حالة رفش في البطن
رفشة البطن يلي بحكي عنها مش مخوزقه زي مافي ناس بتحكي .
أو صد أو أسفين أو ضربه في الصميم .
لأ بالعكس ,,
حالة رفش البطن هي الملل والروتين والخذلان يلي بتتوقع الناس يعملوها وبتلاقيهم بشكل بلا طعم عم يتصرفوا
بحسهم ترفشوا ببطن شعوري ..
حرام أنا بحزن ,, حتى مشاعري يتنعكس جسدياً عليي .
يالهويز ..
عن مازا أتكلم .
عن نتيجتي لما طلعت وكنت مبسوطه وكيف الكل ترفش ببطني ,, بسأل إمي "ماما لو رسبت في الإمتحان شو كنتو ماعملتوا عن هسا؟؟"
صراحة مافرق معي هالشغله ,, كان حتى يمر الأمتحان ونتيجته وما أخبر حد عنه أو عن نتيجتي لسبب وحيد يتيم ,, إني في أكتر من مره كنت أنجح والحمد لله وأكون ضامره في حالة فرحة عائلية أو إجتماعية ومشاركتي فيها وفي النهاية كانت تصفي إنو آه يلا مبروك مبروك ..
إنو أنا لااااااااااااااااااااااا ,, متزكره مره بالتامن كنت كتييييييييير مبسوطه وما مصدقه وتخلص المدرسة رحت حوشت وأشتريت أشياء زاكية وبجد سكرت على حالي الغرفة وطبلت وغنيت وأكلت كل الأشياء الزاكية وبعد النص الساعة الأولى حسيت بملل وبأنو أوك خلصتي مدرسه ,, طب وبعدين؟؟
نفس الشي نتيجتي ,, بعد ماعرفتها وإنبسطت وباركولي "كل العالم بلحظتها" سكتت وحكيتلهم ,, مش حاسه شي .
الجواب على تفسير الحالة إما لأني بلحظتها كنت مبسوطه على شي تاني ,, جد كان منعشلي روحي بهديك اللحظة وغطى على فرحتي بنتيجتي أو أنو بجد الأشياء بجوهرها تافه ..
لحظة القمة في هداك اليوم كانت عدة ثواني يلي عرفت فيها نتيجتي وكنت على الدوار التامن . بس .
مش عارفه ليه كتبت هاد الموضوع ,, ماكان قصدي نتيجة الإمتحان بحد ذاته ,, كان قصدي شعور ترفيشة البطن .. بس بالنسبة يلي بفكر بيوم إنو آه والله بعملتو هاي فيي إنو جد ترفش ببطني وآذاني بحكيلو لأ ,, عيد حساباتك ,, إنت يمكن ترفشت ببطني آه ,, آذيتني يمكن ,, بس إنك نلت مبتغاك ووصلت لشي يأثر عليي فا بحب أحكيلوا عشم إبليس في ريحة الجنة ,, وإزا إنت آذيت وتأثر من أذاك ناس كتير وأعتبرتهم القاعدة ,, فإعتبرني أنا يلي كسرت القاعدة ,, وأنا يلي مش معطيتك حجم أو أهميه ,, وشكراً إنك كنت "الإشي" يلي أأكد فيه لنفسي إني أقوى من تجاهلك أو جهلك أو حتى ضعفك يلي ساتره بقوى همجية وعشوائية .
وكما قالوها ,, نوريا زمان .. على الأصل دوّر ... لووووووول .
وعلى ساعة هالمسا يحكيلك مساء الخييييييييييييير لووول .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
3 comment:
هو تقريبا ما فهمت شي :$
اللي فهمته وحاسسته غلط وما اله دخل بترفش البطن انه الفرحه بالشي بتروح بسرعه .... يمكن بس نكبر و تزيد همومنا و الاشياء اللي شاغلتنا بتصير هالحاله
فهمت غلط؟؟؟
بعرف :)
تصنيف الرفش عم يزيد قسوة و اتساع شايفلك بدنيتنا!
ما عليك من نانا ويسبر صحيح، نسيت تاخذ الدوا .. قصدي الأدوية
whisper
من حقك تفهميني غلط
لأني طحشت المواضيع في بعض
بس حتى شغلة الفرحة
لو ما حد شاركك فيها أو بتكوني مبسوطه وبتخبري في حد بفرحتك وتلاقيه ما أعطاكي أهميه ساعيتها جد بتحسيه رفش ببطنك
haitham
أدويه مره وحده؟؟
وااااااااااااااااااااااااااااااال
إنكسرت وزارة الصحة
Post a Comment
:وكيل المكومنت قال