يييي .. والله أنا
مابحكي عن حد بحكي عن إنجازاته (وأما بنعمة ربك فحدث) .
بحكي عن يلي بحكو عن حالهم بطريقة مستفزة وكأني أنا لما فتحت الموضوع كنت بسأل فيهم عن حالهم ..
الموقف ..
بتكون مصدوم في حالك إنك عملت شغله ,, أو صار معك موقف .. أو إنو بتشرح موقف تعبت فيه وتكلل بالنجاح وعادي يعني بتكون فاتح موضوع ,, وبتناقش فيه الصعوبات او حتى التساهيل الربانية أو أي موضوع عادي ومتوقع منه وأنت تحكي يكون عم يسمعك ,, وبطبيعة الحال يناقشك ,, كيف ليش وشو صار .. كطبيعة حديث عادية
وإزززز ..
والله أنا لما عملت الشغلة الفلانية بعملها وعيوني مغمضة ,, أصلا أنا لما أروح على مكان بصير هيك ولما أشوف فلان برد عليي وبعملي ألف حساب ,, والله أنا حكيت ,, والله أنا سويت ..
وبالآخر .
بصفي بنحكي عن هاد الشخص وإنجازاته الفاشلة .. وكل الطرم يلي في حياته ,, يصور بأحسن الصور وبأحسن الكلمات والطرق .. والمشكلة لما يكون بحكي عن شغلة أو إنجاز سخيف أو بلا طعم ,, أو حتى بجد إنجاز عظيم وتلاقية ضخمة وأعطاه تزيين عطل الصورة الطبيعية لهاد الإنجاز من كتر ما حكى ولت وعجن .
أنا ..
- أولها بكون وأنا أحكي عن الموقف يلي صار معي بكون مستمتعه وبدي أدخله في الحوار يلي عم بحكي فيه إنو جد تعبت شوف كيف مصعبينها عليي .
- بعد ما يحكي عن حالة بدخل في حالة صراع مع حالي وبحس بفراغ ذهني .. إنو مثلاً أنا يلي عم بشكيلك عن حالي ,, ليه عم تكابر وتفاخر بحالك؟؟ شو أعملك يعني؟؟ أقوم أطبلك وأزمرلك؟؟
- لما يبلش يدخل في موضوع مع مواضيع أخرى تافهه زي وجه هالشخص مين ما كان .. بحس بخمول جسدي وذهني وعاطفي ومعوي ويلي بدكمياه ,, وبحاول إنو أبدي نظرات الدهشة إنو جد إنت كتييييييير وااااااااااااااااااااو ..
- وبالنهاية بحاول أتملص من الحوار وجد بتهون عليي مصيبتي لأنو بعرف وقتها إنو ربنا خلق ناس مصايبهم منهم وفيهم قد ما شايفيين حالهم ومش قادرين يشوفوا أبعد من أنفهم .. مش طبيعي شو بحبوا يدجوا الحكي ويتفشخروا على الفاضي .
ممكن حد يشوفها إنو إنت عم تحكي ليه هوه مايحكي؟؟ أو ليه بدك بس إنتي يلي تحكي مش حد غيرك؟
بحكيلهم لأنو عم بحكي عن مواقف بكون فيها مثلاً فرحانه على إنجاز أو موقف جديد (زغير بطبيعة الحال) فجأة حد زي الطيارات الخارقة للصوت ينسف موضوعي ويحكيلي يعني شو يلي بتحكي عنه والله أنا هالشغلة بعرفها زي كرج المي .
أو بكون عم بشتكي من وجع وفجأة بكل قرف إنتي ليه هيك بتفكري مابصير هيك ,, أنا صار معي أصعب ومافتحت تمي إنتي ليه ضعيفه إنتي ليه بتتعاملي مع المواضيع بحساسية ,, والله أنا مره كنت رح أموت وماهزتلي رمشة عين .
يا عمو على عيني وراسي لشو تقرفني بحالك وأنا عم بحكي مجرد حكي او عم بفضفض؟
بحسوا زي في برامج التلفزيون أو الراديو لما يكونوا بعملوا لقاء وإتصال هاتفي .. ويكون المذيع بحكي أو بسأل فيه ويلي على الخط عم يحكي ومش راضي يسمعله أو حتى راضي يسكت والتنين بكونوا بحكوا في نفس الوقت ,, والمتصل مش راضي يفهم على المذيع .
لخبطيطا العادة ..
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
8 comment:
ما تنسي انه انتي كمان بتكوني مبسوطة على شغلة شفتيها او عملتيها , وبيجي ابو العرّيف بنطلك بخرّب عليكي سولافتك
وسبحاااااااان الله , دايما بكون هو عمل نفس الشغلة اللي انتي عملتيها , بس هو بطريقة احسن بشلن , عشان يكون سيّد الحديث
:*oh:
حوار طرشان! و الكل بيفهم بكل شي و هيييييييصة!
:(
---
على الهامش:
البسة شو شاربة بالضبط
لوول
نوم العوافي
lunar
أييييييييييوا هاد الموضوع بالزبط يلي بحكي عنو
إنو جد يكسر بخاطره على هيك موقف عملو فيي
haitham
مش المل بفهم بكل شي
لا ومبدع في يلي فاهمه
وبقهرك لما يكون بني آدم مابيسوى
والبسه شاربة شاي بالنعنع
ومتمدده بهالبرادات
شاي بنعنع اللي بالي بالك؟ ;)
لووول
معلش يا نورا
انتِ قلتيها:
ربنا خلق ناس مصايبهم منهم وفيهم...هدول النوعيه اللي دايما هم الافهم وهم الاشطر وهم اللي ما بيصعب عليهم شيو هم اللي بيدور حولهم الكون كله....وهم من الآخر,,,ولا شي
هيثم
يلي بالي وببالك وببال كل الناس
البسس ما إلها على هالشغلات
naysan
مش كلهم ولا شي
في منهم بكون جد فهيم وعندو قدرات
وحتى بعرف كيف يتواصل بشكل إجتماعي
بس بتحسيه حالف يمين يقرف كل الناس منو
اه بعرفهم...و كتييييييييييييير بكرهم هالعالم
اللي بتكوني مبسوطه عحالك و بقومو يفقسوكي و يتفهو اللي عملته او الحدث الاهم اللي حاليا مبسوطه عليه
و في منهم لازم يحكولك ان طريقتك غلط ولو عملتي كزا كان صار كزا و لو انتي حكيتي كزا كان افضل.... وشو دخلكم بطريقتي لحل الموضوع و مين حكالك ان انا انت لاتصرف بطريقه تفكيرك ...و بعدين بخلوكي تندمي عاليوم اللي فتحتي فيها هالسيره
whisper
أييييوا زي ما حكيتيها
فقسه والأبشع لما ينظر عليكي
يا لهويييييي
Post a Comment
:وكيل المكومنت قال