كيف بفكروا؟؟؟
قسماً بالله بتيجي عليي لحظات بصفن إنو جد جد جد هدول يلي بيقتولوا حالهم تحت رجلين من يدعون القيادة والرئاسه وشبعوا شعوبهم وهم وأمن مسموم و غيره وغيراته ,, ومع هيك لسا بتحسهم بيعبدوهم عباده ,, يعني مثلاً هاي الصورة مكتوب فيها سوريا الله حاميها ماشي كلام سليم وجميل بس ليش داحشين صورته بالموضوع؟ .. وأنا متأكده إنو الحماية الإلهية المتمثلة بعبارة "الله حاميها" حطوها زيادة ليضفوا القوة والبعد الديني (نفس فكرة الطالب يلي بيتزكر يصلي يوم الإمتحان وبيكتب بسم الله أول الصفحة)
الأمر مش بس واقف على هاي الصورة بل غيرها وغيراتها ودول ودويلات وشعوب وفئات وجهل للعظم متفشي بشكل عميق تزكرت عم بسمع بالراديو في برنامج وإتصلت وحده هبله بتقول "رجعولنا قانون الطوارئ" يعني بالله عليكم وحده ثقافتها بهاي المستوى كيف ممكن ينحسبلها صوت بإنتخابات أو تعديل دستوري مثلاً - لا قدر الله إذا صار - أو حتى تعديل رئاسي - فال الله ولا فالي - وغيرها وغيراتها وكمان وكمان .
وزي ماشفتوا برجع وبنضم لأفكار الثورة مع إني في هاد البوست بحاول أفهم همه كيف بفكروا ,, بدي أوصل لمنبع أفكارهم إنو هل إنو مافي حد غيره أو خوف من التغيير أو حاسه بعقدة الإضطهاد أو مثلاً بحب شكله أو هوه واسطتي وخايفه يروح أو شو مش فااااااااااااااااااااااااااهمه حد يفهمني .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
بشكل عام, معظم كبار السن ما بدهم تغيير لسبب واحد و هو شافو ويلات المشاكل الداخلية \ الحروب وعدم وجود الامان.
هدول الناس الي بتحكي عنهم اول ما يسقط النظام\ الحاكم رح يكونو اول ناس بسبو عليه و يصيرو مع التغيير
و للعلم معظم دمشق عايشه مثل هيك و الحياة طبيعية و مو حاسين بالمشاكل والمعاناة في المدن الثانية
هو خوف و جبن مش اكثر
وهو السبب اللي كان مخلّي كل هالشعوب ساكته و راضيه بالعيشة بين الرجلين
زي تبعون مصر....كل اللي كانو ينادو ويبكو عاللي بصير "بابوهم" حسني على رأيهم هلأ بغنو للثورة و الثوار و النصر
الخوف قتل العالم و لسا في ناس راضيه تضلها خايفه
طبعا غير اللي ما الهم دور اساسا بس عليهم عليهم معاهم معاهم
اللي بتحكي رجعو نظام الطوارئ ذكرتني باللي كانت بمجلس الشعب و بشار بخطب و حكتله "اهالي الشهداء معك"
انو شو رايك تقعدي و تضلك تزقفي وانتي ساكته
ربنا يخلصا من هالاشكال
انا بستغرب برضو من هدول الاشخاص ....بس ما بلاقي الا مثل واحد بينطبق عليهم:(الجاهل عدو نفسه)ء
اللي بيصير ضد الفهم و المنطق و كل شي صح!
doomish
طب كبار السن وفهمناها
طب والشباب والولاد الزغار يلي وعيوا على الدنيا وساروا على ماساروا عليه أهلهم بالكذب والنفاق؟؟
وسبر
بتعرفي شو المشكله
إنو لما الواحد يصيرله فرصه لااااازم يغتنمها
عارفه إنو القذافي الهمج يلي محتمي فيهم بيوم رح يبيعوه وهاد يلي بيقهر إنو همه الحلقة الأضعف والأخيره يلي بتخلي جبابره زي هدول يخلوا الثوره والثوار زي العين المقلوعه
ويلي حكيتي عنها زكرتني بمسرحية العيال كبرت لما حكى سعيد صالح إننني أعترض ,, آه على شان مايقلوش عني حمار
naysan
والله مش بس عدو نفسه
صار عدو الجميع بقرفه وتخلفه لدرجة النبذ
هيثم
يعني معقول عايشين في اللاوعي
عايشين بلا تفكير بلا ضمير
مش فاااااهمه
Post a Comment
:وكيل المكومنت قال