لشو الشغلات يلي بلا طعم؟
ببساطه الحل للي بدي أحكيه إنو لا تنام بين القبور ولا تشوف منامات وحشه .
جد في شغلات في حياتنا بننكشها وجد جاجه حفرة على راسها عفرت ,, جد ليه مرات بنجيب الهم لحالنا مع إننا قادرين نعيش الشغلة ببساطه وبكل مرونه بدون التفكير بأي شي تاني (الموضوع المزعج) .
خليني أسمي هاي الشغلة "عش دبابير" وبجد بنلاقي حالنا عم نروحلها برجلينا ,, ببساطه خلص بنلاقي حالنا عم نفتح على حالنا النكد ,, زي مثلاً بنكون مبسوطين وبأمان الله وفجأة بنفجر عش الدبابير .. وببلش التفكير وبهوج وبموج وأنا عمري مابنسالك هالعملة وديل الكلب بتضلها عوجه ,, أو مثلا مصيبة صارت بالزمانات واليوم صار مشكلة ,, بنبلش نلطم إنو أنا عمرو ما زبط معي شي ,, أنا بالزمنات واليوم وإلخ إلخ وبزيد الوجع ,, وبحس الواحد راسو قد البلد من كتر ما "وقف وبكى على الأطلال" والمشكلة بتصير قد البلد والنفسية بتصير زفت ,, وكل مره بصير شي بتلاقي إثارة تلقائية لعش الدبابير .
يا حالي إفهمي الحياة ماشية لو صارت هاي المشكلة أو ما صارت ,, ولو إنوجدت هاي العقدة أو ما إنوجدت ,, أنا شو هاممني ما دام قادرة أتعامل وأغض النظر عن الموضوع وتمر الحياة بكل سلاسة (بس برضو لا ضرر ولا ضرار) يعني مثلاً زي الزوجة يلي بتعرف إنو جوزها عينه زايغة وكلللللل مرة لازم ترجع تردحله ويتقاتلو على موضوع مافي إلو علاج والمشكلة ردحها بزيد المشكلة وممكن تزوغ عينه أكتر .. ليه ما تنسى هالموضوع شوي وتحاول ترجع تعيش صفاااائها الذهني لتعرف تفكر منيح كيف تعيش زي البشر وزي ما كانت وتريح راسها وراس جوزها (نفس فكرة يلي بتجوز عليها ,, مابتزعل عليه فا بتكبر بعينو وبصير بدو يرجعلها) .
وكتير مواقف متل هيك بشخص زاعجني أو شغلة كل ما أفكر فيها بتدايقني ,, ببساطه أبطل أفكر فيها لأوصل مرحلة مش عم تزعجني ووقتها أقدر أعالجها بشكل صحيح ,, لأنو مرات هاي الشغلات يا بتنتهي مع الوقت ,, يا إنو التفكير فيها بلا طعم وأهمالها هو الخيار الأفضل .
وهالشي صار معي من فترة ,, ببساطه التفكير بهالشغلة كانت تجنني وتسحب كل الطاقة مني والأسخم ما كان بإيدي جد أعمل شي خصوصي في الوضع الإنكاري يلي يحيط بالموضوع من كل ناحية ومع عدم فائدة النتيجة يلي ممكن كنت أوصلها ,,, فا حكيت لحالي أجرب أبعد عن هاد الموضوع والتفكير فيه ,, والنتيجة طلعت كتير منيحة مابنكر إنو الموضوع هداك لا زال يؤرق مضجعي بس عم بقنع حالي انو النتيجة بجد أحسن بدون التفكير بهداك الموضوع وتبعاته .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
3 comment:
بالأغلب إحنا منعرفش نقعد هادين وبلا مشاكل وشغل وجع قلب
بننكش أي جرح مسكر ت نعرف ننتحب مزبوط
كأني كل مرة بتفاجأ بكتاباتك صاير انا؟؟؟؟
من الآخر انتي والله
الحمد لله صارلي فترة لا بأس فيها رامي كل اشي مضايقني ورا ظهري ومش جاي بتفكيري اصلا مع انه مرات الناس بتقعد تدوّرلك على اييييييي اشي بضايقك وبحرق دمك وبساووه , بس الحمد لله بطلت اهتم
الحياة فيها شغلات كثييييييييييييير حلوة لو احنا بنفكر فيها صح , بس كلنا حاشرين حالنا بزاوية وبنلطم قاعدين :D
الحمد لله , انا طلعت من هالزاوية بدون رجعة
وكلامك هاذ اكدلي اني ماشي صح لحد هسه
يسلموا ايديكي عالكلام , صدقيني كثير غيّر فيّي :)
ummomar
مهو ليه هيك بنروح لهالهم بإجرينا؟
بنموت ونلاقي مصيبه نشبع فيها لطم
lunar.
بسعدني إنو أقدر أساعد بيالي بقدر عليه
بس أحكيلك شغلة ,, في مرات الواحد مش المفروض يحرم حاله من شغلات بسبب شغلات أو أشخاص بدايقونا بالموضوع بحد ذات
أنا دايقوني كتير ناس في هاي المدونة ولا زالوا وتفكيري الوحيد كان إني أشطب أو أغير اسم المدونة بعدين فكرت إنو مش عشان همه مش طايقيني أو مش متقبلينني أو بغاروا أو عم يكبوا بلاهم عليي أرضخ لكلامهم الفارط وأرد عليهم ,, لا بالعكس أنا بتجاهل وجودهم وبتجاهل أي تعليق أو أي شي بيحكوه وبكمل في حياتي
لازم نفرق بين المواضيع يلي نتجاهلها والسبب يلي نتاجهله عشانه ونحط أولويات ونوزن مصالحنا فيها
Post a Comment
:وكيل المكومنت قال