرد عليهم سؤال القذافي وأحكيلهم : من أنتم؟؟ من أنتم؟؟
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
من قسم الوطن لبلطجيه وجرذان؟ ومن اعطى الحق لثله تكفيريه حمل السيوف والخناجر ؟ ومن ؟ ومن؟اسئله برسم الأجابه وتحتاج منا وقفه شجاعه للاجابه عليهابتجرد وموضوعيه: 24 أذار تعتصم 15 نيسان تتظاهر الاخوان المسسلمون ينطلقون بمسيره السلفيه الجهاديه تمارس طقوس غزوة بدر التحررين بهرجان خطابي وجماعه البورصه بدهم فلوسهم والأطباء بدهم زيادة رواتب وجماعة برشلونه زعلانين من مسي وجماعة ريال مدريد بدهم الدوري وجماعه جايين بهم يغيرو الدستور ومهربي الدخان بدهمش غرامات انها بالفعل زحمه مصيرها الفوضى ومن منا يستطيع ان يعيش الفوضى ؟ با ساده يا كرام اين نحن الأن من مطابنا؟ بصراحه لقد توهنا وضلينا الطريق
أمير
وشو المشكلة نكون بآراء وأفكار مختلفة؟
لما ربنا قال وأمرهم شورى بينهم أكيد كان في تصور أختلاف وتباين الأفكار فيما بين الأمه الواحدة والأسرة الواحدة ,,
شو المشكلة إنو نكون نسيج واحد بس بألوان مختلفة؟
شو المشكلة تكون مطالبنا مختلفة؟
ضروري نكون صف واحد لون واحد فكر واحد شو ماكان الفكر والمذهب يلي هالصف الواحد يتبعه؟
ربنا زي ما خلق الإختلاف ماحرمه بين الناس ,, لا بفكر ولا بمذهب بس الأساس يلي الكل يشترك فيه هوه الأصلاح والإعمار في الأرض وهاي هيه الغاية من وجودنا في الأرض
صار في بلبلة وخوف وقلق وما أسترجى الكل يشارك صح
بس برضو برجع بحكي الناس بلشت تتحرك هاد شي إيجابي حتى لو صار قطع فكري وزمني
لما تتعلم شي جديد أول تجاربك وتعاملاتك رح تكون صعبة وفيها غلط
بس تجرب هسا أحسن ما تضل ساكت طول عمرك
من هم؟!!! ...مستشرين....الله يسترنا من هالخرابيط....الواحد بطل يعرف وبطل يفهم شو اللي عم بيصير
شو يعني بلطجي ؟ فهمونا مشان الله اذا ما كنا مع الجرذان بنصير بلطجيه ؟
nysan
يا خبر اليوم بفلوس بوكرا بتلاقيه على ويكيلاكس
لوول
بلطجي
مسمي حالك بلطجي وبتسأل شو يعني بلطجي؟
ياسيدي برجع بحكي ,, أنا ماعندي إعتراض نص الشعب بلطجي ونص الشعب جرذان ونص بلجيكيه ونص أفغان ونص برشلونيه ونصهم أحجب الثقة وإلخ إلخ
بس لا حد يخرب على التاني ويتهم التاني بالعوث فساداً وإيديه ملطخه بالدم
Post a Comment
:وكيل المكومنت قال