أكتشفت
 |
| جد الصورة معبرة لفكرة توجيه أصبع اللوم في إكتشافي |
يعني جد من خلال دراسة حثيثه تأكد لي إنو الشخص يلي بمسكك وبضل يعلق ويلوم فيك ويبهدل فيك أو مش عاجبه شي من حالك بكون هوه المشكله مش إنت .
يعني بالله عليك بتلبس مابعجبه بتحكي مابعجبه بتحكي مابعجبه بتتحرك مابعجبه وشو ماتعمل بتلاقيله تعليق ولوم وبهدله ورمي حكي بما معناه .. والمشكله مش بس لوم عادي أو كلام ونقد بأسلوب منيح .. لاااااااااااااااااااااء إلا زي الرصاص المنهمر كأن الدنيا بتمطر غضب بكلامه ولومه وقرفه وجد بحس بالذنب الشديد وبحاسب نفسي وبلومها بشكل أشد من الشكل يلي لاموني فيه خصوصاً لما أشوف شغله بين الصح والغلط وأعملها أو حتى صح وأعملها وأتحاسب .
بس تعالي جاي شخص زي هيك نازل سفق خبط ولوم وبهدله وقلة قيمة وطاخ وطيخ عالفاضي والمليان بخليك تفكر في لومه إنو ما زودها مثلاً؟؟ مش حاسس حالك كترت عليي مثلاً؟؟ ومن هون بنتقل للسؤال التاني إنو ليه مافي شي بعمله بعجبك؟؟ مع إنو أنا بحسه صح أو بحسه مش هالموضوع الكبير أو يلي بزياده ,, وهون بوصل لمرحلة تفكير في الشخص وذاته كشخص مش إنو مابعجبه العجب أو إنو ذوقه معقد .. لأ أبداً .. هاد الشخص فيه مشكله .
الناس يلي مثلاً بتفهم بالإتيكيت أكيد مابتتصرف وبتبهدل كل دقيقه وثانيه .. بمعنى إنو أصول الإتيكيت فيها قواعد لتحكي مع الناس بأدب وبكل سياسه أما تحكيلي واحد بلاطش وهمجي ويحكيلي كيف أتصرف ,, وعلى ذلك قس .
الإنسان قبل ما تاخد بكلامه شوف هوه مين وشخصيته مين خد برزانته في الحديث ونقاشاته السليمه وتعلم واستفيد من أخطاءك يلي بيكشفلكياها باسلوبه المحترم والذي يجب أن يكون , مش شخص هوه نفسه مش عارفها وعنده مشاكل في الفهم والحكي .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
بالله عليك بتلبس مابعجبه بتحكي مابعجبه بتحكي مابعجبه بتتحرك مابعجبه وشو ماتعمل بتلاقيله تعليق ولوم وبهدله ورمي حكي بما معناه
هلأ دوري اشتغل فيكِ
كتبت بتحكي ما بعجبه مرتين ورا بعض
ما بيصير هذا عدم تركيز و....و...و....
ههههههههههههه
بمزح
شابفة حبيت اقلك انه في ناس ربنا خالقها للساقطة واللاقطة.....بدلا ما يقرأ الموضوع ويحاول يفهمه بمسك اول هايفة بلاقيها بطريقه وبعمل منها قصة الها اول وما الها اخر
بس برضو لازم نتعود نسمعلهم ونطنش اذا لا بد من سماعهم او نطنشهم نهائي اذا في مجال
دمتِ بخيّر
yosef
مهو من كتير ما أنا مندمجه في الموضوع
وبتعرف إنتا على المدونات ترى إزا برجع بقرأ شو كتبت بشطب كل شي
المشكله شغلة نسمع ونطنش هيه يلي مش عارفه أعملها ويلي بنتقدني بتأثر وبفكر كتير في كلامه
السلام عليكم
هذا الشخص بكل بساطة اعمليله
ctrl + w
من حياتك ،
قبل فترة كان عندي شباب نفس الشي بحطوا واحد ببالهم و بنزلوا فيه على الطالعة و النازلة
فلا بد من إلغاء هيك أشكال من حياتك لتصفوا لكِ كما تحبين
ارضاء الناس غاية لا تدرك.....و طبيعي الانسان اللي فيه اخطاء كتيره و بحس بنقص انّه يبلّش بالعالم و خصوصا اللي بحسها افضل منه لحتى يحبطهم و يقعدهم جنبة بالصفوف الورا
لو كل شخص التهى بنفسه و قوّم نفسه كان الدنيا و العالم كلها عايشة بالف خير
انتي جبتي الفايده باخر فقره....طنشي العالم كلها و بس اللي متأكده انهم بتهمهم مصلحتك و اللي جد خرج يقدمو نصائح همه اللي لازم تنتبهي لكلامهم لان منبعها محبة خالصه بتكون و انهم بحبو يشوفوكو الافضل
alirbidi
بتعرف شو المشكلة
أهلي بيحكولي كلي على ذوقك وألبسي على ذوق الناس
مع إني بكره هاد المثل بس مش طبيعي شو في نق من العالم على صحة هاد المثل وبأن الكل لازم يرد على العالن بتصرفاتهم وشكلهم الخارجي وإلخ إلخ
وبيتبع هالحكي إنك ترد عليهم حال إنتقدوك
والمشكلة إنو لما تلغي واحد بطلع واحد تاني
مأساه صح؟
whisper
طب ويلي بذيل الإنتقاد وبحكيلك
هاد لمصلحتك؟
إنو لا تقلقي كتير بالشغل بلا ما تتعبي وتضغطي على صحتك وترى كل هاد لمصلحتك ,, أو مثلاً زي مواضيع لحقي حالك العمر بمر ترى كلامنا لمصلحتك ومن هالحكي يلي بلا طعم ولا رائحة ولا لون
والأبشع لما يجيبولك حد من العالم الخارجي قال على أساس يقنعك ويلومك عشان تستحي وتردي عليهم
جد إشي بيصرع
Post a Comment
:وكيل المكومنت قال