why i can't be more simple ??
هداك اليوم كنت قاعده في شارع الوكالات ,, عم بدرس مش عارفه ليه بس الجو يومها كان كتير حلو والمزاج كان رايق بعد مشوار زغير وقعده مريحه فارتأينت أنا نورو الأول إنو ننزل نتثقف شوية وصدفت إنو مجموعة شباب كانوا مشغلين أغاني كالعادة بس يلي مش بالعادة كانت أغنية حزينة شوي هدانياها "الحب" لمغني خليجي - قد ما فيها وجع قد ما فيها حب (إذا نا... ) وجد عزيزة عليي كتير ..
صفنت فيهم إنو جد شكلهم فيهم مزاج عالي ليسمعوا هاي الأغاني الرايقه .. بس صوتهم بلعلع وأحاديثهم مسموعة ,, استغربت قديه طلعوا بسيطين وبلا طعم بعد ما قعدت بنت وبلشوا يستعرضوا بقواهم ومواهبهم ,, بتعرفوا هدول الجماعة البايخين ..
قعدوا وراي بنات وصاروا يحكوا حوالي الساعة بينخروا في راسي بقصص طرمه هبله بلا طعم مبالغ بحجمها سطحية قصص نسوان سواليف حصيد .. بلا بلا بلا
اليوم شفت بالباص بنت كتييييييييييير مشتغله على حالها لتبين إنها أنيقه ومرتبه بس من كتر ما هيه مرتبه بينة معجوقة ولابسه كل يلي على الحبل ومامخليه وما مبقيه ..
ورجعت فكرت .. الغلط منهم همه يلي بسيطين زيادة ومفرداتهم زيادة؟
ولا أنا معقدة ومشلبكه كل حياتي؟
يعني لما توصل فيك المرحلة إنك مش قادر تحصر تفاصيل حياتك .. أو حتى تفاصيل حياتك فيها جزئيات كتيره ,, شو بتقدر توصف حالك .. مابتقدر تنشغل بشغله وحده .. ما بتقدر تحب شغله وحده .. تهتم بشغله وحده .. تركز بشغله وحده .
مين أحسن يكونلك وجود في كل شي ولا تتركز وتتمحور في أشياء محصورة ؟؟
تتمسك بصورة معينة أو تكون مرن ليكون وجودك في مليون صورة وصورة ؟؟
ولو كنت الحالة التانية بتكون مشتت؟؟ بتكون مسيطر؟؟ بتكون شو؟
مين أحسن الشخص ال متنوع
أو شخص ملتزم بأمور معينه خاصه محددة؟
طلعت براسي فكرة .. أوك أنا مابركز على اللبس والمكياج --> بس عندي بساطه فيها
أوك أنا مابركز على الطلعات والمظاهر --> بس بتبعها ببساطه
أوك أنا مش ومش ومش ----> بس بتبع البساطه فيها
يعني 2 في واحد؟
حياتي أبسط من البساطه .. وأبسط من الناس يلي بتصحى تفكر بشي واحد
جوات راسي مليون قصة .. بس بالواقع كل شي خفيف وبسيط
ليه دماغي مش عم يرتبط بواقعي؟
ليه ما عم بقدر أتقبل يلي قدامي وأسكت الدوامات يلي براسي؟
بعرف ما حد بهمه
حبيت أشعبر في مساحتي الحره
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
الناس مختلفين بكل شيء، المهم عندك ممكن ما يكون إله أهمية عندي، و العكس صحيح، إنتي بتحبي نوع من البساطة غيرك ممكن ما يشوفها مناسبة، و القصص إللى إنتي بتشوفيها سطحية ممكن تكون عند غيرك هي محور حياته، و هكذا (و رزق الهبل ع المجانين).
هي مساحتك الخاصة، آه... لكن أنا من المتطفلين شبه الدائمين
و أنا رأيي من رأي صالح،الاهتمامات بتختلف و درجة البساطة بتختلف فما تدققي عحدا ولا عمرك ما بتخلصي
rain & saleh
عن شو بتحكو إنتو؟
:mal5oom:
بنحكي عن بنت الجيران، إنتي ما إلك دعوة في الموضوع، بس إجت وقفتنا ع باب دكانتك
Post a Comment
:وكيل المكومنت قال